Mateo 2:23 - Somi He Ɔ

²³ Nɛ e ba ba hi ma ko nɛ a tsɛɛ Nazaret ɔ mi; konɛ nɔ́ nɛ gbalɔ ɔ de ɔ nɛ ba mi ke: “A ma tsɛ lɛ Nazareno.”

BAIBLO ALOO NGMAMI KLƆUKLƆU Ɔ

²³ nɛ e ya hi ma ko nɛ a tsɛɛ Nazaret ɔ. Nɛ nɔ́ nɛ gbali ɔmɛ de to ɔ ba mi ke, “A ma tsɛ lɛ Nazaret no.”

Mateo 2:23 ပူးပေါင်းရင်းမြစ်များ

Marko 1:24

“Mɛni o ngɛ hlae ngɛ wa dɛ, Yesu Nazareno? O ma wa hɛ mi kpatami lo? I le nɔ nɛ ji mo: Mo ji Tsɔlɔ Klɔuklɔu nɛ je Mawu ngɔ ɔ nɛ!”

Mateo 26:71

Se benɛ e te si kɛ ho kue ɔ si ya a, sɔmɔlɔ yo kpa ko hu na lɛ, nɛ e de nihi nɛ ngɛ lejɛ ɔ ke: “Nɔ nɛ ɔ hu kɛ Yesu Nazareno ɔ lɛ ngɛ.”

Mateo 1:22

Se a pee enɛ ɔmɛ tsuo konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi ke:

Ni Tsumi 24:5

E ji anɔkuale kaa wa na nyumu nɛ ɔ kaa e ji nihi a tue puɛlɔ, e woɔ Yudafohi tsuo nɛ ngɛ zugba mluku ɔ kulaa nɔ ɔ yi mi nɛ a tsɔ atua, nɛ jeha nɛ ɔ hu e ji Nazaretsɛmɛ a kuu ɔ nya kpa.

Ni Tsumi 2:22

“Tsaatsɛmɛ Israelbihi, nyɛɛ bu kikɛmɛ a munyu nɛ ɔ tue. Yesu Nazare no ɔ ji nyumu nɛ Mawu kɛ he wami ni tsumihi kɛ nyakpɛ nihi kɛ okadihi nɛ e gu e nɔ kɛ pee ngɛ nyɛ kpɛti ɔ ye e he odase ngɔ tsɔɔ nyɛ, kaa bɔ nɛ nyɛ nitsɛmɛ nyɛ le ɔ.

Yohane 19:19

Nɛ Pilato ngma womi ko ngɔ mɛtɛ e seumi tso ɔ yi mi; bɔ nɛ e ngma ji nɛ ɔ nɛ: “Yesu, Nazareno, Yudafo ɔmɛ a matsɛ ɔ.”

Yohane 18:7

Kɛkɛ nɛ e kpale bi mɛ ekohu ke: “Mɛnɔ nyɛ ngɛ hlae?” Nɛ a ke: “Yesu, Nazareno ɔ.”

Yohane 18:5

A he nɔ ke: “Yesu Nazareno ɔ.” Yesu de mɛ ke: “Imi ji nɛ ɔ nɛ.” Se Yuda, nɔ nɛ ya tsɔɔ e se blɔ ɔ hu kɛ mɛ daa si.

Luka 2:39

Nɛ benɛ a gbe ni ɔmɛ tsuo nya ngɛ Nyɔmtsɛ ɔ Mlaa a nya a, a kpale a se kɛ ho Nazaret, mɛ nitsɛmɛ a ma a mi, ya ngɛ Galilea.

Luka 1:26

Hlami nɛ ji ekpa a nɔ ɔ, Mawu tsɔ bɔfo Gabriel kɛ ya Galilea ma ko nɛ a tsɛɛ Nazaret ɔ mi,

Mateo 21:11

Se asafo ɔ ke: “Nɔ nɛ ɔ ji Yesu, gbalɔ nɛ je Nazaret ngɛ Galilea a nɛ.”

Marko 1:9

Be bɔɔ ko se ɔ, Yesu je ma nɛ a tsɛɛ Nazaret ngɛ Galilea zugba a nɔ ɔ mi ba nɛ Yohane baptisi lɛ ngɛ Yordan mi.

Luka 18:37

Nɛ a de lɛ ke Yesu Nazareno ɔ lɛ bee.