Mateo 5:10 - Somi He Ɔ

¹⁰ “A gbaa ninɛmɛ nɛ a waa mɛ yi mi ejakaa a peɔ Mawu suɔmi nya ni ɔ: se a nɔ ji hiɔwe matsɛ yemi ɔ nɛ.

BAIBLO ALOO NGMAMI KLƆUKLƆU Ɔ

¹⁰ “A gbaa ni nɛmɛ nɛ peeɔ nɔ́ nɛ da, nɛ a waa mɛ yi mi ngɛ lɔ ɔ he, ejakaa a nɔ́ ji hiɔwe matsɛ yemi ɔ nɛ.

Mateo 5:10 ပူးပေါင်းရင်းမြစ်များ

Yakobo 1:12

Agbaa nyumu nɛ toɔ e tsui si ngɛ ka mi, ejakaa ke a ka lɛ nɛ e nyɛ nya da a, e ma na wami jlasi nɛ Nyɔmtsɛ ɔ wo he si ha ninɛmɛ nɛ suɔ lɛ ɔ.

2 Korintobi 4:17

Ejakaa wa nɔ nami nɛ nya wa nɛ se kɛ we nɛ ɔ ngɛ neneene hɛ mi nyami babauu nɛ be nɔ nɛ he jua wa hluu nya buae ha wɔ.

Mateo 5:3

“A gbaa ninɛmɛ nɛ le kaa mumi mi ohiafohi ji mɛ ɔ: se a nɔ ji hiɔwe matsɛ yemi ɔ nɛ.

Luka 6:22

“A gbaa nyɛ, ke nihi nyɛ nyɛ, nɛ a kɛ nyɛ po tako mi, nɛ a jɛ nyɛ, nɛ a po nyɛ biɛ mi kaa biɛ yaya ngɛ Nɔmlɔ Bi ɔ he ɔ.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

Filipibi 1:28

Nɛ nyɛ ko ha nɛ henyɛli ɔmɛ nɛ wo nyɛ he gbeye ngɛ nɔ́ ko nɔ́ ko mi, kɔlɔ ɔ nɔuu ji hɛ mi kpatami okadi ha mɛ, se nyɛɛ lɛɛ, e ji yi wami hemi okadi ha nyɛ, nɛ enɛ ɔ je Mawu dɛ mi.

Luka 21:12

“Se loko enɛ ɔmɛ kulaa maa ba a, a maa nu nyɛ, nɛ a maa wa nyɛ yi mi, nɛ a maa ngɔ nyɛ ngɔ ha ngɛ kpe he ɔmɛ kɛ pamitsɛmɛ a tsuhi a mi, nɛ a ma kpaka nyɛ kɛ maa ya matsɛmɛ kɛ ganɔhi a hɛ mi ngɛ ye biɛ ɔ he?

Yohane 15:20

Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

2 Timoteo 3:11

ye nɔ namihi, ye omane hluhi nɛ i na ngɛ Antiokia kɛ Ikonium kɛ Listra a; yi mi wamihi abɔ nɛ i na nɛ Nyɔmtsɛ ɔ je mi kɛ je kulaa mi ɔ.

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Marko 10:30

nɛ e be wehi kɛ nyɛmimɛ nyumuhi kɛ nyɛmimɛ yihi kɛ nyɛmɛ kɛ bimɛ kɛ zugbahi kɛ yi wami hu totoe lafa nae ngɛ be nɛ ɔ mi lokoo kɛ neneene wami hulɔ ngɛ je nɛ maa ba a mi.

Luka 6:20

Kɛkɛ nɛ Yesu plɛ e hɛ ngɔ tsɔɔ e kaseli ɔmɛ nɛ e ke: “A gbaa nyɛ, ohiafo ɔmɛ; ejakaa nyɛ nɔ́ ji Mawu matsɛyemi ɔ nɛ.

Mateo 10:23

Se ke a ngɛ nyɛ yi mi wae ngɛ ma nɛ ɔ mi ɔ, nyɛɛ tu fo kɛ ya ekpa mi; se niinɛ, i ngɛ nyɛ dee ke: Nyɛ be Israel ma amɛ tsuo nya gbee loko Nɔmlɔ Bi ɔ maa ba.

1 Yohane 3:12

wa ko pee kaa Kain nɔ nɛ je nɔ yayami ɔ mi nɛ e gbe e nyɛmi ɔ. Mɛni he je nɛ e gbe e nyɛmi ɔ? Ejakaa lɛ nitsɛ e ni tsumi ɔmɛ ɔ yayami ʼi, se e nyɛmi ɔ nɔ ɔ da.

Ni Tsumi 8:1

Stefano gbemi ɔ ngɔ Saulo hu nya. Nɛ jamɛ a ligbi ɔ nɔ nɔuu ɔ, yi mi wami kpetekpleenyɛ te si wo asafo nɛ ngɛ Yerusalem ɔ, nɛ mɛ tsuo a gbɛ fia Yudea kɛ Samaria ni ɔmɛ a mi, ja bɔfo ɔmɛ kɛkɛ e piɛ.

Ni Tsumi 5:40

Nɛ a bu lɛ tue; nɛ a tsɛ bɔfo ɔmɛ kɛ ba, nɛ a fia mɛ kpa nɛ a wo mɛ kita ke a ko tu munyu ngɛ Yesu biɛ mi hu, nɛ a ngmɛɛ a he.

Mateo 19:14

Nɛ Yesu ke: “Nyɛ ha jokuɛwi ɔmɛ nɛ a ba ye ngɔ, nɛ nyɛ ko tsi mɛ blɔ; ejakaa nihi nɛ ngɛ kaa ni nɛ ɔmɛ a nɔ ji hiɔwe matsɛ yemi ɔ nɛ.”

Marko 10:14

Se benɛ Yesu na a, e tsui fia, nɛ e de e kaseli ɔmɛ ke: “Nyɛ ha jokuɛ ɔmɛ nɛ a ba ye ngɔ, nɛ nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Luka 22:29

nɛ imi hu i ngɛ matsɛ yemi toe ha nyɛ kaa bɔ nɛ Tsaatsɛ to ha mi ɔ,

Yakobo 5:11

Wa tsɛɔ ninɛmɛ nɛ toɔ a tsui si ɔ ke nihi nɛ a gbaa. Nyɛ nu Hiob tsui si tomi ɔ he, nɛ nyɛ na bɔ nɛ Nyɔmtsɛ ɔ to lɛ ha ngɛ nyagbe mi ɔ, ejakaa Nyɔmtsɛ ɔ mi mi saa lɛ babauu nɛ e muklii mi jɔ hulɔ.