Mateo 26:5 - Somi He Ɔ

⁵ se a ke: “Pi ngɛ Hejɔɔmi ligbi ɔ nɔ, konɛ basabasa peemi nɛ ko ba ma a mi.”

BAIBLO ALOO NGMAMI KLƆUKLƆU Ɔ

⁵ A de ke, “Wa be nɔ́ nɛ ɔ pee nyami be ɔ mi, konɛ basabasa kó ba ma a mi.”

Mateo 26:5 ပူးပေါင်းရင်းမြစ်များ

Mateo 27:24

Se benɛ Pilato na kaa e nyɛ we he nɔ́ ko nɛ e pee, se mohu basabasa ngɛ hlae nɛ maa te si ɔ, e ngɔ nyu nɛ se fɔ e dɛ ngɛ asafo ɔ hɛ mi, nɛ e ke: “Imi lɛɛ i yi dalɔ nɛ ɔ muɔ he musu; nyɛ, nyɛ sane ʼi!”

Mateo 21:26

Nɛ ke wa ke: ‘E je nimli a dɛ mi’ ɔ, lɔ ɔ hu wa ngɛ asafo ɔ gbeye yee; ejakaa nihi tsuo buu Yohane gbalɔ.”

Mateo 14:5

Nɛ jinɛ e hla kaa e gbe lɛ, se e ya ye asafo ɔ gbeye, ejakaa a buu Yohane gbalɔ.

Marko 14:27

Nɛ Yesu de e kaseli ɔmɛ ke: “Nyɛ tsuo nyɛ nane ma kpata ejakaa a ngma ke: ‘Ma fia to hyɛlɔ ɔ nɔ, nɛ to ɔmɛ maa gbe fia.’

Marko 14:12

Akpiti nyami ligbi ɔmɛ a mi kekleekle ligbi ɔ nɔ ɔ, benɛ a ngɛ Hetsɔmi to bi ɔ gbee ɔ, Yesu kaseli ɔmɛ bi lɛ ke: “Jije o suɔ kaa wa ya dla ni ngɔ to ha mo nɛ o ya ye Hetsɔmi ɔ ngɛ?”

Marko 14:2

Se a ke: “Pi ngɛ nyami ligbi ɔ nɔ, konɛ basabasa peemi nɛ ko ba ma a mi.”

Ni Tsumi 4:28

konɛ a pee nihi tsuo nɛ o nine kɛ o yi mi tomi ɔ to ngɔ fɔ si ke a pee ɔ.

Yohane 18:28

Kɛkɛ nɛ a kpaka Yesu kɛ je Kaiafa ngɔ kɛ ho kojomi he ɔ ya. Nɛ e su makɛ. Mɛ nitsɛmɛ ɔ lɛɛ a sɛ we kojomi he ɔ, konɛ a ko ble a he, benɛ pee nɛ a nyɛ nɛ a ye Hetsɔmi ɔ.

Luka 22:7

Kɛkɛ nɛ akpiti nyami ligbi nɛ sa kaa a gbee Hetsɔmi to bi ɔ ngɛ nɔ ɔ ba su;

Luka 20:6

Nɛ jeha nɛ ɔ ke wa de ke e je nimli a dɛ mi ɔ, ma a kulaa maa fia wɔ tɛ, ejakaa a kpa si kaa Yohane ɔ, gbalɔ ʼi.”

Ni Tsumi 19:29

Nɛ ma a mi kulaa pee basabasa; nɛ a kɛ juɛmi kake sa kɛ ho ni hyemi he ɔ ya, nɛ a ya nuu Gaio kɛ Aristarko nɛ ji Makedoniabi nɛ piɛ Paulo he kɛ hia blɔ ɔ.

Ni Tsumi 21:38

Lɛɛ pi mo ji Mizraim no ɔ nɛ lingmi nɛ ɔ nɛ e kɛ atua tsɔmi ba nɛ e kpaka nyumuhi awiyeli akpe eywiɛ ngɔ pue e se kɛ ho nga a nɔ ya a lo?”