Mateo 11:5 - Somi He Ɔ

⁵ hɛyuyuili ngɛ nɔ hyɛe, nɛ ninɛmɛ nɛ a hule ɔ ngɛ nyɛɛe; tsitsɛmɛ a he ngɛ tsɔe, nɛ otokuli ngɛ nɔ nue; ni gbogboehi ngɛ si tee, nɛ ohiafo ɔmɛ ɔ, a ngɛ Sane Kpakpa a fiee kɛ ngɛ mɛ tsɔɔe?

BAIBLO ALOO NGMAMI KLƆUKLƆU Ɔ

⁵ Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 11:5 ပူးပေါင်းရင်းမြစ်များ

Luka 4:18

“Nyɔmtsɛ ɔ mumi ɔ ngɛ ye nɔ. Lɔ ɔ he ɔ, e pɔ mi nu konɛ ma fiɛ Sane Kpakpa a ngɔ tsɔɔ ohiafohi, Konɛ ma fiɛ he yemi ngɔ tsɔɔ nyɔgue ɔmɛ, Kɛ nɔ́ hyemi ha hɛyuyuili.

Yakobo 2:5

Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

Mateo 21:14

Nɛ hɛ yuyuili kɛ nihi nɛ a hule ba e ngɔ ngɛ sɔlemi we ɔ, nɛ e tsa mɛ.

Yohane 10:38

se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 10:25

Yesu he nɔ ke: “I de nyɛ nɛ nyɛ he we yi. Ni tsumihi nɛ i tsuɔ ngɛ Tsaatsɛ biɛ mi ɔ, kɔlɔ ɔmɛ lɛ ngɛ ye he odase yee; se nyɛ he we yi,

Yohane 5:36

Se imi lɛɛ, i ngɛ odase nɛ pe Yohane nɔ ɔ, ejakaa ni tsumi ɔmɛ nɛ Tsɛ ɔ ngɔ ha mi kaa ma gbe nya a, lɛ ni tsumi ɔmɛ nɛ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 3:2

Lɛ lɛ e ba Yesu ngɔ nyɔ mi, nɛ e ba de lɛ ke: “Rabi, wa le kaa tsɔɔlɔ nɛ je Mawu ngɔ ba ji mo, ejakaa nɔ ko nɔ ko be nyɛe maa pee nyakpɛ nihi nɛ o ngɛ pee nɛ ɔmɛ, kaa ja Mawu kɛ nɔ ɔ ngɛ.”

Yohane 2:23

Jeha nɛ ɔ, benɛ Yesu ngɛ Yerusalem ngɛ Hetsɔmi ligbi ɔmɛ a mi ɔ, nihi fuu na nyakpɛ nihi nɛ e pee ɔ, nɛ a he e biɛ ɔ nɔ ye.

Marko 9:25

Se benɛ Yesu na kaa asafo ɔ wo fo kɛ ma e ngɔ ɔ, e ke mumi ɔ yi nɛ e de lɛ ke: “Mo amuɛti kɛ tuekpoku mumi, i ngɛ mo fae ke: Jee e mi nɛ o ko sɛ e mi hu!”

Marko 7:37

Nɛ a nya kpɛ a he nitsɛ nitsɛ nɛ a de ke: “E pee nihi kulaa saminya! E ha tuekpokuli nuɔ nɔ, nɛ amuɛtihi hu tuɔ munyu.”

Mateo 10:8

Nyɛ tsa hiɔtsɛmɛ, nyɛ ha tsitsɛmɛ a he nɛ tsɔ, nyɛ tle ni gbogboehi a si, nyɛɛ hia mumi yayamihi; yaka nyɛ na, yaka nyɛ ngɔ ha!

Mateo 9:30

nɛ a hɛngmɛ ɔmɛ bli. Nɛ Yesu bɔ mɛ kɔkɔ ke: “Nyɛɛ hyɛ nɛ nɔ ko ko le enɛ ɔ!”

Mateo 5:3

“A gbaa ninɛmɛ nɛ le kaa mumi mi ohiafohi ji mɛ ɔ: se a nɔ ji hiɔwe matsɛ yemi ɔ nɛ.

Ni Tsumi 2:22

“Tsaatsɛmɛ Israelbihi, nyɛɛ bu kikɛmɛ a munyu nɛ ɔ tue. Yesu Nazare no ɔ ji nyumu nɛ Mawu kɛ he wami ni tsumihi kɛ nyakpɛ nihi kɛ okadihi nɛ e gu e nɔ kɛ pee ngɛ nyɛ kpɛti ɔ ye e he odase ngɔ tsɔɔ nyɛ, kaa bɔ nɛ nyɛ nitsɛmɛ nyɛ le ɔ.

Mateo 11:4

Nɛ Yesu he nɔ nɛ e de mɛ ke: “Nyɛɛ ya nɛ nyɛ ya sɛɛ ha Yohane nɔ nɛ nyɛ ngɛ nue kɛ nɔ nɛ nyɛ ngɛ hyɛe nɔ;

Mateo 12:13

Kɛkɛ nɛ e de nyumu ɔ ke: “Kpa o nine ɔ mi!” Nɛ e kpa mi, nɛ e kɛ kake ɔ sɔ.

Yohane 9:7

nɛ e de lɛ ke: “Yaa du ngɛ Siloam (e sisi ji: nɔ nɛ a tsɔ lɛ) taku ɔ mi.” Kɛkɛ nɛ e ho nɛ e ya du, nɛ e ba nɛ e ngɛ nɔ hyɛe.