Mateo 6:10 - Somi He Ɔ

¹⁰ O matsɛ yemi ɔ nɛ ba; A pee nɔ nɛ o suɔ ngɛ zugba a nɔ kaa a peɔ ngɛ hiɔwe ɔ.

BAIBLO ALOO NGMAMI KLƆUKLƆU Ɔ

¹⁰ O Matsɛ yemi ɔ nɛ ba; a pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ.

Mateo 6:10 ပူးပေါင်းရင်းမြစ်များ

Hebribi 10:36

Tsui si tomi he hia nyɛ, konɛ nyɛɛ pee Mawu suɔmi nya ni, nɛ nyɛ nine nɛ e su siwomi ɔ nɔ.

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Mateo 26:42

E pue nɔ kɛ ho ekohu nɔ nɛ ji si enyɔ, nɛ e ya sɔle ke: “Tsaatsɛ, ke kplu nɛ ɔ be nyɛe ye he bemi kɛ ho kaa ja i nu ɔ, a pee bɔ nɛ o suɔ.”

Mateo 12:50

Ejakaa nɔ tsuaa nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

1 Tesalonikabi 5:18

nyɛɛ na si ngɛ nɔ fɛɛ nɔ mi; ejakaa lɔ ɔ ji Mawu suɔmi nya ni ngɛ Kristo Yesu mi ngɛ nyɛ blɔfami.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

Efesobi 6:6

pi kɛ hɛ mi hɛ mi sɔmɔmi kaa nihi nɛ hlaa nimli a hɛ mi nyami, se mohu kaa Kristo tsɔli nɛ jee a tsui mi peɔ Mawu suɔmi nya ni,

Mateo 7:21

“Pi nɔ tsuaa nɔ nɛ deɔ mi ke: ‘Nyɔmtsɛ, Nyɔmtsɛ’ ɔ nɛ maa sɛ hiɔwe matsɛ yemi ɔ mi; se mohu nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ.

1 Petro 2:15

Ejakaa ja ji Mawu suɔmi nya ni, kaa nyɛɛ kɛ kpakpa peemi nɛ tsi nihi nɛ be yi mi ɔmɛ a kuasia peemi ɔ nya.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

Luka 22:42

ke: “Tsaatsɛ, ke o suɔ ɔ, je kplu nɛ ɔ kɛ je ye nɔ! Se kɛ̃ ɔ pi bɔ nɛ i suɔ, se mohu bɔ nɛ mo o suɔ.” [

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Kpojemi 19:6

Nɛ i nu gbi ko kaa nimli asafo babauu gbi kɛ nyu babauu pɛmi kɛ hiɔwe simi nɛ nyɛ wa pɛmi nɛ ngɛ dee ke: “Haleluya! Ejakaa Nyɔmtsɛ, wa Mawu Ope ɔ, ngɛ matsɛ yee.

1 Tesalonikabi 4:3

Enɛ ɔ ji Mawu suɔmi nya ni kaa nyɛ he nɛ tsɔ, lɔ ɔ ji kaa nyɛɛ tsi nyɛ he nya kɛ je ajuama bɔmi he,

Ni Tsumi 21:14

Se akɛnɛ e kplɛɛ we he je ɔ, wa pee kɔ nɛ wa ke: “A pee nɔ nɛ Nyɔmtsɛ ɔ suɔ.”

Ni Tsumi 13:22

Nɛ benɛ e kpa lɛ ɔ, e wo David nɔ, nɛ e wo lɛ a nɔ matsɛ, nɔ nɛ he odase nɛ e ye ke: ‘I na David, Ishai bi ɔ, nyumu nɛ i ngɛ e he tsui, nɔ nɛ maa pee ye suɔmi nya ni ɔmɛ kulaa.’

Mateo 4:17

Kɛ je jamɛ a ligbi ɔ, Yesu bɔni fiɛmi nɛ e ke: “Nyɛɛ kpale kɛ je nyɛ blɔ yaya amɛ a nɔ. Nyɛ tsake nyɛ tsui, se hiɔwe matsɛ yemi ɔ su si haa.”

Kpojemi 12:10

Nɛ i nu gbi ngua ko ngɛ hiɔwe ke: “Jehanɛ yi wami hemi ɔ kɛ he wami ɔ kɛ matsɛ yemi ɔ plɛ wa Mawu ɔ nɔ, nɛ a kɛ he blɔ ɔ ha e Kristo (nɔ nɛ a pɔ lɛ nu) ɔ, ejakaa a sake wa nyɛmimɛ ɔmɛ a nya polɔ ɔ nɛ poo a nya ngɛ wa Mawu ɔ hɛ mi nyɔ kɛ pia a ngɔ fɔ he.

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

Hebribi 10:7

Kɛkɛ nɛ i de ke: ‘Oʼɛ, i ba, Oo Mawu, Nɛ ma ba pee o suɔmi nya ni Kaa bɔ nɛ a ngma ngɛ ye he ngɛ Mlaa womi ɔ mi ɔ.’ ”

Luka 19:38

a ke: “A gbaa matsɛ nɛ ma ngɛ Nyɔmtsɛ ɔ biɛ mi ɔ, hejɔmi ngɛ hiɔwe nɛ hɛ mi nyami ngɛ hiɔwe lokoo!”

Marko 3:35

Ejakaa nɔ tsuaa nɔ nɛ peɔ Mawu suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

Mateo 16:28

Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Marko 11:10

A gbaa wa tsɛ David matsɛ yemi nɛ ma a! Hosiana ngɛ hiɔwe lokoo!”

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Hebribi 1:14

Anɛ mɛ kulaa a, pi mumihi nɛ sɔmɔɔ ji mɛ, nɛ nihi nɛ ma na yi wami hemi ɔ a sɔmɔmi he je nɛ a tsɔ mɛ?

Kolosebi 1:13

nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

Luka 19:11

Benɛ a ngɛ ni nɛ ɔmɛ tue bue ɔ, e bu abɛ ko kɛ si nɔ, ejakaa e su Yerusalem tã nɛ a susu kaa amlɔ ɔ nɔuu Mawu matsɛ yemi ɔ ma je e he si.

Ni Tsumi 22:14

Nɛ e ke: ‘Wa tsɛmɛ a Mawu ɔ hla mo ngɔ to nɛ o le e suɔmi nya ni nɛ o na Dalɔ ɔ nɛ o nu e nya mi gbi ko;