Mateo 3:17 - Somi He Ɔ

¹⁷ Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

BAIBLO ALOO NGMAMI KLƆUKLƆU Ɔ

¹⁷ Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Mateo 3:17 ပူးပေါင်းရင်းမြစ်များ

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

2 Petro 1:17

Ejakaa e na bu kɛ hɛ mi nyami kɛ je Tsɛ Mawu ɔ ngɔ, benɛ jamɛ a gbi ɔ je hɛ mi nyami kpetekpleenyɛ ɔ mi ba e ngɔ ke: “Nɔ nɛ ji ye suɔmi bi nɛ i naa e he tsui ɔ nɛ.”

Luka 9:35

Nɛ gbi ko je bɔku ɔ mi de ke: “Ye suɔmi bi ɔ ji nɛ ɔ nɛ, nyɛɛ bu lɛ tue!”

Mateo 12:18

“Oʼɛ, ye tsɔlɔ nɛ i hla a, Ye suɔlɔ nɛ ye klaa naa e he tsui ɔ, I kɛ ye mumi ɔ maa to e nɔ, Nɛ e maa fiɛ kojomi ngɔ tsɔɔ majeli ɔmɛ.

Marko 9:7

Nɛ bɔku ko ba ha a nɔ, nɛ gbi ko je bɔku ɔ mi de ke: “Nɔ nɛ ɔ ji ye suɔmi bi ɔ nɛ, nyɛɛ bu lɛ tue!”

Luka 3:22

nɛ Mumi Klɔuklɔu ɔ kple si kɛ su nɛ ngɛ kaa okpo kɛ ba e nɔ. Nɛ gbi ko je hiɔwe de ke: “Mo ji ye suɔmi bi ɔ nɛ, mo o he ye tsui ngɛ!”

Marko 1:11

Nɛ e nu gbi ko kɛ je hiɔwe de ke: “Mo ji imi nitsɛ ye suɔmi bi. I ngɛ o he suɔmi!”

Kolosebi 1:13

nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Yohane 5:37

Nɛ Tsɛ ɔ nɛ tsɔ mi ɔ, lɛ nitsɛ e ye ye he odase. Nyɛ nui e gbi hyɛ ɔ, pohu nyɛ nɛ e subai hyɛ;

Kpojemi 14:2

Nɛ i nu gbi ko kɛ je hiɔwe kaa nyu babauu pɛmi, nɛ jehanɛ hu kaa hiɔwe simi wawɛɛ pɛmi. Gbi nɛ i nu ɔ ngɛ kaa sakufiali nɛ hɛɛ a sakuhi nɛ a ngɛ fiae ɔ a gbi.

Yohane 5:20

Ejakaa Tsɛ ɔ suɔ Bi ɔ, nɛ e tsɔɔ lɛ nihi kulaa nɛ lɛ nitse e peɔ ɔ, nɛ e maa tsɔɔ lɛ ni tsumi nguahi nɛ pe enɛ ɔmɛ tete, nɛ nyɛ nya maa kpɛ nyɛ he.

1 Yohane 5:9

Ke wa he nimli a odase ɔ, Mawu odase ɔ kle pe kɔlɔ ɔ; nɛ enɛ ji odase nɛ Mawu ye ngɛ e Bi ɔ he.