Mateo 26:74 - Somi He Ɔ

⁷⁴ Kɛkɛ nɛ e bɔni gbiɛmi kɛ kita kami ke: “I li nɔmlɔ ɔ!” Nɛ amlɔ ɔ kungwɔ kpa nɔ.

BAIBLO ALOO NGMAMI KLƆUKLƆU Ɔ

⁷⁴ Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Mateo 26:74 ပူးပေါင်းရင်းမြစ်များ

Kpojemi 3:19

Imi lɛɛ, nihi abɔ nɛ i suɔ ɔ, i kãa mɛ nɛ i gblaa a tue; lɔ ɔ he ɔ, o hɛ nɛ dɔ nɛ o tsake o tsui!

1 Korintobi 16:22

Ke nɔ ko sume Nyɔmtsɛ Yesu Kristo sane ɔ, jamɛ a nɔ ɔ e plɛ musutsɛ! Wa Nyɔmtsɛ, ba! (Maran ata.)

Yohane 18:27

Nɛ Petro kua ekohu, kɛkɛ nɛ nɔuu nɛ kungwɔ kpa nɔ.

Mateo 10:28

Nɛ nyɛ ko ye ninɛmɛ nɛ gbee nɔmlɔ tso ɔ nɛ a nyɛ we klaa a nɛ a gbe ɔ gbeye; se mohu nyɛɛ ye nɔ nɛ nyɛɛ klaa a kɛ nɔmlɔ tso ɔ tsuo hɛ mi kpataa ngɛ gehena mi ɔ gbeye.

Romabi 9:3

Ejakaa i na nɛ jinɛ a je mi ngɛ Kristo he kaa musutsɛ ngɛ ye nyɛmimɛ nɛ ji ye wekuli ngɛ he lo blɔfami ɔmɛ a nane mi,

Luka 22:60

Se Petro ke: “Tsaatsɛ, i li nɔ́ nɛ o ngɛ dee nɛ ɔ!” Nɛ amlɔ nɔuu, benɛ e ngɛ munyu ɔ tue ɔ, kungwɔ kpa nɔ.

Marko 14:68

Se e kua nɛ e ke: “I li nɔ́ nɛ o ngɛ dee nɛ ɔ, nɛ i nui sisi tete.” Nɛ e je kpo kɛ ho kue ɔ si ya, kɛkɛ nɛ kungwɔ kpã nɔ.

Marko 14:30

Nɛ Yesu de lɛ ke: “I ngɛ mo dee anɔkuale mi ke: “Mwɔnɔ nyɔ nɛ ɔ mi ɔ, kungwɔ be nɔ kpae si enyɔ nɛ o ma kpa ngɛ ye se si etɛ.”

Mateo 27:25

Nɛ ma a tsuo he nɔ ke: “E muɔ nɛ ba waa kɛ wa bimɛ a nɔ!”

Mateo 26:34

Yesu de lɛ ke: “Niinɛ, i ngɛ mo dee ke: Nyɔ nɛ ɔ mi nɔuu, loko kungwɔ ma kpã nɔ ɔ, o ma kpa ngɛ ye si etɛ.”

Mateo 26:73

Se pee se bɔɔ ɔ, nihi nɛ daa si ngɛ lejɛ ɔ ba de Petro ke: “Anɔkuale ji kaa, a ti nɔ kake ji mo; ejakaa o munyu tete ngɛ mo si jee!”

Mateo 26:75

Nɛ Petro kai Yesu munyu nɛ e tu lɛ ke: “Loko kungwɔ ma kpa nɔ ɔ, o ma kpa ngɛ ye se si etɛ” ɔ. Nɛ e je kpo ya fo ya wawɛɛ.