Mateo 5:22 - Somi He Ɔ

²² Se i ngɛ nyɛ dee ke: nɔ tsuaa nɔ nɛ muklii mi fuɔ e nyɛmi (yaka a), a kɛ lɛ maa ba kojolɔ ɔ hɛ mi; nɛ nɔ tsuaa nɔ nɛ deɔ e nyɛmi ke: ‘Yaka nɔmlɔ’ ɔ, a kɛ lɛ maa ba gua ngua a hɛ mi; nɛ nɔ tsuaa nɔ nɛ tsɛɛ e nyɛmi ke kuasia nɛ he be senami ɔ, e maa ye abosiami a je la a mi yami fɔ?

BAIBLO ALOO NGMAMI KLƆUKLƆU Ɔ

²² Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Mateo 5:22 ပူးပေါင်းရင်းမြစ်များ

1 Yohane 2:9

Nɔ nɛ deɔ ke e ngɛ la a mi nɛ e nyɛɛ lɛ nitsɛ e nyami ɔ, diblii ɔ mi e ngɛ kɛ mwɔɔ.

Yakobo 3:6

Nɛ lilɛ ɔ hu la ʼi, wa he ni ɔmɛ a kpɛti ɔ, lilɛ ji ni yayahi a je nɛ bleɔ nɔmlɔ tso mluku ɔ kulaa. E maa ma je mi si himi kulaa nya la kɛ la nɛ jee abosiami a je nitsɛ.

Tito 3:2

a ko tu nɔ ko he munyu yaya, a ko hla pɛ; se mohu a pee kpoo, nɛ a kɛ a he nɛ tsɔɔ nɔ fɛɛ nɔ kaa a he jɔ.

Mateo 10:28

Nɛ nyɛ ko ye ninɛmɛ nɛ gbee nɔmlɔ tso ɔ nɛ a nyɛ we klaa a nɛ a gbe ɔ gbeye; se mohu nyɛɛ ye nɔ nɛ nyɛɛ klaa a kɛ nɔmlɔ tso ɔ tsuo hɛ mi kpataa ngɛ gehena mi ɔ gbeye.

Mateo 18:35

Ja nɔuu Tsaatsɛ nɛ ngɛ hiɔwe ɔ hu ma ngɔ pee nyɛ, ke nyɛ ti nɔ tsuaa nɔ ngɔɛ e nyɛmi nɔ tɔmi ngɔ ki lɛ kɛ ji e tsui mi ɔ.”

1 Petro 3:9

Nyɛɛ kɛ yayami ko ma yayami nane mi aloo jɛmi ngɛ jɛmi nane mi, se mohu nyɛɛ gbaa, ejakaa nyɛ le kaa enɛ ɔ he nɛ a tsɛ nyɛ, konɛ nyɛ nine nɛ su gbaami ɔ nɔ.

Romabi 12:10

Nyɛɛ kɛ nyɛmimɛ a suɔmi nɛ suɔ nyɛ he; nɔ tsuaa nɔ kɛ bu nɛ ha e nyɛmi kekle.

1 Petro 2:23

nɔ nɛ benɛ a ngɛ lɛ jɛe ɔ, e jɛ we nɔ ko tui nane mi, benɛ e ngɛ amanehlu nae ɔ, e gbiɛ́ nɔ ko, se mohu e tu e sane ngɔ wo nɔ nɛ kojoɔ dami nya a dɛ mi.

Mateo 18:21

Kɛkɛ nɛ Petro ba Yesu ngɔ nɛ e ba bi lɛ ke: “Mawetsɛ, si enyɛmɛ ye nyɛmi nɛ tɔ ye nɔ nɛ ma kɛ pa lɛ? Kɛ ya su si kpaago lo?”

Yuda 1:9

Se bɔfo nɔkɔtɔma Mikael tete po, pee we enɛ. E kɛ abosiami pɛ nɛ e kɛ lɛ sa nya ngɛ Mose flu ɔ he. Mikael gbiɛ́ abosiami kɛ musu bɔmi munyu ko, se mohu e ke: “Nyɔmtsɛ ɔ nɛ kã o hɛ mi!”

1 Yohane 3:10

Enɔ mi nɛ slɔɔto nɛ ngɛ Mawu bimɛ kɛ abosiami bimɛ a kpɛti ɔ jeɔ e he si paa ngɛ. Nɔ tsuaa nɔ nɛ tsu we dami nihi ɔ, nɛ e sume e nyɛmi hulɔ ɔ, pi Mawu bi ji lɛ.

Ni Tsumi 17:18

Se ni leli nɛ je Epikurotsɛmɛ kɛ Stoatsɛmɛ ɔmɛ a ti ni komɛ kɛ lɛ sa nya; nɛ ni komɛ ke: “Mɛni nyapuutsɛ nɛ ɔ ma de po?” Ni komɛ hu ke: “E ngɛ kaa nɔ ko nɛ jajeɔ ma se wɔhi a he sane tsɔɔ;” ejakaa e jaje Yesu kɛ e si temi he sane kpakpa a tsɔɔ mɛ.

1 Tesalonikabi 4:6

konɛ nɔ ko ko ye e nyɛmi amimi nɛ e sisi lɛ ngɛ sane ko mi ejakaa enɛ ɔmɛ tsuo a he tue gblalɔ ji Mawetsɛ ɔ, kaa bɔ nɛ wa de nyɛ ngɔ to nɛ wa ye he odase ɔ.

Marko 14:55

Nɛ osɔfo nikɔtɔma amɛ kɛ gua mluku ɔ tsuo hla Yesu he sane ko konɛ a da nɔ kɛ gbe lɛ; se a nɛ́ eko.

Mateo 26:59

Osɔfo nikɔtɔma amɛ kɛ nikɔtɔma amɛ kɛ gua a tsuo hla lakpa odase ngɛ Yesu he, konɛ a gbe lɛ;

Yohane 11:47

Lɔ ɔ he ɔ, osɔfo nikɔtɔma amɛ kɛ Farisifo ɔmɛ tsɛ kpe, nɛ a ke: “Kɛ wa ngɛ pee kɛɛ? Nyumu nɛ ɔ ngɛ okadi slɔɔtohi fuu pee.

Kpojemi 20:14

Nɛ gbenɔ kɛ gbeje lɛɛ, a sake mɛ ngɔ pue la taku ɔ mi. Enɛ ɔ ji gbenɔ nɛ ji enyɔ ɔ nɛ.

Ni Tsumi 7:37

Lɛ ji jamɛ a Mose nɛ de Israelbi ɔmɛ ke: ‘Nyɔmtsɛ nyɛ Mawu ɔ ma tle gbalɔ ko nɛ ngɛ kaa imi si kɛ maa je nyɛ nyɛmimɛ ɔmɛ a kpɛti ngɔ ha nyɛ; nyɛɛ bu lɛ tue.’

Luka 12:5

Se ma tsɔɔ nyɛ nɔ nɛ sa nɛ nyɛɛ ye gbeye: Nyɛɛ ye nɔ nɛ ke e gbe se ɔ nɛ e ngɛ he blɔ kaa e ma sake ngɔ fɔ gehena mi ɔ gbeye. Ee, i ngɛ nyɛ dee ke, lɛ gbeye nyɛɛ ye.

Mateo 5:44

Se imi lɛɛ, i ngɛ nyɛ dee ke: Nyɛɛ suɔ nyɛ henyɛli, nyɛɛ sɔle ha nihi nɛ waa nyɛ yi mi ɔ,

Mateo 5:34

Se imi lɛɛ i ngɛ nyɛ dee ke: Nyɛ ko ka kita kulaa! Nyɛ ko ka hiɔwe, ejakaa Mawu matsɛ sɛ ʼi,

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

1 Yohane 5:16

Ke nɔ ko na e nyɛmi nɛ e ngɛ yayami pee nɛ pi gbenɔ yayami ɔ, e bi Mawu, nɛ e ma ha lɛ wami, enɛ kɔɔ nihi nɛ peɔ yayami nɛ pi gbenɔ yayami ɔmɛ a he. Gbenɔ yayami ko ngɛ, se pi enɛ ɔ he nɛ i ngɛ dee ke e bi ɔ.

Yakobo 2:20

Oo, kuasia, o ngɛ hlaɔ nɛ o le kaa hemi kɛ yemi nɛ ni tsumihi be he ɔ, hemi kɛ yemi gbogboe ʼi lo?

Hebribi 12:25

Nyɛɛ hyɛ nɛ hi konɛ nyɛ ko kua nɔ nɛ ngɛ munyu tue ɔ munyu ɔ, ejakaa ke nihi nɛ kua nɔ nɛ tu munyu tsɔɔ mɛ ngɛ zugba a nɔ munyu ɔ a he ji mi ɔ, lɛɛ ke wa kpale kɛ je nɔ nɛ jee hiɔwe tuɔ munyu ɔ se ɔ, wɔ mohu wa he be mi jee kɔkɔɔkɔ;

Hebribi 5:9

nɛ benɛ a ha e hi kɛ pi si ɔ, e plɛ nɔ nɛ mi nɛ neneene yi wami hemi jee kɛ haa nihi tsuo nɛ buɔ lɛ tue ɔ,

1 Korintobi 6:10

loo juɔhi loo hɛ dooli loo da deli loo nɔ jɛli loo amim yeli a nine be Mawu matsɛ yemi ɔ nɔ sue kulaa.

1 Korintobi 6:6

Se mohu nɔ kɛ e nyɛmi yaa kojomi ngɛ nihi nɛ he we yi ɔmɛ po a ngɔ!

Ni Tsumi 5:27

Nɛ benɛ a kɛ mɛ ba a, a kɛ mɛ ba da gua ngua a hɛ mi; nɛ osɔfo nɔkɔtɔma a bi mɛ ke:

Yohane 15:25

Sa nɛ e ba jã benɛ pee nɛ munyu nɛ a ngma ngɛ Mlaa a mi ɔ nɛ ba mi ke: ‘A nyɛ mi gu!’

Yohane 8:48

Kɛkɛ nɛ Yudafo ɔmɛ he nɔ nɛ a de Yesu ke: “Anɛ e be mi kaa wa ke Samariano ji mo, nɛ mumi yayami hu ngɛ o mi ɔ lo?”

Yohane 7:20

Asafo ɔ he nɔ nɛ a ke: “Mumi yayami ngɛ o mi; mɛnɔ ngɛ mo hlae nɛ e gbe?”

Marko 15:1

Mɔtu mla a, osɔfo nikɔtɔma amɛ kɛ ma nikɔtɔma amɛ kɛ mlaa tsɔɔli ɔmɛ kɛ gua ngua a tsuo ya da nɛ a fi Yesu nɛ a kpaka lɛ kɛ ya ha Pilato

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 23:33

Sinɔhi kɛ si kpali a nina! Kɛ nyɛ maa pee kɛ tu abosiami a je fɔbu ɔ nya fo kɛɛ?

Mateo 23:15

“Musu tloo nyɛ, mlaa tsɔɔli kɛ Farisifohi, osatotsɛmɛ, ejakaa nyɛ bɔlee wo kɛ zugba kɛ kpee, konɛ nyɛ na nɔ kake ne e plɛ Yudafono; nɛ benɛ nɔ ɔ plɛ ja a, nyɛ peɔ lɛ abosiami bi si enyɔ pe nyɛ nitsɛmɛ nyɛ he.

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 12:24

Se benɛ Farisifo ɔmɛ nu ɔ, a ke: “Pi yaka nɛ nɔ nɛ ɔ ngɛ mumi yayamihi hiae ɔ, se mumi yayamihi a tsɛ Beelzebul ɔ he wami nyɛ ʼi.”

Mateo 10:17

Nyɛ hɛ nɛ hi nyɛ he nɔ ngɛ nimli a he; ejakaa a maa ngɔ nyɛ kɛ maa ya guahi a mi nɛ a maa fia nyɛ kpa ngɛ a kpe he ɔmɛ;

Luka 22:66

Benɛ je na a, ma nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ a nya ba bua, nɛ a kpaka lɛ kɛ ho a gua a hɛ mi ya,

Ni Tsumi 4:15

Lɔ ɔ he ɔ a fa mɛ ke a je gua a mi kɛ je kpo bɔɔ. A ya dami

Ni Tsumi 5:21

Nɛ a pee bɔ nɛ a de mɛ ɔ, nɛ a pue nɔ mɔtu mla kɛ ho sɔlemi we ɔ ya nɛ a ya tsɔɔ ni. Jeha nɛ ɔ osɔfo nɔkɔtɔma a kɛ nihi nɛ kɛ lɛ ngɛ ɔ ba, nɛ a ba tsɛ gua ngua a kɛ Israelbi ɔmɛ a nikɔtɔma amɛ tsuo kɛ kpe, nɛ a tsɔ kɛ ya tsu ɔ mi konɛ a ya je bɔfo ɔmɛ kɛ ba

Ni Tsumi 6:12

Nɛ a wo ma bi ɔmɛ kɛ ma nikɔtɔma amɛ kɛ mlaa tsɔɔli amɛ yi, nɛ a te si kɛ ba pue e nɔ nɛ a ba nu lɛ, nɛ a kpaka lɛ kɛ ya gua ngua a hɛ mi.

Ni Tsumi 6:15

Nɛ nihi nɛ hii si ngɛ gua ngua a mi ɔ tsuo dɔ a hɛngmɛ ngɔ to e nɔ, nɛ a na e hɛ mi kaa Mawu bɔfo ko hɛ mi.

Ni Tsumi 22:30

Se akɛnɛ asafoatsɛ nɔkɔtɔma a ngɛ hlae nɛ e le nɔ́ tutuutu he je nɛ Yudafo ɔmɛ po e nya a, e nɔ je na nɔ ɔ, e pɛne lɛ, nɛ e fa ke osɔfo nikɔtɔma amɛ kɛ gua ngua a kulaa nɛ ba. Nɛ e kɛ Paulo kple si, nɛ e kɛ lɛ ya da a hɛ mi.

Ni Tsumi 23:1

Paulo tɛ̃tɛ̃ e hɛ mi nɛ e hyɛ gua ngua a kɛ kpe nɛ e ke: “Tsaatsɛmɛ kɛ mamimɛ, imi lɛɛ he nile kpakpa sɔuu i kɛ ba ye je mi ngɛ Mawu hɛ mi kɛ ba su mwɔnɛ ligbi nɛ ɔ.”

Ni Tsumi 24:20

Aloo ni nɛ ɔmɛ nitsɛmɛ po, ke a na nɔ́ ko nɛ dɛ ngɛ ye he benɛ i daa si ngɛ gua ngua a hɛ mi ɔ, a de;