Mateo 22:8 - Somi He Ɔ

⁸ Kɛkɛ nɛ e de e tsɔli ɔmɛ ke: ‘A to yo kpeemi ɔ he ni gbe nyɛ mohu, se nihi nɛ a kpee ɔ, a sɛ́.’

BAIBLO ALOO NGMAMI KLƆUKLƆU Ɔ

⁸ “Jehanɛ, e de e tsɔli ɔmɛ ke, ‘A to yo kpeemi ɔ he ní gbe nya mohu, se nihi nɛ a fɔ̃ nine ɔ, a sɛ.

Mateo 22:8 ပူးပေါင်းရင်းမြစ်များ

Kpojemi 3:4

Se kɛ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu; a kɛ mi maa nyɛɛ ngɛ tade hiɔhi a mi, ejakaa a sa ja.

2 Tesalonikabi 1:5

Enɛ ɔ ji Mawu kojomi nɛ da a he okadi nɛ a naa paa, konɛ a bu nyɛ kaa nyɛ sa Mawu matsɛ yemi nɛ nyɛ ngɛ nɔ nae ngɛ he ɔ.

Ni Tsumi 13:46

Nɛ Paulo kɛ Barnaba tu munyu kɛ kã ke: “Nyɛ kekle e sa kaa a jajeɔ Mawu munyu ɔ ngɔ tsɔɔ, se akɛnɛ nyɛ kua munyu ɔ nɛ nyɛ bui nyɛ he kaa nyɛ sa neneene wami ɔ he je ɔ, oʼɛ, wa dɔ wa yi kɛ yaa majeli ɔmɛ a ngɔ.

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.

Luka 21:36

Lɔ ɔ he ɔ, nyɛɛ huɔ be tsuaa be nɛ nyɛɛ sɔle konɛ nyɛ nyɛ hihi nɛ maa ba nɛ ɔmɛ kulaa mi nɛ nyɛɛ je, nɛ nyɛ nyɛ Nɔmlɔ Bi ɔ hɛ mi nɛ nyɛɛ da.”

Luka 20:35

se nihi nɛ maa sa je nɛ ma a kɛ ni gbogboehi a si temi ɔ nami ɔ, a ngɔɛ yo, nɛ pohu a kɛ yo ha we gba;

Mateo 9:15

Nɛ Yesu de mɛ ke: “Anɛ yo kpeemi ɔ he biali ɔmɛ ma nyɛ maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Se be maa ba mo nɛ a maa ngɔ ayɛflo huno ɔ kɛ maa je a kpɛti kɛ ho, nɛ lɔ ɔ loko a maa ha hwɔ.”

Mateo 22:7

Se benɛ matsɛ ɔ nu ɔ, e mi mi fu, nɛ e tsɔ e aslaafohi, nɛ a ya gbe kikɛmɛ a awiyeli nɛ ɔmɛ, nɛ a sã a ma a.

Mateo 22:9

Lɔ ɔ he je ɔ, nyɛɛ ya magbɛ ɔmɛ a nɔ, nɛ nihi abɔ nɛ nyɛ maa na a, nyɛɛ kpee mɛ kɛ ba yo kpeemi ɔ he.