Mateo 14:6 - Somi He Ɔ

⁶ Benɛ a ngɛ Herode fɔmi ligbi yee ɔ, Herodia biyo ɔ ba do ngɛ ni ɔmɛ a hɛ mi, nɛ e pee Herode fɛu.

BAIBLO ALOO NGMAMI KLƆUKLƆU Ɔ

⁶ Se benɛ Herode ngɛ e fɔmi ligbi yee ɔ, Herodia biyo ɔ ba do ngɛ ni ɔmɛ a hɛ mi. Nɔ́ nɛ ɔ pee Herode fɛu,

Mateo 14:6 ပူးပေါင်းရင်းမြစ်များ

Marko 6:17

Ejakaa lɛ Herode ɔ nɔuu lɛ e tsɔ nɛ a ya nu Yohane nɛ e fi lɛ nɛ e kɛ lɛ wo tsu mi. Herode pee enɛ ɔ ngɛ Herodia, e nyɛmi Filipo yo ɔ he; ejakaa e ngɔ lɛ ngɔ pee e yo.

Mateo 22:24

“Tsɔɔlɔ, Mose de ke: ‘Ke nɔ ko gbo nɛ e be bimɛ ɔ, e nyɛmi nɛ ngɔ e yo ɔ, konɛ e wo nina ngɔ ha e nyɛmi ɔ.’

Luka 3:19

Se amlaalo nɔkɔtɔma Herode ɔ, akɛnɛ Yohane ka e hɛ mi ngɛ e nyɛmi Filipo yo Herodia a he, kɛ ni yayahi tsuo nɛ lɛ Herode ɔ pee he je ɔ,

Marko 6:19

Lɔ ɔ he ɔ Herodia ngɔ lɛ ninyɛ nɛ e ngɛ lɛ hlae nɛ e gbe, se e nyɛ we;

Mateo 14:3

Se Herode nu Yohane nɛ e fi lɛ, nɛ e wo lɛ tsu mi ngɛ Herodia, e nyɛmi Filipo yo ɔ he;

Mateo 14:7

Lɔ ɔ he ɔ, e ka kita kɛ wo lɛ si ke nɔ́ tsuaa nɔ́ nɛ e ma bi lɛ ɔ e ma ha lɛ.

Marko 6:14

Nɛ matsɛ Herode nu he, ejakaa Yesu biɛ jije. Ni komɛ ke: “Yohane Baptisilɔ ɔ lɛ te si kɛ je gbeje, lɔ ɔ he nɛ he wami nɛ ɔmɛ ngɛ ni tsue ngɛ e mi ɔ nɛ.”

Marko 8:15

Yesu bɔ mɛ kɔkɔ ke: “Nyɛɛ hyɛ saminya, Tiɛ nyɛ hɛ nɛ hi nyɛ he nɔ ngɛ Farisifo ɔmɛ a ma sasɛ kɛ Herode ma sasɛ ɔ he!”

Luka 3:1

Jeha nɛ ɔ, Kaisare Tiberio matsɛ yemi jeha nɛ ji nyɔngma kɛ enuɔ ɔ mi, benɛ Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea, nɛ e nyɛmi Filipo hu ngɛ matsɛ ngua yee ngɛ Iturea kɛ Trakɛniti zugba amɛ a nɔ, nɛ Lisania ngɛ amlaalo nɔkɔtɔma yee ngɛ Abileene,

Luka 8:3

kɛ Yohana, Herode tsɔlɔ nɔkɔtɔma Kusa yo ɔ, kɛ Susana, kɛ ni kpahi fuu nɛ kɛ a nihi sɔmɔɔ mɛ ɔ.

Luka 13:31

Jamɛ a be ɔ mi nɔuu ɔ, Farisifo ɔmɛ ekomɛ ba e ngɔ ba de lɛ ke: “Jee hiɛ ɔ nɛ o ho, ejakaa Herode ngɛ mo hlae nɛ e gbe.”

Luka 23:7

Nɛ benɛ e na le kaa e je Herode nɔ yemi he ɔ, e ha a kɛ lɛ ho Herode nɔ nɛ ba Yerusalem ngɛ jamɛ a be ɔmɛ a mi ɔ, ngɔ ya.

Luka 23:11

Nɛ benɛ Herode kɛ e aslaafo ɔmɛ bɔ lɛ ahlua nɛ a ye e he fɛu, nɛ a wo lɛ tade saminyayoo ko ɔ, e ha a kɛ lɛ ho Pilato ngɔ ya ekohu.

Ni Tsumi 4:27

Niinɛ, Herode kɛ Pontio Pilato kɛ majemajeli ɔmɛ kɛ Israel ma amɛ hu ba bua a he nya ngɛ ma nɛ ɔ mi ngɔ wo o tsɔlɔ klɔuklɔu Yesu, nɔ nɛ o pɔ lɛ nu ɔ,

Ni Tsumi 12:1

Jamɛ a be ɔ mi nɔuu ɔ, matsɛ Herode wo e nine nɔ, konɛ e pee asafo ɔ mi bi ɔmɛ a ti ni komɛ yayami.