Mateo 6:1 - Somi He Ɔ

¹ “Nyɛɛ hyɛ nɛ hi nɛ nyɛ ko pee nyɛ dami nihi ngɛ ma hɛ mi, ke nyɛ pee ɔ, lɔ ɔ lɛɛ, nyɛ be hiɔwo ko ngɛ nyɛ tsɛ nɛ ngɛ hiɔwe ɔ ngɔ.

BAIBLO ALOO NGMAMI KLƆUKLƆU Ɔ

¹ “Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Mateo 6:1 ပူးပေါင်းရင်းမြစ်များ

Mateo 23:5

Se a nihi tsuo ɔ a peɔ konɛ nihi nɛ na. Ejakaa a haa a kaimi sɛbɛ ɔmɛ bliɔ nɛ a peɔ a tade nya fiami ɔmɛ nguahi;

Yohane 12:43

ejakaa a suɔ nimli a hɛ mi nyami pe Mawu nɔ́.

Hebribi 6:10

Ejakaa Mawu pi nɔ nɛ yeɔ sane nɛ dɛ́ nɛ e hɛ maa je nyɛ ni tsumi ɔ nɔ kɛ suɔmi he dengme nɛ nyɛ gbo ngɛ e biɛ ɔ he, nɛ nyɛɛ kɛ sɔmɔ ni klɔuklɔu ɔmɛ, nɛ nyɛ pa kɛ ngɛ mɛ sɔmɔe kɛ mwɔ ɔ.

Luka 16:15

Nɛ Yesu de mɛ ke: “Nyɛ ji nihi nɛ nyɛ buu nyɛ he bemi ngɛ nimli a hɛ mi; se Mawu lɛɛ e le nyɛ tsuihi a mi, ejakaa nɔ nɛ ji gojoo ngɛ nimli a hɛ mi ɔ, eji nɔ ko nɛ Mawu nyɛɛ.

Galatabi 6:12

Nihi nɛ hlaa kaa a hɛ mi nɛ ba nyami ngɛ he lo mi ɔ, mɛ lɛ a nyɛɛ nyɛ nɔ kaa a po nyɛ, benɛ pee nɛ a ko wa mɛ yi mi ngɛ Kristo sɛumi tso ɔ he.

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

2 Yohane 1:8

Nyɛɛ hyɛ nyɛ he saminya, konɛ nyɛ ko laa nihi nɛ wa tsu ɔ, se mohu nyɛ na hiɔwo nɛ sa.

Marko 8:15

Yesu bɔ mɛ kɔkɔ ke: “Nyɛɛ hyɛ saminya, Tiɛ nyɛ hɛ nɛ hi nyɛ he nɔ ngɛ Farisifo ɔmɛ a ma sasɛ kɛ Herode ma sasɛ ɔ he!”

Mateo 6:16

“Se ke nyɛ ngɛ hwɔ hae ɔ, nyɛ ko pee nyɛ hɛ mi nɔbɔmɔbɔ kaa osatotsɛmɛ ɔmɛ; a peɔ a hɛ mi nyanyaanya konɛ nimli nɛ na kaa a ngɛ hwɔ hae. Niinɛ, i ngɛ nyɛ dee ke: A nine su a hiɔwo nɔ mo?

Mateo 16:6

Yesu de mɛ ke: “Nyɛɛ hyɛ nɛ nyɛ hɛ hi nyɛ he nɔ ngɛ Farisifohi kɛ Sadukifo ɔmɛ a mɛ sasɛ ɔ he!”

Luka 12:15

Nɛ e de mɛ ke: “Nyɛ hɛ nɛ hi nyɛ he nɔ saminya ngɛ hɛ tsumi he; ejakaa pi nɔmlɔ ni nɛ e na nɛ be nɔ ɔ mi nɛ e wami ngɛ.”

Mateo 5:48

Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Luka 11:35

Lɔ ɔ he ɔ hyɛ nɛ hi konɛ la nɛ ngɛ o mi ɔ ko plɛ diblii.

Luka 12:1

Jamɛ a be ɔ mi nɔuu ɔ, benɛ nihi akpe akpehi abɔ ba bua a he nyɛ nɛ nihi ngɛ nihi a nɔ nae ɔ, Yesu bɔni e kaseli ɔmɛ demi ke: “Kekleekle ɔ, nyɛ hɛ̃ nɛ hi nyɛ he nɔ ngɛ Farisifo ɔmɛ a ma sasɛ nɛ ji osato peemi ɔ he.

Mateo 25:40

Nɛ matsɛ ɔ ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee ngɔ ha ye nyɛmimɛ nɛ ɔmɛ a ti nyafii kake ɔ, imi nɔuu nyɛ pee ngɔ ha a nɛ.’

Mateo 5:46

Se ke nyɛ suɔ ninɛmɛ nɛ suɔ nyɛ ɔ, mɛni hiɔwo nyɛ ngɛ? Anɛ to tsuli ɔmɛ tete pee we ja nɔuu lo?

Mateo 23:13

“Musu tloo nyɛ, mlaa tsɔɔli kɛ Farisifohi, osatotsɛmɛ, ejakaa nyɛ ngaa hiɔwe matsɛ yemi ɔ nya ngɛ nimli a hɛ mi; se nyɛ nitsɛmɛ ɔ nyɛ sɛ we mi, nɛ ninɛmɛ nɛ hlaa nɛ a sɛ mi ɔ hu ɔ, nyɛ ha we mɛ e mi sɛmi he blɔ. [

Mateo 6:9

Lɔ ɔ he ɔ nyɛɛ sɔle kikɛ: ‘Wa tsɛ nɛ ngɛ hiɔwe, O biɛ ɔ he nɛ tsɔ;

Hebribi 2:1

Lɔ ɔ he ɔ e sa kaa waa pɛtɛ nihi nɛ wa nu ɔmɛ a he wawɛɛ konɛ wa ko tsɔ kɛ je he.

Hebribi 11:26

E bu Kristo ahluabɔmi ɔ kaa ni babauu pe Mizraim juetli, ejakaa e ngɛ hiɔwo ɔ hyɛe.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Ni Tsumi 3:12

Se benɛ Petro na enɛ ɔ ɔ, e de ma a ke: “Nyɛ Israel nyumuhi, mɛ he je nyɛ hɛ mi ngɛ nyɛ yaa pee ngɛ enɛ ɔ he? Aloo mɛ he je nyɛ ngɛ wɔ hyɛe too kikɛ, kaa nɔ́ nɛ wɔ nitsɛmɛ wa he wami loo wa Mawu jami nya waa kɛ ha nɔ nɛ ɔ ngɛ nyɛɛe nɛ ɔ?