Mateo 4:3 - Somi He Ɔ

³ Nɛ nya tsɔlɔ ɔ ba e ngɔ ba de lɛ ke: “Ke Mawu bi ji mo ɔ, de konɛ tɛ nɛ ɔmɛ nɛ plɛ abolo.”

BAIBLO ALOO NGMAMI KLƆUKLƆU Ɔ

³ Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Mateo 4:3 ပူးပေါင်းရင်းမြစ်များ

Mateo 14:33

Nɛ nihi nɛ ngɛ lɛ ɔ mi ɔ ba ba ja lɛ de ke: “Niinɛ, Mawu bi ji mo!”

Mateo 16:16

Petro he nɔ ke: “Mo ji Kristo ɔ, Mawu hɛ kalɔ ɔ, bi ɔ.”

Mateo 26:63

Se Yesu pɛ̃ e nya mi. Nɛ osɔfo nɔkɔtɔma a he nɔ nɛ e de lɛ ke: “I na Mawu hɛ kalɔ ɔ kaa, ke mo ji Kristo, Mawu bi ɔ, de wɔ!”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

Marko 1:1

Yesu Kristo, Mawu bi ɔ, he sane kpakpa a ji nɛ ɔ nɛ:

Marko 3:11

Nɛ be tsuaa be nɛ mumi yayami ɔmɛ maa na lɛ ɔ, a tsɔɔ nɔɔ si ngɛ e hɛ mi nɛ a kpaa ngmlaa ke: “Mo ji Mawu Bi ɔ nɛ!”

Marko 5:7

nɛ e kpa ngmlaa wawɛɛ ke: “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa ko pii mi!”

Luka 1:35

Nɛ bɔfo ɔ ha lɛ heto ke: “Mumi Klɔuklɔu maa ba o nɔ, nɛ lɔ ɔ he ɔ jamɛ a bi klɔuklɔu ɔ hu nɛ o ma fɔ ɔ, a ma tsɛ lɛ Mawu bi.

Luka 22:70

Kɛkɛ nɛ mɛ tsuo a ke: “Lɛɛ, tse mo ji Mawu bi ɔ?” Nɛ e de mɛ ke: “Nyɛ nitsɛmɛ lɛ nyɛ ngɛ dee; ami ʼi.”

Luka 4:3

Nɛ abosiami de lɛ ke: “Ke Mawu bi ji mo ɔ, lɛɛ de tɛ nɛ ɔ nɛ e plɛ abolo.”

Luka 4:41

Mumi yayamihi hu je nihi fuu a mi nɛ a kpa ngmlaa ke: “Mo ji Mawu bi ɔ nɛ!” Nɛ e nga a yi nɛ e ngmɛ́ mɛ blɔ nɛ a de ke a le kaa lɛ ji Kristo ɔ.

Luka 4:9

Kɛkɛ nɛ abosiami ngɔ Yesu kɛ ba Yerusalem nɛ e kɛ lɛ ba da sɔlemi tsu ɔ yi mi poplooplo ɔ nɛ e de lɛ ke: “Ke Mawu bi ji mo ɔ, sakee o he ngɔ fia si,

Yohane 1:34

Nɛ i na, nɛ i ye he odase kaa lɛ ji Mawu Bi ɔ nɛ.”

Yohane 1:49

Natanael he nɔ nɛ e de lɛ ke: “Rabi, mo ji Mawu Bi ɔ nɛ, mo ji Israel matsɛ ɔ nɛ!”

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 9:35

Yesu nu kaa a fie lɛ; nɛ benɛ e na lɛ ɔ, e bi lɛ ke: “O heɔ Mawu Bi ɔ nɔ yeɔ lo?”

Ni Tsumi 9:20

Nɛ amlɔ ɔ nɔuu, e fiɛ ngɛ kpe he ɔmɛ ke Yesu ji Mawu bi ɔ nɛ.

2 Korintobi 1:19

Ejakaa Mawu bi Yesu Kristo, nɔ nɛ i kɛ Silvano kɛ Timoteo fiɛ e he sane ngɛ nyɛ kpɛti ɔ, e pi “Ee” kɛ “Dɛbi” se mohu e ji “Ee”.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

1 Tesalonikabi 3:5

Enɛ ɔ he je nɛ imi hu, benɛ i nyɛ we hu ɔ, i tsɔ konɛ ma kɛ le nyɛ hemi kɛ yemi ɔ, kaa alinɔ nɔ kalɔ ɔ ba ka nyɛ nɛ e ha wa dengme nɛ wa gbo ɔ pee yaka lo?

Hebribi 12:16

konɛ nɔ ko ko pee e he ajuama bɔlɔ, loo yaka nɔmlɔ kaa Esau nɛ jua e bi tete blɔ nya a kɛ he si kake niye ni ɔ.

Hebribi 4:14

Jehanɛ, akɛnɛ wa ngɛ osɔfo nɔkɔtɔma ngua nɛ po mi kɛ gu hiɔwe nihi a mi, nɛ ji Yesu, Mawu bi ɔ nɛ ɔ ɔ, nyɛ ha waa pɛtɛ hemi kɛ yemi ɔ he wawɛɛ.

Hebribi 7:3

E be tsɛ, e be nyɛ, e be weku kpa, nɛ e be ligbihi a sisije loo wami nyagbe tete, e ngɛ kaa Mawu Bi ɔ; e hii si kaa osɔfo kɛ yaa neneene.

1 Yohane 3:8

Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.