Mateo 4:21 - Somi He Ɔ

²¹ Ne benɛ e je lejɛ ɔ kɛ yaa a, e na nyɛmimɛ kpa enyɔ kome, Zebedeo bi Yakobo kɛ e nyɛmi Yohane kɛ a tsɛ Zebedeo ngɛ lɛ mi nɛ a ngɛ a ya amɛ dlae; nɛ e tsɛ mɛ.

BAIBLO ALOO NGMAMI KLƆUKLƆU Ɔ

²¹ Benɛ Yesu je lejɛ ɔ, e na nyɛmimɛ enyɔ kpa komɛ ngɛ lɛ mi nɛ a kɛ a tsɛ Zebedeo ngɛ ya kpɛe, nɛ e tsɛ mɛ. Mɛ ji Yakobo kɛ Yohane.

Mateo 4:21 ပူးပေါင်းရင်းမြစ်များ

Marko 3:17

Yakobo kɛ Yohane, Zebedeo bimɛ nyumu ɔmɛ nɛ e wo mɛ Boanerges (e sisi ji oslaba bimɛ) ɔ;

Mateo 10:2

Kaseli nyɔngma kɛ enyɔ ɔmɛ a biɛhi ji nɛ ɔmɛ nɛ: Kekle nɔ ɔ, Simon nɛ a tsɛɛ lɛ Petro, kɛ e nyɛmi Andrea; Yakobo, Zebedeo bi ɔ kɛ e nyɛmi Yohane;

Ni Tsumi 12:2

E kɛ klaate gbe Yohane nyɛmi Yakobo.

Yohane 21:2

Simon Petro kɛ Toma nɛ a tsɛɛ lɛ Didimo ɔ, kɛ Natanael nɛ je Kana ngɛ Galilea a, kɛ Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ngɛ he kake kutuu.

Marko 5:37

Nɛ e ha we nɛ nɔ ko nɔ ko nɛ nyɛɛ e se, ja Petro kɛ Yakobo kɛ Yohane, Yakobo nyɛmi ɔ kɛkɛ.

Mateo 26:37

Nɛ e ngɔ Petro kɛ Zebedeo bimɛ nyumuhi enyɔ ɔ ngɔ piɛ e he nɛ e ywlɛ ho e he nɛ e hao.

Mateo 17:1

Ligbi ekpa se ɔ, Yesu ngɔ Petro kɛ Yakobo kɛ e nyɛmi Yohane, nɛ e kɛ mɛ ya yoku nɛ ya hiɔwe ko nɔ, mɛ pɛ.

Mateo 4:20

Nɛ amlɔ ɔ a si a ya amɛ, nɛ a ba nyɛɛ e se.

Mateo 4:22

Nɛ amlɔ ɔ mɛ hu a si lɛ ɔ kɛ a tsɛ ɔ nɛ a ba nyɛɛ e se.