Mateo 2:4 - Somi He Ɔ

⁴ nɛ e bua ma a mi osɔfo nikɔtɔma amɛ kɛ mlaa tsɔɔli ɔmɛ tsuo a nya kɛ kpe nɛ e bi mɛ he nɛ a ma fɔ Kristo ɔ ngɛ.

BAIBLO ALOO NGMAMI KLƆUKLƆU Ɔ

⁴ E tsɛ osɔfo nikɔtɔma amɛ, kɛ mlaa tsɔɔli tsuo nɛ ngɛ ma a mi ɔ kpe, nɛ e bi mɛ ke, “Jije a ma fɔ Kristo ɔ ngɛ?”

Mateo 2:4 ပူးပေါင်းရင်းမြစ်များ

Ni Tsumi 23:9

Nɛ huhui babauu ba te si, nɛ mlaatsɔɔli ɔmɛ nɛ ngɛ Farisifo ɔmɛ a se ɔ te si nɛ a pɛ de ke: “Wa nɛ nɔ ko yaya ko ngɛ kikɛmɛ a nɔmlɔ nɛ ɔ he. Se ke alinɔ mumi ko loo hiɔwe bɔfo ko nɛ e kɛ lɛ tu munyu ɔ nɛɛ?”

Ni Tsumi 6:12

Nɛ a wo ma bi ɔmɛ kɛ ma nikɔtɔma amɛ kɛ mlaa tsɔɔli amɛ yi, nɛ a te si kɛ ba pue e nɔ nɛ a ba nu lɛ, nɛ a kpaka lɛ kɛ ya gua ngua a hɛ mi.

Mateo 21:23

Nɛ benɛ Yesu ba sɔlemi we ɔ nɛ e ngɛ mɛ ni tsɔɔe ɔ, osɔfo nikɔtɔma amɛ kɛ ma nikɔtɔma amɛ ba e ngɔ nɛ a ba bi lɛ ke: “Mɛni he blɔ o ngɛ he je nɛ o peɔ kikɛmɛ a ni nɛ ɔmɛ, nɛ mɛnɔ ha mo kikɛmɛ a he blɔ nɛ ɔ?”

Mateo 7:29

ejakaa e tsɔɔ mɛ ni kaa nɔ ko nɛ ngɛ he blɔ, se pi kaa a mlaa tsɔɔli ɔmɛ.

Ni Tsumi 4:5

Jeha nɛ ɔ, e ba mi kaa e nɔ je na a, a ganɔ ɔmɛ kɛ ma nikɔtɔma amɛ kɛ mlaa tsɔɔli ɔmɛ ba bua a he nya ngɛ Yerusalem,

Yohane 18:3

Jeha nɛ ɔ Yuda ya ngɔ aslaafohi kɛ tsɔli kɛ je osɔfo nikɔtɔma amɛ kɛ Farisifo ɔmɛ a ngɔ, nɛ a hɛɛ kanehi kɛ hahi kɛ dadehi kɛ ba lejɛ ɔ.

Yohane 8:3

Nɛ mlaa tsɔɔli ɔmɛ kɛ Farisifo ɔmɛ kɛ yo ko nɛ a nu lɛ ngɛ ajuama bɔmi mi ba e ngɔ, nɛ a ha e ba da a kpɛti,

Yohane 7:32

Farisifo ɔmɛ nu kaa asafo ɔ ngɛ ni nɛ ɔmɛ dee kusikusi ngɛ e he; nɛ Farisifo ɔmɛ kɛ osɔfo nikɔtɔma amɛ tsɔ tsɔli konɛ a ya nu lɛ.

Yohane 3:10

Yesu he nɔ nɛ e de lɛ ke: “Tse Israel tsɔɔlɔ ji mo nɛ o li enɛ ɔmɛ?

Luka 23:10

Nɛ osɔfo nikɔtɔma amɛ kɛ mlaa tsɔɔli ɔmɛ ba da si nɛ a po e nya babauu.

Luka 20:19

Osɔfo nikɔtɔma amɛ kɛ mlaa tsɔɔli ɔmɛ ngɛ hlae nɛ a nu Yesu ngɛ lɛ ngmlɛfia a nɔ nɔuu se a ya ye ma a gbeye, ejakaa a kɔ se kaa a he nɛ e bu kikɛmɛ a bɛ nɛ ɔ nɛ.

Marko 8:31

Nɛ e bɔni mɛ tsɔɔmi ke: “Ja Nɔmlɔ Bi ɔ na amanehlu babauu nɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ kua lɛ, nɛ a gbe lɛ, nɛ ligbi etɛ se ɔ nɛ e te si ekohu.”

Mateo 27:1

Benɛ je na a, osɔfo nikɔtɔma amɛ kɛ ma nikɔtɔma amɛ tsuo so Yesu yi nɔ, konɛ a gbe lɛ.

Mateo 26:47

Nɛ benɛ e ngɛ munyu ɔ tue kɛ mwɔ ɔ, oʼɛ, Yuda, ni nyɔngma kɛ enyɔ ɔmɛ a kpɛti nɔ kake ɔ, ba, nɛ asafo fuu nɛ je osɔfo nikɔtɔma amɛ kɛ ma nikɔtɔma amɛ a ngɔ ɔ kɛ lɛ nyɛɛ, nɛ a hɛɛ klaate kɛ tsokpotihi.

Mateo 26:3

Lɛ be ɔ mi ɔ, osɔfo nikɔtɔma amɛ kɛ mlaa tsɔɔli ɔmɛ kɛ ma nikɔtɔma amɛ ya bua a he nya ngɛ osɔfo nɔkɔtɔma nɛ a tsɛɛ lɛ Kaiafa a mɔ ɔ mi.

Mateo 21:15

Se benɛ osɔfo nikɔtɔma amɛ kɛ mlaa tsɔɔli ɔmɛ na nyakpɛ nihi nɛ e pee kɛ jokuɛwi ɔmɛ nɛ a ngɛ lele wɔe ngɛ sɔlemi we ɔ ke: “Hosiana David bi” ɔ, a muklii mi wo la,

Mateo 13:52

Se e de mɛ ke: “Lɔ ɔ he ɔ, mlaa tsɔɔlɔ tsuaa mlaa tsɔɔlɔ nɛ a pee lɛ kaselɔ kɛ ha hiɔwe matsɛ yemi ɔ, e ngɛ kaa wetsɛ ko nɛ jeɔ ni hehi kɛ ni momohi kɛ jee e juetli to he ɔ.”

Mateo 2:3

Benɛ matsɛ Herode nu enɛ ɔ, e kɛ Yerusalem tsuo nu sawale;

Mateo 2:5

Nɛ a de lɛ ke: “Ngɛ Betlehem ngɛ Yudea; se bɔ nɛ gbalɔ ɔ ngma ji nɛ ɔ nɛ: