Mateo 22:3 - Somi He Ɔ

³ Nɛ e tsɔ e tsɔli ke a ya tsɛ nihi nɛ a kpee ɔ kɛ ba yo kpeemi ɔ he; se a mi bami.

BAIBLO ALOO NGMAMI KLƆUKLƆU Ɔ

³ E tsɔ nihi ke a ya tsɛ ni nɛmɛ nɛ a kpee ɔ kɛ ba okplɔɔ ɔ he, se a sume kaa a maa ba.

Mateo 22:3 ပူးပေါင်းရင်းမြစ်များ

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Romabi 10:21

Se Israel ɔ, e de mɛ ke: “Daa je nami i tsɛɛ ye nine mi haa Ma tue gboli kɛ sane nya jeli.”

Yohane 5:40

Se nyɛ sume kaa nyɛ baa ye ngɔ nɛ nyɛ na wami.

Ni Tsumi 13:45

Se benɛ Yudafo ɔmɛ na asafo ɔmɛ ɔ, hunga jemi babauu te si ngɛ a mi, nɛ a kɛ munyu tumi-kɛ-simi kɛ musu bɔmi munyu ku nihi nɛ Paulo ngɛ dee ɔ nya.

Luka 19:27

Se jamɛ a ye henyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi.’ ”

Luka 15:28

Nɛ e muklii mi fu, nɛ e kplɛɛ we we ɔ mi sɛmi. Lɔ ɔ he ɔ e tsɛ ɔ je kpo nɛ e ba kpa lɛ pɛɛ.

Luka 13:34

“Yerusalem, Yerusalem, mo nɛ o gbee gbali ɔmɛ, nɛ o fiaa nihi nɛ a tsɔɔ mɛ o ngɔ ɔ tɛ, si nyɛmɛ i hla kaa i buaa o bimɛ ɔmɛ a nya, kaa bɔ nɛ kungwɔ buaa e bimɛ a nyɛ ngɔ woɔ e pɛlihi a sisi ɔ, nɛ nyɛ kplɛɛ we.’

Mateo 23:37

“Oo Yerusalem, Yerusalem, mo nɛ o gbee gbali ɔmɛ nɛ o fiaa nihi nɛ a tsɔ mɛ o ngɔ ɔ tɛ; si nyɛmɛ i hla kaa jinɛ i buaa o bimɛ a nya kaa bɔ nɛ kungwɔ buaa e bimɛ a nya woɔ e pɛlihi a sisi ɔ, nɛ nyɛ kplɛɛ we!

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

Hebribi 12:25

Nyɛɛ hyɛ nɛ hi konɛ nyɛ ko kua nɔ nɛ ngɛ munyu tue ɔ munyu ɔ, ejakaa ke nihi nɛ kua nɔ nɛ tu munyu tsɔɔ mɛ ngɛ zugba a nɔ munyu ɔ a he ji mi ɔ, lɛɛ ke wa kpale kɛ je nɔ nɛ jee hiɔwe tuɔ munyu ɔ se ɔ, wɔ mohu wa he be mi jee kɔkɔɔkɔ;

Mateo 21:34

Nɛ benɛ yiblii kpami be su ɔ, e tsɔ e tsɔli kɛ ya huli ɔmɛ a ngɔ ke a ya ngɔ e yiblii ɔ kɛ ba ha lɛ.

Mateo 9:15

Nɛ Yesu de mɛ ke: “Anɛ yo kpeemi ɔ he biali ɔmɛ ma nyɛ maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Se be maa ba mo nɛ a maa ngɔ ayɛflo huno ɔ kɛ maa je a kpɛti kɛ ho, nɛ lɔ ɔ loko a maa ha hwɔ.”

Hebribi 9:15

Enɛ ɔ nɔuu he je nɛ e ji somi he ɔ mi dalɔ ɔ nɛ, benɛ pee nɛ e gu gbenɔ nɔ kɛ kpata kekle somi ɔ nɔ tɔmi ɔmɛ, konɛ nihi nɛ a tsɛ ɔmɛ a nine nɛ su neneene gbo si ni ɔmɛ a he si womi ɔ nɔ.