Mateo 13:11 - Somi He Ɔ

¹¹ Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

BAIBLO ALOO NGMAMI KLƆUKLƆU Ɔ

¹¹ Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Mateo 13:11 ပူးပေါင်းရင်းမြစ်များ

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

Mateo 19:11

Se e de mɛ ke: “Pi nihi tsuo nɛ ma nyɛ munyu nɛ ɔ he maa pɛtɛ, ja nihi nɛ a ngɔ ha mɛ ɔ kɛkɛ.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

1 Yohane 2:27

Se nyɛɛ lɛɛ nu pɔmi nɛ nyɛ na kɛ je e ngɔ ɔ hii nyɛ mi, nɛ e hia we nyɛ nɔ ko nɛ tsɔɔ nyɛ ni, se mohu bɔ nɛ e nu pɔmi ɔ tsɔɔ nyɛ nihi kulaa, nɛ e ji anɔkuale se pi lakpa a, he je ɔ, bɔ nɛ e tsɔɔ nyɛ ɔ, nyɛɛ hi e mi.

1 Yohane 2:20

Se nyɛɛ lɛɛ, nyɛ na nu pɔmi kɛ je Nɔ klɔuklɔu ɔ dɛ mi, nɛ nyɛ le anɔkuale ɔ.

Mateo 16:17

Nɛ Yesu he nɔ nɛ e de lɛ ke: “A gbaa mo, Simon, Yona bi; ejakaa pi he lo kɛ muɔ nɛ je enɛ ɔ tsɔɔ mo, se mohu Tsaatsɛ nɛ ngɛ hiɔwe ɔ ʼi.

Efesobi 1:9

E ha wa le e yi mi tomi ɔ mi laami sane nɛ e to kaa e maa gbe nya ngɛ Kristo mi,

Efesobi 5:32

Kikɛmɛ a laami sane nɛ ɔ mi jiɔ, se imi lɛɛ i ngɛ enɛ ɔ dee kɛ ngɛ Kristo kɛ asafo ɔ he toe.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

Luka 8:10

E de mɛ ke: “Nyɛɛ lɛɛ a ha nyɛ he blɔ kaa nyɛɛ le Mawu matsɛ yemi ɔ mi laami sane ɔmɛ, se ni kpa amɛ lɛɛ ngɛ abɛhi a mi, konɛ a hyɛ, se a ko na, nɛ a nu, se a ko nu sisi.”

1 Korintobi 15:51

Oʼɛ, laami sane i ngɛ nyɛ dee nɛ ɔ nɛ: Tsa pi wɔ tsuo kulaa nɛ wa ma gbo ɔ, se a ma tsake wɔ tsuo,

1 Korintobi 2:7

se mohu Mawu nilemi nɛ a kɛ laa ngɛ laami sane mi ɔ wa deɔ, nɔ nɛ Mawu dla to ha wa hɛminyamiwomi loko a bɔ je ɔ,

Yohane 6:65

Nɛ e ke: “Enɛ ɔ he je nɛ i de nyɛ ke: Nɔ ko be ye ngɔ nyɛe maa ba, ja Tsɛ ɔ ha lɛ he blo ɔ nɛ.”

1 Timoteo 3:9

se nihi nɛ hɛɛ hemi kɛ yemi ɔ laami sane ɔ ngɛ he nile nɛ he tsɔ mi.

1 Korintobi 13:2

Nɛ ke i ngɛ gbami, nɛ i naa laami mi nihi kulaa nya, nɛ i le nihi kulaa, nɛ ke i ngɛ hemi kɛ yemi kulaa hulɔ, bɔ nɛ ma nyɛ yokuhi ma hia, se i be suɔmi ɔ, lɛɛ i pi nɔ́ ko?

Marko 4:11

E de mɛ ke: “Nyɛɛ lɛɛ a kɛ Mawu matsɛ yemi ɔ he laami sane ɔ ha nyɛ kaa nyɛɛ le; se ninɛmɛ nɛ ngɛ se ɔ, abɛhi a mi a kɛ mɛ maa tu munyu ɔmɛ tsuo ngɛ,

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

Efesobi 6:19

kɛ imi hulɔ, konɛ, ke i bli ye nya a, a ha mi munyu nɛ ma kɛ ka nɛ fiɛ sane kpakpa a mi laami sane ɔ,

1 Korintobi 4:7

Mɛnɔ ha eslo mo? Nɛ jeha nɛ mɛni o ngɛ nɛ pi nɛ a kɛ ha mo? Se ke pe a kɛ ha mo ɔ, mɛ he je o fiaa kaa nɔ nɛ pi nɛ pe a kɛ ha mo ɔ?

1 Korintobi 4:1

Bɔ pɛ nɛ sa nɛ nimli nɛ bu wɔ ji nɛ ɔ nɛ, kaa Kristo sɔmɔli kɛ Mawu laami sane ɔmɛ a nɔ sɔmɔli nikɔtɔmahi.

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Ni Tsumi 16:14

Nɛ yo ko nɛ a tsɛɛ lɛ Lidia nɛ ji kɔjai jualɔ ko nɛ je Tiatira ma a mi nɛ yee Mawu gbeye ɔ hu nu. Nɛ Nyɔmtsɛ ɔ bli e tsui nya, kaa e bu nihi nɛ Paulo ngɛ dee ɔ tue.

Mateo 13:10

Nɛ e kaseli ɔmɛ ba e ngɔ ba bi lɛ ke: “Mɛni he je o kɛ mɛ ngɛ munyu tue ngɛ abɛhi a mi ɔ?”

Mateo 20:23

Nɛ e de mɛ ke: “Ye kplu ɔ nyɛ maa nu ji nɛ ɔ lɛɛ, se ye hiɛ ɔ nɔ kɛ ye muɔ nɔ himi ɔ, e pi ye nɔ nɛ i kɛ haa, se mohu nihi nɛ Tsaatsɛ ngɔ ha momo ɔ a nɔ ʼi.”

Marko 10:40

se ye hiɛ ɔ nɔ kɛ ye muɔ nɔ himi ɔ, pi ye nɔ nɛ i kɛ haa, se mohu nihi nɛ a dla to ha amɛ a nɔ ʼi.”

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,