Mateo 26:18 - Somi He Ɔ

¹⁸ Nɛ e ke: “Nyɛɛ ya ma a mi nɛ nyɛ ya de asimasi ke: ‘Tsɔɔlɔ ɔ ke: Ye be ɔ su ta; o we ɔ mi i kɛ ye kaseli ɔmɛ maa ye Hetsɔmi ɔ ngɛ.’ ”

BAIBLO ALOO NGMAMI KLƆUKLƆU Ɔ

¹⁸ E de mɛ ke, “Nyɛɛ ya asimasi ngɔ ngɛ ma a mi, nɛ nyɛ ya de lɛ ke, ‘Tsɔɔlɔ ɔ ke, Ye be ɔ su; i kɛ ye kaseli ɔmɛ ma ba ye Hetsɔmi ɔ ngɛ o we ɔ mi.’ ”

Mateo 26:18 ပူးပေါင်းရင်းမြစ်များ

Yohane 7:6

Kɛkɛ nɛ Yesu de mɛ ke: “Ye be sui lolo, se nyɛɛ lɛɛ nyɛ be ɔ daa nɛ ɔ e su.

Yohane 17:1

Benɛ Yesu de ni nɛ ɔmɛ se ɔ, e wo e hɛ nɔ kɛ ya hiɔwe, nɛ e ke: “Tsaatsɛ, ngmlɛfia a su. Wo o bi ɔ hɛ mi nyami, konɛ o bi ɔ hu nɛ wo o hɛ mi nyami.

Yohane 13:1

Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Yohane 7:30

Enɛ ɔ he ɔ, a ngɛ lɛ hlae nɛ a nu, se nɔ ko tɛ́ e he, ejakaa e ngmlɛfia a sui lolo.

Yohane 7:8

Nyɛɛ lɛɛ nyɛɛ ya nyami ligbi nɛ ɔ yemi se imi lɛɛ i na we ma ya, ejakaa ye be ɔ sui lolo.”

Yohane 12:23

Nɛ Yesu he nɔ nɛ e ke: “Ngmlɛfia a nɛ a maa wo Nɔmlɔ Bi ɔ hɛ mi nyam ɔ su.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

Yohane 11:28

Nɛ benɛ Marta de lɛ kikɛ ɔ, e pue nɔ kɛ ho, nɛ e ya tsɛ e nyɛmi Maria a zaa, nɛ e de lɛ ke: “Nyɔmtsɛ ɔ ba, nɛ e ngɛ mo tsɛe.”

Marko 5:35

Benɛ Yesu ngɛ nɔ ngɛ munyu ɔ tue ɔ, Yairo we mi bi ɔmɛ a ti ni komɛ ba ba de lɛ ke: “O biyo ɔ gbo; mɛni he je o pa ngɛ tsɔɔlɔ ɔ nya dooe?”

Mateo 26:2

“Nyɛ le kaa e piɛ ligbi enyɔ nɛ a yeɔ Hetsɔmi ɔ, nɛ a ma je Nɔmlɔ Bi ɔ ngɔ ha nɛ a sɛu lɛ.”

Mateo 23:10

Jeha nɛ ɔ a ko tsɛ nyɛ tsɔɔli hulɔ; ejakaa nɔ kake ji nyɛ tsɔɔlɔ, lɛ ji Kristo.

Mateo 23:8

Se nyɛɛ lɛɛ, a ko tsɛ nyɛ ‘Rabi’; ejakaa nɔ kake ji nyɛ tsɔɔlɔ, se nyɛ tsuo kulaa a nyɛmimɛ ji nyɛ.

Mateo 21:3

Nɛ ke nɔ ko bi nyɛ munyu ko ɔ, nyɛ de lɛ ke: ‘A he ngɛ Nyɔmtsɛ ɔ hiae;’ nɛ amlɔ ɔ, e ma ha nyɛɛ kɛ mɛ maa ba.”

Yohane 20:16

Yesu de lɛ ke: “Maria!” Nɛ Maria plɛ e he, nɛ e de lɛ ngɛ Hebri mi ke: “Rabuni” (e sisi ji: Tsɔɔlɔ.)

Mateo 26:49

Nɛ amlɔ ɔ e ba Yesu ngɔ ba de ke: “He manye, Rabi,” nɛ e fiɔ e nya he.

Mateo 26:19

Nɛ e kaseli ɔmɛ ya pee bɔ nɛ Yesu de mɛ ɔ, nɛ a dla Hetsɔmi ni ɔ ngɔ to.