Mateo 28:3 - Somi He Ɔ

³ Nɛ e hɛ mi kpɛ kaa slaba la, nɛ e tade ɔ hu hiɛ futafuta kaa snoo.

BAIBLO ALOO NGMAMI KLƆUKLƆU Ɔ

³ E hɛ mi ngɛ kpɛe kaa oslabai la, nɛ e tade ɔ hu hiɛ futafuta kaa kalo.

Mateo 28:3 ပူးပေါင်းရင်းမြစ်များ

Ni Tsumi 1:10

Nɛ benɛ e yaa nɛ a ngɛ hiɔwe hyɛe too ɔ, oʼɛ, nyumuhi enyɔ nɛ wo tade hiɔ daa si ngɛ a kasa nya,

Marko 9:3

Nɛ e tade ɔmɛ kpɛ nɛ a hiɛ futafuta bɔ nɛ nihi a he fɔlɔ ko be zugba nɛ ɔ nɔ nɛ ma nyɛ ma ha a hiɛ ja.

Marko 16:5

Nɛ benɛ a sɛ yɔkɔ ɔ mi ɔ, a na niheyo ko nɛ hii si ngɛ nɔ hiɛ ɔ nɔ je nɛ e wo tade hiɔ gagaaga; nɛ a hɛli si.

Kpojemi 18:1

Ni nɛ ɔmɛ a se ɔ, i na hiɔwe bɔfo kpa ko nɛ e ngɛ si kplee kɛ ngɛ hiɔwe jee, nɛ e ngɛ he blɔ ngua, nɛ e hɛ mi nyami ɔ hã je ɔ mi kulaa tsɔ.

Yohane 20:12

nɛ e na hiɔwe bɔfohi enyɔ nɛ a wo ni hiɔ nɛ a hii si ngɛ he nɛ Yesu gbogboe ɔ fɔ si ngɛ ɔ, nɔ kake ngɛ e yi je, nɛ nɔ kake hu ngɛ e nane si je.

Kpojemi 10:1

Kɛkɛ nɛ i na hiɔwe bɔfo kpa ko nɛ he wa nɛ e je hiɔwe kɛ ngɛ si kplee, nɛ e ha bɔku, nɛ alale ngɛ e yi kpɛti, nɛ e hɛ mi ngɛ kaa pu, nɛ e nanehi ngɛ kaa la titimahi.

Mateo 17:2

Nɛ e nɔmlɔ tso su tsake ngɛ a hɛ mi, nɛ e hɛ mi kpɛ kaa pu, nɛ e tade ɔmɛ hiɛ kaa pu la.

Mateo 28:4

Gbeye nɛ nu buli ɔmɛ he je ɔ, a he do blibliibli nɛ a plɛ kaa ni gbogboehi.