Mateo 2:13 - Somi He Ɔ

¹³ Nɛ benɛ a je se ɔ, oʼɛ, Nyɔmtsɛ ɔ Bɔfo je e he kpo tsɔɔ Yosef ngɛ nlami mi nɛ e ke: “Tee si, ngɔɔ bimwɔyo ɔ kɛ e nyɛ ɔ, nɛ o tu fo kɛ ya Mizraim, nɛ o hi lejɛ ɔ kɛ yaa su be nɛ ma de mo; se Herode ma hla bimwɔyo ɔ nɛ e gbe.”

BAIBLO ALOO NGMAMI KLƆUKLƆU Ɔ

¹³ Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Mateo 2:13 ပူးပေါင်းရင်းမြစ်များ

Ni Tsumi 12:11

Benɛ Petro hɛ mi tsɔ lɛ ɔ, e ke: “Kpaako i na le tutuutu kaa Nyɔmtsɛ ɔ tsɔ e bɔfo kɛ ba nɛ e ba je mi ngɛ Herode dɛ mi kɛ nɔ́ nɛ Yudafo ɔmɛ a ma a ngɛ blɔ hyɛe ɔ kulaa mi.”

Ni Tsumi 10:7

Benɛ bɔfo ɔ nɛ kɛ lɛ ba tu munyu ɔ je ɔ, e tsɛ e webi ɔmɛ a ti ni enyɔ kɛ aslaafono ko nɛ yee Mawu gbeye nɛ ji nihi nɛ sɔmɔɔ lɛ ɔ a ti nɔ kake,

Ni Tsumi 5:19

Se nyɔmi ɔ Nyɔmtsɛ ɔ bɔfo ba bli tsu ɔ sinya amɛ nɛ e je mɛ, nɛ e ke:

Mateo 2:12

Nɛ akɛnɛ Mawu je tsɔɔ mɛ ngɛ nlɛmi mi ke a ko kpale a se kɛ ya Herode ngɔ hu ɔ, a gu blɔ kpa kɛ ho a zugba a nɔ ya.

Mateo 1:20

Se benɛ e ngɛ ni nɛ ɔmɛ kulaa a he susue ɔ, oʼɛ, Nyɔmtsɛ ɔ bɔfo je e he kpo ngɔ tsɔɔ lɛ ngɛ nlami mi, nɛ e de lɛ ke: “Yosef, David bi, koo ye o yo Maria a ngɔmi gbeye, se hɔ nɛ e hɛɛ nɛ ɔ ɔ, e je Mumi Klɔuklɔu ɔ mi;

Mateo 2:16

Jeha nɛ ɔ benɛ Herode na kaa ni leli ɔmɛ sisi lɛ ɔ, e muklii mi fu wawɛɛ, nɛ e tsɔ a ya gbe jokuɛ nyumuwi tsuo nɛ ngɛ Betlehem kɛ lejɛ ɔ ni ɔmɛ a mi tsuo, ninɛmɛ nɛ ye jeha enyɔ kɛ ninɛmɛ nɛ yi ja ngɛ be nɛ e bi ni leli ɔmɛ fitsofitso ɔ nya.

Kpojemi 12:14

Se a ngɔ kɔle ngua a ple enyɔ ɔmɛ ngɔ ha yo ɔ, konɛ e te kɛ ya nga a nɔ ngɛ e blɔ he ɔ, he nɛ a maa lɛ lɛ ngɛ jeha etɛ kɛ fa nɛ sinɔ ɔ be lɛ nae hu ɔ.

Ni Tsumi 16:36

Se pa mi tsɛmɛ a nɔ hyɛlɔ ɔ jaje kikɛmɛ a munyu nɛ ɔ ngɔ tsɔɔ Paulo ke: “Asafoatsɛmɛ ɔmɛ tsɔ kɛ ba ke a ngmɛɛ nyɛ he, lɔ ɔ he ɔ jeha nɛ ɔ nyɛɛ je kpo, nɛ nyɛɛ kɛ nyɛɛmi saminya.”

Ni Tsumi 10:22

Nɛ a ke: “Asafoatsɛ Kornelio, nɛ ji nyumu dalɔ kɛ Mawu gbeye yelɔ nɛ Yudafohi a ma mluku ɔ kulaa tuɔ e he munyu kpakpa a, lɛ hiɔwe bɔfo klɔuklɔu ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya munyu tue.”

Ni Tsumi 7:19

Lɛ nɛ e kɛ wa tsɛmɛ ɔmɛ hi si ngɛ sisimi blɔ nɔ nɛ e pee mɛ yayami, kaa e ha a sake a bimɛ bimwɔwi ɔmɛ ngɔ pue he, benɛ pee nɛ a ko hi je mi.

Mateo 10:23

Se ke a ngɛ nyɛ yi mi wae ngɛ ma nɛ ɔ mi ɔ, nyɛɛ tu fo kɛ ya ekpa mi; se niinɛ, i ngɛ nyɛ dee ke: Nyɛ be Israel ma amɛ tsuo nya gbee loko Nɔmlɔ Bi ɔ maa ba.

Kpojemi 12:6

Nɛ yo ɔ tu fo kɛ ho nga nɔ he ko ya, he nɛ Mawu dla to ngɔ ha lɛ ɔ, konɛ a ya lɛ lɛ ngɛ lejɛ ɔ ligbihi akpe kɛ lafa enyɔ kɛ nyingmi ekpa.

Kpojemi 12:4

Nɛ ehlemi ngɛ hiɔwe dodoehi a midlami etɛ mi kake gblae, nɛ e tsɔ mɛ ngɔ pue zugba a nɔ. Nɛ sinɔ ngua a ba da yo nɛ ma fɔ ɔ hɛ mi, konɛ, ke e fɔ ɔ nɛ e mi e bi ɔ.

Mateo 2:22

Bene e nu kaa Arkelao ngɛ matsɛ yee ngɛ Yudea ngɛ e tsɛ Herode se ɔ, Yosef ye lejɛ ɔ yami gbeye; nɛ akɛnɛ a je kpo tsɔɔ lɛ ngɛ nlami mi he ɔ, e plɛ e yi kɛ ho Galilea ni ɔmɛ a mi ya.

Mateo 2:14

Nɛ lɔ ɔ he ɔ, e te si nɛ e ngɔ bimwɔyo ɔ kɛ e nyɛ ɔ nyɔ mi, nɛ e pue nɔ kɛ ho Mizraim ya.

Ni Tsumi 12:7

Nɛ oʼɛ, Nyɔmtsɛ ɔ bɔfo ko ba da e kasa nya, nɛ la kpɛ ngɛ tsu ɔ mi. Bɔfo ɔ gba Petro kasa ma nɛ e tsɛ̃ɛ lɛ ke: “Tee si esɔesɔ!” Nɛ e kɔsɔkɔsɔ ɔmɛ kplɔ ngɛ e nine.