Mateo 3:11 - Somi He Ɔ

¹¹ Imi lɛɛ nyu i kɛ ngɛ nyɛ baptisie ha tsui tsakemi, se nɔ nɛ ma ngɛ ye se ɔ he wa pe mi, e tokotahi tete i sɛ́ nɔ nɛ hɛo; lɛ e kɛ Mumi Klɔuklɔu kɛ la maa baptisi nyɛ.

BAIBLO ALOO NGMAMI KLƆUKLƆU Ɔ

¹¹ Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Mateo 3:11 ပူးပေါင်းရင်းမြစ်များ

Mateo 3:6

nɛ e baptisi mɛ ngɛ Yordan mi benɛ a ngɛ a he yayami ɔmɛ jajee ɔ.

Marko 1:4

Lɔ ɔ he ɔ Yohane ba hia si ngɛ nga a nɔ; e ngɛ baptisie nɛ e ngɛ fiɛe ke: “Nyɛɛ kpale kɛ je nyɛ he yayami ɔmɛ a he nɛ a baptisi nyɛ, nɛ Mawu kɛ nyɛ he yayami ɔmɛ maa pa nyɛ.”

Luka 1:17

Nɛ e maa sɛ e hlami ngɛ Elia mumi kɛ e hewami mi, nɛ e ya dɔ tsɛmɛ a tsui kɛ ba a bimɛ a he, kɛ tue gboli kɛ ba dali a ni lemi mi, nɛ e dla ma a ngɔ to Nyɔmtsɛ ɔ.”

Luka 3:16

Yohane he nɔ nɛ e de ni ɔmɛ tsuo ke: “Imi lɛɛ, nyu i kɛ baptisi nyɛ; se nɔ ko nɛ he wa pe mi ma, nɛ i sɛ nɔ nɛ pɛneɔ e tokotahi a nya kpa, lɛ e kɛ Mumi Klɔuklɔu kɛ la maa baptisi nyɛ,

Luka 3:3

Nɛ e kpa Yordan kpo ɔmɛ tsuo a mi nɛ e fiɛ baptisimi nɛ a kɛ naa tsui tsakemi kɛ yayami pami;

Yohane 1:15

Yohane ye e he odase nɛ e kpa ngmlaa ke: “Nɔ nɛ ɔ ji nɔ nɛ i ngɛ dee ngɛ e he ke: ‘Nɔ nɛ ma ngɛ ye se ɔ, e pa mi’ ejakaa e ngɛ loko i ngɛ.”

Yohane 1:30

Nɔ nɛ ɔ ji nɔ nɛ i ngɛ dee ngɛ e he ke: ‘Nyumu ko ma ngɛ ye se, nɛ e pã mi,’ ejakaa e ngɛ loko i ngɛ ɔ nɛ.

Ni Tsumi 1:5

ejakaa Yohane ɔ, nyu e kɛ baptisi, se nyɛɛ lɛɛ e be kɛe nɛ a kɛ Mumi Klɔuklɔu maa baptisi nyɛ.”

Ni Tsumi 19:4

Nɛ Paulo ke: “Yohane ɔ, tsuitsakemi baptisimi e kɛ baptisi, se e de ma a ke, a he nɔ nɛ ma ngɛ e se ɔ mohu nɔ ngɔ ye, lɛ ji Nyɔmtsɛ Yesu ɔ nɛ.”

Ni Tsumi 8:36

Nɛ benɛ a ngɛ blɔ ɔ nɔ ɔ, a ba su nyu ko he, nɛ maa je sɔmɔlɔ nɔkɔtɔma a nyɛ a, e ke: “Oʼɛ nyu; mɛni tsiɔ ye baptisimi nya?” [

Ni Tsumi 8:38

Nɛ e fa ke zugba lɛ ɔ nɛ da si, nɛ Filipo kɛ sɔmɔlɔ nɔkɔtɔma a tsuo kple si kɛ ho nyu ɔ mi ya, nɛ e baptisi lɛ.

1 Korintobi 12:13

Ejakaa Yudafohi ji wɔ jio, Helabihi ji wɔ jio, nyɔguɛhi jio, he yeli jio, wɔ tsuo ɔ Mumi kake mi a gu a baptisi wɔ ngɔ wo nɔmlɔ tso kake mi; nɛ wɔ tsuo Mumi kake akɛ ha wɔ nɛ waa nu.

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Tito 3:5

lɔ ɔ lɛɛ pi dami ni tsumihi nɛ wa tsu nya, se mohu lɛ nitsɛ e mɔbɔ nami nya, kɛ gu ehe fɔmi, he dumi kɛ Mumi Klɔuklɔu ɔ ehe peemi ɔ nɔ he wa yiwami,

1 Petro 5:5

Ja nɔuu nyɛ, jokuɛwi ɔmɛ, nyɛɛ ba nyɛ he si ha nikɔtɔma amɛ. Nɛ nyɛ tsuo nyɛɛ ba nyɛ he si ngɔ ha nyɛ sibi nɛ nyɛɛ wo he si bami kaa tade, ejakaa “Mawu kuɔ he woli a nya, se e dloɔ he si bali.”