Mateo 4:23 - Somi He Ɔ

²³ Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

BAIBLO ALOO NGMAMI KLƆUKLƆU Ɔ

²³ Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Mateo 4:23 ပူးပေါင်းရင်းမြစ်များ

Mateo 9:35

Nɛ Yesu kpa ma amɛ kɛ kɔpe ɔmɛ tsuo a nɔ nɛ e tsɔɔ ni ngɛ a kpe he ɔmɛ nɛ e fiɛɔ matsɛ yemi ɔ he sane kpakpa a, nɛ e tsaa hiɔ tsuaa hiɔ kɛ dengme tsuaa dengme.

Marko 1:39

Lɔ ɔ he ɔ, a ya kpa Galilea tsuo, nɛ e fiɛ ngɛ a kpe he ɔmɛ nɛ e hia mumi yayamihi hulɔ.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Luka 7:22

Nɛ Yesu ha tsɔli ɔmɛ heto ke: “Nyɛɛ ya nɛ nyɛ ya sɛɛ ha Yohane nihi nɛ nyɛ na nɛ nyɛ nu ɔ, kaa hɛyuyuili ngɛ nɔ hyɛe, nihi nɛ hule ngɛ nyɛɛe, tsitsɛmɛ a he ngɛ tsɔe, tuekpokuli ngɛ nɔ nuɛ, ni gbogboehi ngɛ si tee, nɛ a ngɛ Sane Kpakpa a fiɛe kɛ ngɛ ohiafohi tsɔɔe;

Mateo 11:5

hɛyuyuili ngɛ nɔ hyɛe, nɛ ninɛmɛ nɛ a hule ɔ ngɛ nyɛɛe; tsitsɛmɛ a he ngɛ tsɔe, nɛ otokuli ngɛ nɔ nue; ni gbogboehi ngɛ si tee, nɛ ohiafo ɔmɛ ɔ, a ngɛ Sane Kpakpa a fiee kɛ ngɛ mɛ tsɔɔe?

Mateo 13:54

nɛ benɛ e ba lɛ nitse e ma a mi ɔ, e tsɔɔ mɛ ni ngɛ a kpe he ɔ, nɛ e ha a he nya si mɛ nɛ a ke: “Jije nɔ nɛ ɔ ya na ni lemi kɛ he wami ni nɛ ɔmɛ kɛ je?

Marko 1:21

A ba ma nɛ a tsɛɛ Kapernaum ɔ mi, nɛ Hejɔɔmi Ligbi ɔ nɔ ɔ, Yesu ya kpe he ɔ, nɛ e ya tsɔɔ ni.

Romabi 10:15

Nɛ kɛ maa pee kɛɛ nɛ a maa fiɛ ke a tsɔ we mɛ ɔ? Kaa bɔ nɛ a ngma a ke: “Hyɛ bɔ nɛ he jɔmi sane kpakpa fiɛli nɛ fiɛɛ ni kpakpa amɛ a nanehi ngɛ fɛu ha!”

Luka 8:1

Enɛ ɔ se ɔ, Yesu ya kpa mahi kɛ kɔpehi a mi nɛ e fiɛ Mawu matsɛ yemi ɔ he Sane Kpakpa a ngɔ tsɔɔ nihi; nɛ e kaseli nyɔngma kɛ enyɔ ɔmɛ piɛ e he,

Marko 6:2

Nɛ benɛ e su Hejɔɔmi Ligbi ɔ, e bɔni ni tsɔɔmi ngɛ kpe he ɔ; nɛ nihi fuu nɛ nu ɔ he nya si mɛ nɛ a bi ke: “Jije nɔ nɛ ɔ ya na ni nɛ ɔmɛ kɛ je? Mɛni ni lemi a kɛ ha lɛ, nɛ mɛni blɔ nɔ e guu kɛ tsuɔ kikɛmɛ a nyakpɛ ni tsumi nɛ ɔmɛ?

Mateo 24:14

Nɛ a maa fiɛ matsɛ yemi ɔ Sane Kpakpa nɔ ngɔ tsɔɔ je ɔ tsuo, nɛ a kɛ ye majemaje ɔ tsuo odase; nɛ kɔlɔ ɔ loko nyagbe ɔ maa ba.”

Mateo 12:9

Nɛ e je lejɛ ɔ nɛ e ya sɛ a kpe he ɔ.

Yohane 18:20

Yesu he nɔ nɛ e de lɛ ke: “Pãa i tuɔ munyu kɛ tsɔɔ je ɔ. Daa nɛ ɔ i tsɔɔ ni ngɛ kpe he ɔmɛ kɛ sɔlemi we ɔ, he nɛ Yudafo ɔmɛ tsuo kpee ngɛ ɔ, nɛ i de we nɔ́ ko nɔ́ ko ngɛ laami mi.

Luka 13:10

Hejɔɔmi Ligbi ɔ eko nɔ ɔ, Yesu ngɛ ni tsɔɔe ngɛ kpe he ɔ eko,

Luka 9:11

Se benɛ asafo ɔ na lɛ ɔ, a bu e nɔ. E he mɛ hɛmuɔ nɛ e fiɛ Mawu matsɛ yemi ɔ he sane tsɔɔ mɛ, nɛ e tsa nihi nɛ tsami he hia mɛ ɔ.

Luka 5:17

Jeha nɛ ɔ, ligbi ɔ eko nɔ nɛ Yesu ngɛ ni tsɔɔe ɔ, Farisifohi kɛ mlaa tsɔɔli nɛ je Galilea kɛ Yudea ma amɛ tsuo nɔ kɛ Yerusalem ba a hii si ngɛ lejɛ ɔ. Nɛ a je Nyɔmtsɛ ɔ hewami ɔ kpo tsɔɔ ngɛ lejɛ ɔ nɛ e kɛ tsa hiɔtsɛmɛ ɔmɛ.

Marko 6:6

E hɛ mi pee lɛ yaa ngɛ hemi nɛ a he we yi ɔ he.

Marko 3:10

E tsa nihi fuu he je ɔ nihi nɛ hiɔhi hɛɛ mɛ tsuo bu kɛ ba e ngɔ kone a ba ta e he.

Marko 1:14

Bene a nu Yohane wo tsu mi se ɔ, Yesu ba Galilea nɛ e ba fiɛ sane kpakpa a nɛ je Mawu ngɔ ɔ.

Ni Tsumi 20:25

“Nɛ jeha nɛ ɔ, oʼɛ, i le kaa, nyɛ nihi tsuo nɛ i nyɛɛ nyɛ kpɛti kɛ fiɛ Mawu matsɛ yemi ɔ he sane ɔ, nyɛ be ye hɛ mi nae hu.

Ni Tsumi 18:4

Se daa Hejɔɔmi Ligbi ɔ nɔ ɔ, e ya tuɔ munyu ngɔ tsɔɔ nihi ngɛ kpe he ɔ, nɛ e bɔɔ mɔde kaa e tsake Yudafohi kɛ Helabi ɔmɛ.

Yohane 6:59

Yesu de ni nɛ ɔmɛ benɛ e ngɛ ni tsɔɔe ngɛ kpe he ko ngɛ Kapernaum ɔ.

Luka 10:9

Nɛ nyɛ tsa hiɔtsɛmɛ nɛ ngɛ mi ɔ, nɛ nyɛ de mɛ ke: ‘Mawu matsɛ yemi ɔ na nyɛ.

Luka 6:17

Nɛ Yesu kɛ mɛ kple si kɛ ba, nɛ a ba da he ko gbajaa kɛ e kaseli asafo ɔ, kɛ nihi fuu nɛ je Yudea tsuo kɛ Yerusalem kɛ Tiro kɛ Zidon wo nya ma amɛ a mi nɛ ma lɛ tue bumi kɛ a hiɔhi a tsami ɔ,

Mateo 14:14

Nɛ benɛ Yesu je kpo ɔ e ba na asafo babauu, nɛ e muklii mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 13:19

Nɔ tsuaa nɔ nɛ nuɔ mɛtsɛ yemi ɔ he munyu ɔ nɛ e kɔ we se ɔ, nɔ yayami ɔ baa ba saa nɔ́ nɛ a du ngɛ e tsui ɔ mi ɔ. Nɔ nɛ ɔ ji nɔ́ nɛ a du ngɛ blɔ tue ɔ nɛ.

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

Yohane 7:1

Enɛ ɔ se ɔ, Yesu kpa si ngɛ Galilea, se e sume kaa e ya kpaa si ngɛ Yudea ejakaa Yudafo ɔmɛ ngɛ lɛ hlae nɛ a gbe.

Luka 20:1

E ba mi kaa ligbi ɔ eko nɔ benɛ Yesu ngɛ Sane Kpakpa a fiɛe kɛ ngɛ ma a tsɔɔe ngɛ sɔlemi we ɔ, osɔfo nikɔtɔtɔma amɛ kɛ mlaa tsɔɔli ɔmɛ kɛ nikɔtɔma amɛ ba e ngɔ,

Luka 4:14

Kɛkɛ nɛ Yesu kpale e se ngɛ Mumi ɔ nya kɛ ba Galilea; nɛ e he sane jije ngɛ lejɛ ɔ ni ɔmɛ a mi tsuo.

Luka 6:6

Jeha nɔ, Hejɔɔmi Ligbi kpa ko hu nɔ ɔ, Yesu ya kpe he ɔ nɛ e ya tsɔɔ ni. Nɛ nyumu ko ngɛ lejɛ ɔ nɛ e hiɛ ɔ nine gbo.

Luka 7:21

Lɛ ngmlɛfia a nɔ nɔuu ɔ, e tsa nihi fuu a hiɔhi kɛ a hehiamihi kɛ mumi yayamihi, nɛ nihi fuu hu nɛ hɛ̃ yu ɔ, e ha a hyɛ nɔ.

Luka 9:60

Se Yesu de lɛ ke: “Ha nɛ ni gbogboehi nɛ pu a ni gbogboehi se mo lɛɛ yaa nɛ o ya fiɛ Mawu matsɛyemi ɔ!”

Luka 16:16

“Mlaa a kɛ gbali ɔmɛ gba kɛ ba su Yohane nɔ; kɛ je jamɛ a be ɔ nɔ nɔ, a ngɛ Mawu matsɛ yemi he Sane Kpakpa a fiee, nɛ nɔ tsuaa nɔ sɛɛ mi ka nya.

Ni Tsumi 28:31

nɛ e fiɛɔ Mawu matsɛ yemi ɔ he sane ɔ, nɛ e kɛ kã babauu jajeɔ Mawetsɛ Yesu Kristo he sane ɔmɛ tsɔɔ mɛ, nɛ nɔ ko nɔ ko tsi lɛ blɔ.