Mateo 4:24 - Somi He Ɔ

²⁴ Nɛ e he sane gbɛ fia Siria tsuo, nɛ a kɛ nihi nɛ be saminya nɛ hiɔhi kɛ piimi slɔɔtohi hɛɛ mɛ kɛ nihi nɛ mumi yayamihi ngɛ a mi kɛ godotsɛmɛ kɛ nihi nɛ a gbɔjɔ ba e ngɔ nɛ e tsa mɛ.

BAIBLO ALOO NGMAMI KLƆUKLƆU Ɔ

²⁴ Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mateo 4:24 ပူးပေါင်းရင်းမြစ်များ

Mateo 17:15

nɛ e ke: “Nyɔmtsɛ, naa ye bi nyumu ɔ mɔbɔ, se e ngɛ kɔkɔ nue nɛ e ngɛ nɔ nae wawɛɛ; ejakaa bɔɔ kɛ bɔɔ e ya nɔ la mi, nɛ bɔɔ kɛ bɔɔ e ya nɔ nyu mi.

Mateo 8:6

nɛ e de ke: “Nyɔmtsɛ, ye wenyumu fɔɔ si ngɛ we mi kɛ hulemi hiɔ, e ngɛ nɔ nae wawɛɛ.”

Luka 5:15

Se e he sane ɔ gbɛ fia babauu mohu. Nihi fuu ba bua a he nya nɛ a ba bu lɛ tue nɛ a tsa a hiɔ ɔmɛ.

Luka 2:2

Enɛ ɔ ji kekleekle nɔ kanemi nɛ ba nɔ be mi nɛ Kirenio ngɛ amlaalo yee ngɛ Siria a.

Mateo 17:18

Nɛ Yesu nga e yi, nɛ mumi yayami ɔ je e mi kɛ je kpo, nɛ jokuɛ ɔ he wa lɛ ngɛ jamɛ a ngmlɛfia a nɔ nɔuu.

Mateo 15:22

Nɛ oʼɛ, Kanaanyo ko nɛ je lejɛ ɔ ni ɔmɛ a mi nɔuu ɔ ba kpa ngmlaa wo lɛ ke: “Naa mi mɔbɔ, Nyɔmtsɛ, David Bi; ye bi yo ngɛ nɔ nae kɛ mumi yayami.”

Mateo 12:22

Kɛkɛ nɛ a kɛ nɔ ko nɛ mumi yayami ngɛ e mi nɛ ji hɛ yuyuilɔ kɛ amuɛti tsuo ɔ ba e ngɔ; nɛ e tsa lɛ, nɛ hɛ yuyuilɔ nɛ ji amuɛti hulɔ ɔ tu munyu nɛ e hyɛ nɔ.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Ni Tsumi 15:23

Nɛ a ngma womi ngɔ ha mɛ ke: “Bɔfo ɔmɛ kɛ nikɔtɔma amɛ kɛ nyɛmimɛ ɔmɛ biɔ nyɛmimɛ nɛ je majeli ɔmɛ a kpɛti ngɛ Antiokia kɛ Siria kɛ Kilikia a saminya.

Marko 2:3

a kɛ nɔ ko nɛ hule pue si nɛ ni eywiɛ tloo lɛ ba.

Marko 1:32

Gbɔkuɛ benɛ pu nɔ si ɔ, nihi ngɔ hiɔtsɛmɛ kɛ nihi nɛ mumi yayamihi ngɛ a mi tsuo kɛ ba Yesu ngɔ.

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Ni Tsumi 15:41

Nɛ e gu Siria kɛ Kilikia ya wo asafo ɔmɛ he wami.

Luka 4:14

Kɛkɛ nɛ Yesu kpale e se ngɛ Mumi ɔ nya kɛ ba Galilea; nɛ e he sane jije ngɛ lejɛ ɔ ni ɔmɛ a mi tsuo.

Marko 1:28

Enɛ ɔ he ɔ Yesu he sane gbɛ fia Galilea zugba a tsuo nɔ.

Mateo 14:1

Jamɛ a be ɔ mi ɔ amlaalo Herode nu Yesu he sane;

Yohane 10:21

Ni komɛ hu ke: “Nɔ nɛ mumi yayami ngɛ e mi nya mi munyuhi ji nɛ ɔ lo? Anɛ mumi yayami ma nyɛ hɛ yuyuilɔ hɛngmɛ ma bli lo?”

Mateo 9:35

Nɛ Yesu kpa ma amɛ kɛ kɔpe ɔmɛ tsuo a nɔ nɛ e tsɔɔ ni ngɛ a kpe he ɔmɛ nɛ e fiɛɔ matsɛ yemi ɔ he sane kpakpa a, nɛ e tsaa hiɔ tsuaa hiɔ kɛ dengme tsuaa dengme.

Mateo 9:26

Nɛ kikɛmɛ a sane nɛ ɔ gbɛ fia lejɛ ɔ zugba a tsuo nɔ.

Mateo 8:28

Benɛ Yesu ba se ɔ blɔ ngɛ Gadarabi ɔmɛ a zugba a nɔ ɔ, ni enyɔ nɛ mumi yayami ngɛ a mi kɛ lɛ ba kpe, a je ni gbogboehi a pu he ɔ nɛ a hɛ wo la tsɔ, bɔ nɛ nɔ ko nyɛ we jamɛ a blɔ ɔ nɔ nɛ e gu.

Mateo 8:33

Nɛ kpotoohyɛli ɔmɛ tu fo kɛ ho ma a mi ya nɛ a ya sɛɛ sane ɔmɛ tsuo kɛ nihi nɛ mumi yayamihi ngɛ a mi ɔmɛ a nɔ́ ɔ hulɔ.

Marko 2:4

Se asafo ɔ he ɔ, a nɛ blɔ nɛ a kɛ lɛ ba su Yesu ngɔ. Lɔ ɔ he ɔ, a ya hia tsu ɔ nɛ e ngɛ mi ɔ yi mi ngɛ he nɛ e ngɛ ɔ tutuutu, nɛ bene a gbu puɔ ɔ, a siu hiɔtsɛ ɔ kɛ sa nɛ e hwuɔɔ si ngɛ nɔ ɔ kɛ gu lejɛ ɔ.

Marko 2:9

Te e mi nɔ́ nɛ demi yee nɛɛ, kaa a ma de nɔ nɛ hule pue si ɔ ke: ‘A ngɔ o he yayami ɔmɛ ngɔ ke mo,’ loo kaa a ma de ke: ‘Tee si, wo o sa a nɛ o nyɛɛ?’ ɔ.

Luka 4:38

Yesu je kpe he ɔ nɛ e ya sɛ Simon we ɔ mi. Jeha nɛ ɔ Simon nganyɛ fɔɔ si kɛ asla ku ko nɛ a kpa lɛ pɛɛ nɛ e pee he no ko.

Luka 5:24

Se benɛ pee nɛ nyɛɛ le kaa Nɔmlɔ Bi ɔ ngɛ he blɔ ngɛ zugba a nɔ kaa e ngɔɔ yayamihi ngɔ paa a,” e de nɔ nɛ hule ɔ ke: “I ngɛ mo dee ke: ‘Tee si nɛ o wo o sa a nɛ o ya o we mi.’ ”

Ni Tsumi 8:7

Ejakaa nihi fuu nɛ mumi yayamihi ngɛ a mi ɔ mumi ɔmɛ kpa ngmlaa wawɛɛ nɛ a je a mi, nɛ a tsa nihi nɛ hule kɛ akpaketsɛmɛ fuu hulɔ.

Luka 7:17

Nɛ Yesu he sane nɔ jije ngɛ Yudea kɛ lejɛ ɔ ni ɔmɛ a mi tsuo.

Ni Tsumi 28:9

Jeha nɛ ɔ benɛ a pee enɛ ɔ ɔ, ni kpa komɛ hu nɛ ngɛ gboe ngɛ zugba kpɔ nɛ wo bɔle lɛ ɔ nɔ ɔ ba, nɛ a tsa mɛ.