Mateo 5:18 - Somi He Ɔ

¹⁸ Niinɛ, i ngɛ nyɛ dee ke: Be abɔ nɛ hiɔwe kɛ zugba ngɛ lolo nɛ ɔ ɔ, kpɔ kake loo ngu nyafii pe kulaa be mlaa a mi jee ja a gbe nihi tsuo kulaa nya.

BAIBLO ALOO NGMAMI KLƆUKLƆU Ɔ

¹⁸ Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Mateo 5:18 ပူးပေါင်းရင်းမြစ်များ

Luka 16:17

E wɛ hi hiɔwe kɛ zugba kaa a maa be kɛ ho pe nɔ́ nɛ Mlaa a mi ngu kake maa nɔ si.

1 Petro 1:25

Se Nyɔmtsɛ ɔ munyu ɔ hii si kɛ yaa neneene.” Enɛ ɔ ji munyu nɛ a jaje tsɔɔ nyɛ ke Sane Kpakpa a nɛ.

Marko 13:30

Anɔkuale mi i ngɛ nyɛ dee ke, loko yi nɔ nɛ ɔ maa be ɔ, ja ni nɛ ɔmɛ tsuo ba mi lolo.

Kpojemi 20:11

Kɛkɛ nɛ i na matsɛ sɛ hiɔ ngua ko, kɛ nɔ nɛ hii si ngɛ nɔ ɔ, nɛ zugba kɛ hiɔwe tu fo ngɛ e hɛ mi, nɛ a nɛ blɔ ha mɛ.

Yohane 5:19

Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Mateo 17:20

Se Yesu de mɛ ke: “Nyɛ hemi kɛ yemi nɛ pi ɔ he je. Ejakaa niinɛ, i ngɛ nyɛ dee ke: Ke nyɛ ngɛ hemi kɛ yemi nɛ ngɛ kaa sinapi wu ɔ, nyɛ ma de yoku nɛ ɔ ke: ‘Hia ngɛ hiɛ ɔ kɛ ya lejɛ ɔ.’ Nɛ e maa hia; nɛ nɔ ko be nɛ nyɛ be nyɛe maa pee. [

Mateo 16:28

Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Mateo 13:17

Ejakaa niinɛ, i ngɛ nyɛ dee ke, gbali kɛ dali fuu hla nɛ a na nihi nɛ nyɛ ngɛ nae nɛ ɔ, nɛ a ya nɛ́, aloo nɛ a nu nihi nɛ nyɛ ngɛ nue nɛ ɔ, nɛ a ya nui.”

Mateo 10:23

Se ke a ngɛ nyɛ yi mi wae ngɛ ma nɛ ɔ mi ɔ, nyɛɛ tu fo kɛ ya ekpa mi; se niinɛ, i ngɛ nyɛ dee ke: Nyɛ be Israel ma amɛ tsuo nya gbee loko Nɔmlɔ Bi ɔ maa ba.

Mateo 6:2

“Lɔ ɔ he ɔ ke o ngɛ kpakpa pee ɔ, ko kpa titimati ngɛ o hlami, kaa bɔ nɛ osatotsɛmɛ ɔmɛ peɔ ngɛ kpe hehi kɛ magbɛ ɔmɛ a nɔ konɛ nihi nɛ je a yi ɔ. I ngɛ nyɛ dee anɔkuale mi ke: A nine su a hiɔwo nɔ mo.

Mateo 5:26

Niinɛ, i ngɛ mo dee ke: O be lejɛ ɔ jee kɛ yaa si o maa wo nyagbe pɛsɛwa a.”

Yohane 21:18

I ngɛ mo dee anɔkuale mi ke: Benɛ o ji niheyo ɔ, mo nitsɛ o miaa nɛ o nyɛɛ he nɛ o suɔ; se ke o bwɔ ɔ, o ma kpã o nine mi, nɛ nɔ kpa maa mia mo, nɛ e kɛ mo maa ya he nɛ o sume.”

Yohane 16:23

“Jamɛ a ligbi ɔ nɔ ɔ, nyɛ be mi nɔ́ ko nɔ́ bie. I ngɛ nyɛ dee anɔkuale mi ke: Nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ma ha nyɛ.

Yohane 16:20

I ngɛ nyɛ dee anɔkuale mi ke: Nyɛɛ lɛɛ nyɛ ma fo nɛ nyɛ maa wo ya, se je ɔ ma nya. Nyɛ lɛɛ nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Yohane 14:12

Anɔkuale mi, i ngɛ nyɛ dee ke: Nɔ nɛ heɔ ye nɔ yeɔ ɔ, ni tsumihi nɛ i tsuɔ ɔ, lɛ hu e ma tsu, nɛ e ma tsu nihi nɛ pe kɔlɔ ɔmɛ tete, ejakaa i yaa Tsɛ ɔ ngɔ.

Yohane 13:38

Yesu he nɔ ke: “O maa ngɔ o wami ngɔ fɔ si ngɛ ye he lo? I ngɛ mo dee anɔkuale mi ke: Kungwɔ be nɔ kpae nɛ o ma kpa ngɛ ye se si etɛ.”

Yohane 13:16

I ngɛ nyɛ dee anɔkuale mi ke: Nyɔguɛ pa we e nyɔmtsɛ, nɛ jeha nɛ ɔ hu tsɔlɔ pa we nɔ nɛ tsɔ lɛ ɔ.

Yohane 12:24

Anɔkuale mi i ngɛ nyɛ dee ke: Ke ngma ngu nɔɛ zugba nɛ e gbo ɔ, lɛɛ bɔ nɛ e ngɛ ɔ nɔuu e maa hi; se ke e gbo ɔ, e woɔ yiblii fuu.

Yohane 10:7

Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ.

Yohane 10:1

“Anɔkuale mi i ngɛ nyɛ dee ke: Nɔ nɛ gui sinya a nya nɛ e kɛ se to ɔmɛ a tsu ɔ mi se mohu e guu he kpa kɛ kuɔ ɔ, juɔ kɛ ojofialɔ ji lɛ.

Yohane 8:58

Yesu de mɛ ke: “I ngɛ nyɛ dee anɔkuale mi ke: I ngɛ loko Abraham ngɛ.”

Yohane 8:51

I ngɛ nyɛ dee anɔkuale mi ke: Ke nɔ ko ye ye munyu ɔ nɔ ɔ, e be gboe gblegbleegblee.”

Yohane 8:34

Yesu he nɔ ke: “I ngɛ nyɛ dee anɔkuale mi ke: Nɔ tsuaa nɔ nɛ peɔ yayami ɔ, yayami ɔ nyɔguɛ ji lɛ.

Yohane 6:53

Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Ke nyɛ yi Nɔmlɔ Bi ɔ he lo nɛ nyɛɛ nu e muɔ ɔ, nyɛ be wami ngɛ nyɛ mi.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 6:32

Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Pi Mose ji nɔ nɛ ha nyɛ abolo ɔ kɛ je hiɔwe ɔ se Tsaatsɛ mohu lɛ haa nyɛ abolo nɛ jee hiɔwe ɔ nɛ.

Yohane 6:26

Yesu he nɔ ke: “I ngɛ nyɛ dee anɔkuale mi ke: Tsa pi okadihi nɛ nyɛ na a he nɛ nyɛ ngɛ mi hlae nɛ ɔ, se mohu akɛnɛ nyɛ ye abolo ɔ eko nɛ nyɛ tɔ ɔ he je.

Yohane 3:11

I ngɛ mo dee anɔkuale mi ke: Nɔ́ nɛ wa le ɔ, kɔlɔ ɔ wa deɔ; nɛ nɔ́ nɛ wa na a, kɔlɔ ɔ he odase wa yeɔ, se nyɛ ngɔɛ wa odase ɔ.

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Yohane 1:51

Nɛ e de mɛ ke: “I ngɛ nyɛ dee anɔkuale mi ke: Kɛ je be nɛ ɔ nɔ ɔ, nyɛ maa na kaa hiɔwe nya bli nɛ Mawu bɔfo ɔmɛ ngɛ si kplee ngɛ Nɔmlɔ Bi ɔ nɔ.”

Luka 23:43

Nɛ Yesu de lɛ ke: “Niinɛ, i ngɛ mo dee ke: Mwɔnɛ o kɛ mi maa hi Paradeiso!”

Luka 18:29

Yesu de mɛ ke: “Niinɛ, i ngɛ nyɛ dee ke: Nɔ ko nɔ ko be nɛ e si we loo yo loo nyɛmimɛ nyumuhi loo fɔli loo bimɛ ngɛ Mawu matsɛ yemi ɔ he,

Luka 18:17

Niinɛ, i ngɛ nyɛ dee ke: Nɔ tsuaa nɔ nɛ ngɔɛ Mawu matsɛ yemi ɔ kaa jokuɛ nyafii ko ɔ, e be mi sɛe kulaa.”

Luka 13:35

Oʼɛ, a si nyɛ we ɔ we doku ha nyɛ. Se i ngɛ nyɛ dee ke: Nyɛ be mi nae hu kɛ maa su be nɛ e maa ba mi kaa nyɛ ma de ke: ‘A gbaa nɔ nɛ ma ngɛ Nyɔmtsɛ ɔ biɛ mi ɔ!’ ”

Luka 12:37

A gbaa jamɛ a tsɔli ɔmɛ nɛ benɛ a nyɔmtsɛ ɔ maa ba a nɛ e ma ba na mɛ kaa a ngɛ nyɔ fɔe ɔ! Niinɛ, i ngɛ nyɛ dee ke e maa mia nɛ e ma ha a hi si ngɛ niyeni he, nɛ e maa ba ba sɔmɔ mɛ.

Luka 11:51

kɛ je Habel muɔ ɔ nɔ kɛ ya su Zakaria, nɔ nɛ a gbe ngɛ bɔ sami latɛ ɔ kɛ sɔlemi tsu ɔ kpɛti ɔ muɔ ɔ nɔ. Ee, i ngɛ nyɛ dee ke a ma bi si ngɛ yi nɔ bi nɛ ɔmɛ a dɛ!

Marko 14:30

Nɛ Yesu de lɛ ke: “I ngɛ mo dee anɔkuale mi ke: “Mwɔnɔ nyɔ nɛ ɔ mi ɔ, kungwɔ be nɔ kpae si enyɔ nɛ o ma kpa ngɛ ye se si etɛ.”

Marko 14:25

I ngɛ nyɛ dee anɔkuale mi ke, i be wai nɛ ɔ eko nue hu kɛ yaa su ligbi nɛ ma nu wai he ɔ ngɛ Mawu matsɛ yemi ɔ mi.”

Marko 14:18

Benɛ a hii si nɛ a ngɛ ni yee ɔ, Yesu ke: “I ngɛ nyɛ dee anɔkuale mi ke: Nyɛ ti nɔ kake maa tsɔɔ ye se blɔ — nɔ ɔ kɛ mi ngɛ ni yee.”

Marko 14:9

Niinɛ, i ngɛ nyɛ dee ke: He tsuaa he nɛ a maa fiɛ Sane Kpakpa a ngɛ, ngɛ je ɔ mi tsuo ɔ, a maa sɛɛ nɔ́ nɛ yo nɛ ɔ pee nɛ ɔ hu kɛ ma kai lɛ.”

Marko 12:43

Nɛ Yesu tsɛ e kaseli ɔmɛ kɛ ba nɛ e de mɛ ke: “I ngɛ nyɛ dee anɔkuale mi ke: “Kikɛmɛ a yalɔyo ohiafo nɛ ɔ kɛ fuu ba wo mi pe ni ɔmɛ tsuo nɛ kɛ eko ba wo daka a mi ɔ.

Marko 11:23

I ngɛ nyɛ dee anɔkuale mi ke: Nɔ nɛ ma de yoku nɛ ɔ ke: ‘Hia nɛ o ya nɔ wo mi!’ nɛ e ji nɔ ngɛ e tsui mi, se mohu e heɔ yeɔ kaa nɔ nɛ e de ɔ a maa pee ɔ, e maa ba mi ha lɛ.

Marko 10:29

Yesu ke: “Niinɛ, i ngɛ nyɛ dee ke: Nɔ ko be nɛ e si we loo nyɛmimɛ nyumuhi loo nyɛmimɛ yihi loo tsɛ loo nyɛ loo yo loo bimɛ loo zugbahi ngɛ imi kɛ sane kpakpa a he,

Marko 10:15

Niinɛ, i ngɛ nyɛ dee ke: Nɔ tsuaa nɔ nɛ he we Mawu matsɛ yemi ɔ kaa jokuɛ nyafii ɔ, e be mi sɛe kulaa.”

Marko 9:41

Nɔ tsuaa nɔ nɛ ma ha nyɛ nyu kplu kake maa nu ngɛ ye biɛ mi kaa Kristo nihi ɔ, i ngɛ nyɛ dee anɔkuale mi ke e hiɔwo be lɛ fɔe.”

Marko 9:1

Nɛ e de mɛ ke: “Niinɛ i ngɛ nyɛ dee ke: Ni komɛ ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Mawu matsɛ yemi ɔ kaa e ba ngɛ he wami mi.”

Marko 8:12

Yesu la zanue ngɛ e mumi mi nɛ e ke: “Mɛni he je nɛ kikɛmɛ a yi nɔ bi nɛ ɔmɛ ngɛ okadi hlae? Niinɛ i ngɛ nyɛ dee ke: Ke a ma ha yi nɔ bi nɛ ɔmɛ okadi ko fii!”

Marko 6:11

He tsuaa he nɛ ni ɔmɛ he we nyɛ nɛ a bu we nyɛ tue ngɛ ɔ, ke nyɛ ngɛ lejɛ ɔ jee ɔ, nyɛ blɛ nyɛ nane si zu ngɔ pue si kaa okadi ngɔ ha mɛ.”

Marko 3:28

Nyɛ kadi enɛ ɔ faii kaa: A kɛ nimli a he yayamihi tsuo maa pa mɛ, kɛ musu bɔmi munyuhi kulaa nɛ a maa tu.

Mateo 25:45

Kɛkɛ ɔ, e ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee we ngɔ hi nihi tsɔwi kulaa nɛ ɔmɛ a kpɛti nɔ kake ɔ, nyɛ pee we ngɔ hi mi hulɔ!’

Mateo 25:40

Nɛ matsɛ ɔ ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee ngɔ ha ye nyɛmimɛ nɛ ɔmɛ a ti nyafii kake ɔ, imi nɔuu nyɛ pee ngɔ ha a nɛ.’

Mateo 25:12

Se e he nɔ ke: ‘Niinɛ, i ngɛ nyɛ dee ke i li nyɛ.’

Mateo 24:47

Niinɛ, i ngɛ nyɛ dee ke, e maa ngɔ lɛ ngɔ to e nihi tsuo kulaa nya.

Mateo 24:2

Se Yesu de mɛ ke: “Tse nyɛ ngɛ ni nɛ ɔmɛ tsuo hyɛe? Niinɛ, i ngɛ nyɛ dee ke: A be tɛ kake sie ngɛ eko nɔ ngɛ hiɛ ɔ nɛ a be kpae ngɔ bu si.”

Mateo 23:36

Niinɛ, i ngɛ nyɛ dee ke: Enɛ ɔmɛ tsuo maa ba yi nɔ bi nɛ ɔmɛ a nɔ.”

Mateo 21:31

Ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛɔ suɔ ɔ?” A de lɛ ke: “Nɔkɔtɔma a ʼi.” Yesu de mɛ ke: “Niinɛ, i ngɛ nyɛ dee ke, onia tsuli ɔmɛ kɛ ajuama amɛ ngɛ nyɛ hlami sɛe kɛ yaa hiɔwe matsɛ yemi ɔ mi.

Mateo 21:21

Se Yesu he nɔ nɛ e de mɛ ke: “Niinɛ, i ngɛ nyɛ dee ke: ke nyɛ ngɛ hemi kɛ yemi nɛ nyɛ ji nguane ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ maa pee; se ke nyɛ de yoku nɛ ɔ tete ke: ‘Hia nɛ o ya nɔ wo mi’ ɔ, e maa ba mi ja.

Mateo 19:28

Se Yesu de mɛ ke: “Niinɛ, i ngɛ nyɛ dee ke; nyɛ nihi nɛ nyɛ nyɛɛ ye se nɛ ɔ ɔ, benɛ Nɔmlɔ Bi ɔ maa hi e nyami sɛ nɔ ngɛ je he ɔ mi ɔ, nyɛ hu nyɛ maa hi sɛ nyɔngma kɛ enyɔ nɔ, nɛ nyɛ maa kojo Israel wetso nyɔngma kɛ enyɔ ɔ.

Mateo 19:23

Nɛ Yesu de e kaseli ɔmɛ ke: “Niinɛ, i ngɛ nyɛ dee ke: E maa wa ha niatsɛ kaa e maa sɛ hiɔwe matsɛ yemi ɔ mi.

Mateo 18:18

“Niinɛ, i ngɛ nyɛ dee ke: Nɔ tsuaa nɔ nɛ nyɛ maa fi ngɛ zugba a nɔ ɔ, a maa fi ngɛ hiɔwe; nɛ nɔ tsuaa nɔ nyɛ maa pɛne ngɛ zugba a nɔ ɔ, a maa pɛne ngɛ hiɔwe.

Mateo 18:3

nɛ e ke: “Niinɛ, i ngɛ nyɛ dee ke: Ke nyɛ tsakee we nɛ nyɛ plɛ kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe kulaa.

Mateo 11:11

Niinɛ, i ngɛ nyɛ dee ke: Nihi nɛ yihi fɔ ɔmɛ a kpɛti ɔ, nɔ ko ti si hyɛ nɛ pe Yohane, Baptisilɔ ɔ; se kɛ ɔ, nɔ nɛ ji nyafii kulaa ngɛ hiɔwe matsɛ yemi ɔ mi ɔ pe lɛ.

Mateo 10:42

Nɛ nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu hɔ tsimi kake pɛ nɛ e nu ngɛ kaselɔ biɛ mi ɔ, niinɛ, i ngɛ nyɛ dee ke e hiɔwo be lɛ fɔe gblegbleegblee.”

Mateo 10:15

Niinɛ, i ngɛ nyɛ dee ke: E be wae ha Sodom kɛ Gomora zugba a ngɛ kojomi ligbi ɔ nɔ kaa jamɛ a ma a.”

Mateo 8:10

Se benɛ Yesu nu enɛ ɔ ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke: “Niinɛ, i ngɛ nyɛ dee ke: Israel mi tete i nɛ hemi kɛ yemi nɛ kle kaa enɛ ɔ lolo!

Mateo 6:16

“Se ke nyɛ ngɛ hwɔ hae ɔ, nyɛ ko pee nyɛ hɛ mi nɔbɔmɔbɔ kaa osatotsɛmɛ ɔmɛ; a peɔ a hɛ mi nyanyaanya konɛ nimli nɛ na kaa a ngɛ hwɔ hae. Niinɛ, i ngɛ nyɛ dee ke: A nine su a hiɔwo nɔ mo?

Luka 4:24

Nɛ e ya nɔ nɛ e de ke: “Niinɛ i ngɛ nyɛ dee ke a bui gbalɔ ko ngɛ lɛ nitse e ma mi.