Mateo 2:11 - Somi He Ɔ

¹¹ Nɛ a ya we ɔ mi, nɛ a ya na bimwɔyo ɔ kɛ e nyɛ Maria a, nɛ a kpla si nɛ a ja lɛ, nɛ a pɛne a kotoku ɔmɛ a nya; nɛ a ke lɛ nihi: sika tsu kɛ mimɛ kɛ mire.

BAIBLO ALOO NGMAMI KLƆUKLƆU Ɔ

¹¹ A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Mateo 2:11 ပူးပေါင်းရင်းမြစ်များ

Luka 2:16

Nɛ a ho nɔuu nɛ a ya na Maria kɛ Yosef kɛ bimwɔyo ɔ nɛ hwɔɔ si ngɛ lohwehi a niye ni nɔ mi.

Mateo 2:2

“Jije Yudafo ɔmɛ a matsɛ ɔ nɛ a fɔ ɔ ngɛ? Wa na edodoe ngɛ beleku, nɛ wa ma lɛ jami.”

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Mateo 14:33

Nɛ nihi nɛ ngɛ lɛ ɔ mi ɔ ba ba ja lɛ de ke: “Niinɛ, Mawu bi ji mo!”

Kpojemi 5:8

Nɛ benɛ e ngɛ womi ɔ hee ɔ, hɛ kali eywiɛ ɔ kɛ nikɔtɔmahi nyingmi enyɔ kɛ eywiɛ ɔ bu si ngɛ Tobi ɔ hɛ mi, nɛ a ti nɔ tsuaa nɔ hɛɛ kpã saku kɛ sika tɔhi kɛ a mi tsopa kɛ e he via tɔtɔɔtɔ nɛ ji klɔuklɔu bi ɔmɛ a sɔlemi ɔmɛ.

Luka 2:38

Lɛ hu e ba ngɛ jamɛ a ngmlɛfia a mi nɔuu, nɛ e ba je Mawu yi, nɛ e tu jokuɛ ɔ he munyu ngɔ tsɔɔ nihi tsuo nɛ ngɛ Yerusalem kpɔmi ɔ blɔ hyɛe ɔ.

Mateo 1:18

Jeha nɛ ɔ, bɔ nɛ Yesu Kristo fɔmi ɔ ngɛ ji nɛ ɔ nɛ: e nyɛ Maria a, benɛ Yosef ya bi e si nɛ e na we nɛ e kpee lɛ ɔ, Maria na kaa e hɛɛ muklii kɛ je Mumi klɔuklɔu ɔ mi.

Mateo 2:10

Nɛ benɛ a na dodoe ɔ, a na bua jɔmi wawɛɛ nitse.

Mateo 12:46

Yesu kɛ asafo ɔmɛ ngɛ nɔ ngɛ munyu tue nɔuu kɛkɛ nɛ oʼɛ, e nyɛ kɛ e nyɛmimɛ ɔmɛ ba da agbo ɔ nya; a ngɛ hlae nɛ a kɛ lɛ maa tu munyu?

Yohane 19:39

Nɛ Nikodemo, nɔ nɛ kekle ko nɛ e ba Yesu ngɔ nyɔ mi ɔ, hu kɛ mire kɛ aloe nɛ a futu maa pee sɛni tɛ jiɔmi lafa ba.