Mateo 24:4 - Somi He Ɔ

⁴ Nɛ Yesu he nɔ nɛ e de mɛ ke: “Nyɛɛ hyɛ nɛ hi konɛ nɔ ko ko ba mlɔɔ nyɛ.

BAIBLO ALOO NGMAMI KLƆUKLƆU Ɔ

⁴ Yesu he nɔ nɛ e de mɛ ke, “Nyɛɛ hyɛ nɛ hi, konɛ nɔ ko kó ba mlɔɔ nyɛ.

Mateo 24:4 ပူးပေါင်းရင်းမြစ်များ

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

2 Tesalonikabi 2:3

Nyɛ ko ha nɔ ko nɛ e sisi nyɛ ngɛ blɔ ko blɔ ko nɔ, ejakaa ja Mawu jami kuami ɔ ba lolo, nɛ a je dikalɔ nɛ ji hɛ mi kpatami bi ɔ kpo,

Kolosebi 2:8

Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

Efesobi 5:6

Nyɛ ko ha nɛ nɔ ko kɛ munyu gu nɛ mlɔɔ nyɛ; ejakaa jamɛ a ni nɛ ɔmɛ a he nɛ Mawu muklii mi fumi baa tuegbenɔ bi ɔmɛ a nɔ ɔ nɛ.

Marko 13:22

Ejakaa lakpa kristohi kɛ lakpa gbali maa te si nɛ a maa pee okadihi kɛ nyakpɛ nihi, konɛ, ke e maa hi ɔ, a mlɔɔ ninɛmɛ nɛ a hla a tete.

Efesobi 4:14

konɛ wa ko ya nɔ nɛ waa pee bimwɔwi nɛ tsɔɔmi kɔɔhiɔ tsuaa tsɔɔmi kɔɔhiɔ mimiɛɛ mɛ, nɛ a kpakaa mɛ kɛ yaa kɛ baa ngɛ nimli a ga yaya tomi mi, ngɛ sisimi ga kɛ kutupɔ nya.

Luka 21:8

Nɛ Yesu ke: “Nyɛɛ hyɛ saminya, konɛ a ko mlɔɔ nyɛ; ejakaa nihi fuu maa ba ngɛ ye biɛ mi, nɛ a ma de ke: ‘Ami ʼi;’ kɛ jeha nɛ ɔ: ‘Be ɔ su tã.’ Nyɛ ko bu mɛ tue.

Kolosebi 2:18

Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

Galatabi 6:3

Ejakaa ke e peɔ nɔ ko kaa nɔ ko ji lɛ nɛ e pi nɔ ko ɔ, lɛ nitsɛ e he e ngɛ sisie.