Mateo 3:2 - Somi He Ɔ

² nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

BAIBLO ALOO NGMAMI KLƆUKLƆU Ɔ

² “Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 3:2 ပူးပေါင်းရင်းမြစ်များ

Mateo 4:17

Kɛ je jamɛ a ligbi ɔ, Yesu bɔni fiɛmi nɛ e ke: “Nyɛɛ kpale kɛ je nyɛ blɔ yaya amɛ a nɔ. Nyɛ tsake nyɛ tsui, se hiɔwe matsɛ yemi ɔ su si haa.”

Marko 1:15

E ke: “Be ɔ su; Mawu matsɛ yemi ɔ na nyɛ haa! Nyɛɛ kpale kɛ je nyɛ he yayami ɔmɛ a he nɛ nyɛ he sane kpakpa a ye.”

Luka 24:47

nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

Mateo 6:10

O matsɛ yemi ɔ nɛ ba; A pee nɔ nɛ o suɔ ngɛ zugba a nɔ kaa a peɔ ngɛ hiɔwe ɔ.

2 Korintobi 7:10

Ejakaa dɔmi nɛ sa Mawu hɛ mi ɔ tsɛɛ he piami nɛ kɛ nɔ yaa yi wami hemi mi kɛ baa, nɔ́ nɛ nɔ ko pia we e he ngɛ he ɔ; se je nɛ ɔ mi dɔmi ɔ tsɛɛ gbenɔ kɛ baa.

Mateo 10:7

Se nɛ nyɛ yaa nɛ ɔ, nyɛɛ fiɛ de ke: ‘Hiɔwe matsɛ yemi ɔ su si ta.’

Ni Tsumi 3:19

Lɔ ɔ he ɔ, nyɛ tsake nyɛ tsui nɛ nyɛɛ kpale nyɛ se, kone a gbe nyɛ he yayami ɔmɛ,

Luka 15:10

Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”

Luka 13:3

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata ja kɛ̃.

Luka 11:20

Se ke Mawu nine nguɛ i kɛ hiaa mumi yayami ɔmɛ ɔ, lɔ ɔ lɛɛ Mawu matsɛ yemi ɔ su nyɛ ngɔ.

2 Petro 3:9

Tsa pi kɛmi nɛ Nyɔmtsɛ ɔ ha e si womi ɔ se ngɛ kɛe, kaa bɔ nɛ ni komɛ buu kaa e se ngɛ kɛe ɔ, se mohu e tsui si e ngɛ toe kɛ ngɛ wɔ hae, ejakaa e sume kaa ni komɛ nɛ laa, se mohu kaa nihi tsuo a tsake a tsui.

Ni Tsumi 17:30

Lɔ ɔ he ɔ, be nɛ a li ɔ Mawu ku e hɛ ngɔ fɔ nɔ, se jeha nɛ ɔ lɛɛ e ngɛ nimli kulaa nɛ ngɛ he tsuaa he ɔ kita woe kaa a tsake a tsui.

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Luka 6:20

Kɛkɛ nɛ Yesu plɛ e hɛ ngɔ tsɔɔ e kaseli ɔmɛ nɛ e ke: “A gbaa nyɛ, ohiafo ɔmɛ; ejakaa nyɛ nɔ́ ji Mawu matsɛyemi ɔ nɛ.

Mateo 13:52

Se e de mɛ ke: “Lɔ ɔ he ɔ, mlaa tsɔɔlɔ tsuaa mlaa tsɔɔlɔ nɛ a pee lɛ kaselɔ kɛ ha hiɔwe matsɛ yemi ɔ, e ngɛ kaa wetsɛ ko nɛ jeɔ ni hehi kɛ ni momohi kɛ jee e juetli to he ɔ.”

Mateo 13:47

“Jeha nɛ ɔ hu, hiɔwe matsɛ yemi ɔ ngɛ kaa ya nɛ afɔ́ ngɛ wo mi nɛ e gbe lo slɔɔtohi tsuo eko;

Mateo 13:33

E bu mɛ abɛ kpa ke: “Hiɔwe matsɛ yemi ɔ ngɛ kaa ma sasɛ nɛ yo ko ngɔ nɛ e kɛ hɔ ma sowe etɛ mi kɛ ya su be nɛ lɛ tsuo sa.”

Mateo 12:41

Ninive nyumu ɔmɛ maa te si ngɔ wo kikɛ yi nɔ bi nɛ ɔmɛ ngɛ kojomi ɔ mi, nɛ a maa bu mɛ fɔ; ejakaa a tsake a tsui ngɛ Yona fiɛmi ɔ nya; nɛ oʼɛ, nɔ́ nɛ pe Yona ngɛ hiɛ ɔ.

2 Timoteo 2:25

nɔ nɛ kɛ mi mi jɔmi tuɔ munyu tsɔɔ nihi nɛ tee si siɔ lɛ ɔ, kaa alinɔ Mawu ma ha mɛ tsui tsakemi nɛ a le anɔkuale ɔ lo?

Kolosebi 1:13

nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

Ni Tsumi 20:21

nɛ i ye tsui tsakemi kɛ Mawu hami kɛ wa Nyɔmtsɛ Yesu Kristo nɔ hemi kɛ yemi ɔ he odase ngɔ tsɔɔ Yudafohi kɛ Helabihi kulaa.

Luka 15:7

I ngɛ nyɛ dee ke, ja nɔuu buajɔmi maa ba hiɔwe ngɛ yayami peelɔ kake nɛ tsakee e tsui ɔ he pe dali nyingmi nɛɛ kɛ nɛɛ nɛ tsui tsakemi he hia we mɛ ɔ.”

Luka 13:5

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata jã kɛ.”

Luka 9:2

Nɛ e tsɔ mɛ Mawu matsɛ yemi ɔ fiɛmi kɛ hiɔtsɛmɛ a tsami

Marko 6:12

Nɛ lɔ ɔ he ɔ a pue nɔ kɛ ho, nɛ a ya fiɛ tsɔɔ ni ɔmɛ ke a kpale kɛ je a he yayami ɔmɛ a he.

Marko 1:4

Lɔ ɔ he ɔ Yohane ba hia si ngɛ nga a nɔ; e ngɛ baptisie nɛ e ngɛ fiɛe ke: “Nyɛɛ kpale kɛ je nyɛ he yayami ɔmɛ a he nɛ a baptisi nyɛ, nɛ Mawu kɛ nyɛ he yayami ɔmɛ maa pa nyɛ.”

Mateo 5:10

“A gbaa ninɛmɛ nɛ a waa mɛ yi mi ejakaa a peɔ Mawu suɔmi nya ni ɔ: se a nɔ ji hiɔwe matsɛ yemi ɔ nɛ.

Mateo 5:3

“A gbaa ninɛmɛ nɛ le kaa mumi mi ohiafohi ji mɛ ɔ: se a nɔ ji hiɔwe matsɛ yemi ɔ nɛ.

Kpojemi 2:21

I ha lɛ be konɛ e kɛ tsake e tsui, se e sume nɛ e tsake kɛ je ajuama bɔmi ɔ mi.

Mateo 13:31

E bu mɛ abɛ kpa ke: “Hiɔwe matsɛ yemi ɔ ngɛ kaa sinapi wu nɛ nɔ ko kɛ̃ nɛ e ya du ngɛ e ngmɔ mi;

Mateo 13:11

Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

Mateo 6:33

Nyɛ hla Mɛwu matsɛ yemi ɔ kɛ e dami kekle, nɛ akɛ ni nɛ ɔmɛ tsuo maa piɛ he ngɔ ha nyɛ.

Kpojemi 2:5

Lɔ ɔ he ɔ kaii he nɛ o je kɛ nɔ si ɔ, nɛ o tsake o tsui, nɛ o tsu kekle ni tsumi ɔmɛ; se ke pi ja a, ma ba o ngɔ oya, nɛ ma je o kane tso ɔ kɛ maa je e ma he ɔ, ja o pia o he.

Hebribi 6:1

Lɔ ɔ he ɔ nyɛ ha wa si Kristo he sisije ni tsɔɔmi ɔmɛ, nɛ waa po mi kɛ ya tsɔɔmihi nɛ sa kɛ ha nikɔtɔmahi a he; nɛ wa ko kpale to nitsumihi nɛ gbo a he tsui tsakemi kɛ Mawu nɔ hemi kɛ yemi,

Ni Tsumi 26:20

se mohu i jaje ngɔ tsɔɔni hi nɛ ngɛ Damasko ɔ kekle, kɛ nihi nɛ ngɛ Yerusalem kɛ Yudea zugba a nɔ kulaa, kɛ majeli ɔmɛ hulɔ, ke a tsake a tsui nɛ a kpale kɛ ba Mawu ngɔ nɛ a tsu nihi nɛ sa tsui tsakemi.

Mateo 22:2

“Hiɔwe matsɛ yemi ɔ ngɛ kaa matsɛ ko nɛ ngmɛ yo kpeemi okplɔɔ ha e bi.

Mateo 25:1

“Jamɛ a be ɔ, hiɔwe matsɛ yemi ɔ maa pee kaa yihewi nyɔngma nɛ wo a kanehi ke a yaa kpee ayɛflo huno.

Mateo 23:13

“Musu tloo nyɛ, mlaa tsɔɔli kɛ Farisifohi, osatotsɛmɛ, ejakaa nyɛ ngaa hiɔwe matsɛ yemi ɔ nya ngɛ nimli a hɛ mi; se nyɛ nitsɛmɛ ɔ nyɛ sɛ we mi, nɛ ninɛmɛ nɛ hlaa nɛ a sɛ mi ɔ hu ɔ, nyɛ ha we mɛ e mi sɛmi he blɔ. [

Mateo 20:1

“Hiɔwe matsɛ yemi ɔ ngɛ kaa nyumu we tsɛ ko nɛ je kpo makɛ mla nɛ e ya bɔ ni tsuli apaa kɛ ya e wai ngmɔ mi.

Mateo 18:23

Lɔ ɔ he ɔ hiɔwe matsɛ yemi ɔ ngɛ kaa matsɛ ko nɛ hlaa kaa e kɛ e sɔmɔli ba bu akɔɔtaa.

Mateo 11:20

Kɛkɛ nɛ e bɔni mahi, hehi nɛ e tsu e he wami ni tsumihi babauu titli ngɛ ɔ a hɛ mi kami akɛnɛ a tsakee we a tsui ɔ, nɛ e ke:

Luka 21:31

Ja nɔuu hu ke nyɛ na kaa ni nɛ ɔmɛ ngɛ mi bae ɔ, nyɛ na le kaa Mawu matsɛ yemi ɔ su si ta.

Luka 16:30

Se lɛɛ e ke: ‘Dɛbi, Etsɛ Abraham, ke nɔ ko je gbeje kɛ ya a ngɔ ɔ, lɔ ɔ loko a ma tsake a tsui.

Mateo 25:14

“E ngɛ kaa nyumu ko nɛ benɛ e maa doma a, e tsɛ e sɔmɔli ɔmɛ, nɛ e tu e nihi ngɔ wo a dɛ;

Mateo 13:24

Yesu bu mɛ abɛ kpa ko hu nɛ e ke: “Hiɔwe matsɛ yemi ɔ ngɛ kaa nyumu ko nɛ duɔ dumi ni kpakpahi ngɛ e ngmɔ mi.

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Luka 1:16

Nɛ e maa kpale Israelbi ɔmɛ a ti nihi fuu kɛ maa ba Nyɔmtsɛ, a Mawu ɔ ngɔ.