Mateo 11:1 - Somi He Ɔ

¹ Nɛ e ba mi kaa, benɛ Yesu to e kaseli nyɔngma kɛ enyɔ ɔ blɔ nya ta a, e je lejɛ ɔ nɛ e ya tsɔɔ ni nɛ e fiɛ ngɛ a ma amɛ a mi.

BAIBLO ALOO NGMAMI KLƆUKLƆU Ɔ

¹ Benɛ Yesu tsɔɔ e kaseli nyɔngma kɛ enyɔ ɔmɛ ní nɛ ɔmɛ ta a, e je kɛ ho ma amɛ nɛ a kɛ lejɛ ɔ kɛ we ɔ a mi ya, nɛ e ya tsɔɔ ní, nɛ e fiɛ ngɛ lejɛ ɔmɛ.

Mateo 11:1 ပူးပေါင်းရင်းမြစ်များ

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Luka 8:1

Enɛ ɔ se ɔ, Yesu ya kpa mahi kɛ kɔpehi a mi nɛ e fiɛ Mawu matsɛ yemi ɔ he Sane Kpakpa a ngɔ tsɔɔ nihi; nɛ e kaseli nyɔngma kɛ enyɔ ɔmɛ piɛ e he,

Mateo 9:35

Nɛ Yesu kpa ma amɛ kɛ kɔpe ɔmɛ tsuo a nɔ nɛ e tsɔɔ ni ngɛ a kpe he ɔmɛ nɛ e fiɛɔ matsɛ yemi ɔ he sane kpakpa a, nɛ e tsaa hiɔ tsuaa hiɔ kɛ dengme tsuaa dengme.

2 Tesalonikabi 3:10

Ejakaa benɛ waa kɛ nyɛ ngɛ hu ɔ, wa wo nyɛ kita ke, ke nɔ ko sume kaa e tsuɔ ni ɔ, lɛɛ e ko ye ni hu mɔ.

2 Tesalonikabi 3:6

Se, mamimɛ, wa ngɛ nyɛ fae ngɛ wa Mawetsɛ Yesu Kristo biɛ mi kaa nyɛɛ kɛ nyɛmi tsuaa nyɛmi nɛ tsu we ni nɛ nyɛɛ we ngɛ nihi nɛ wa tu ngɔ wo nyɛ dɛ mi ɔ nya a ko bɔ.

1 Tesalonikabi 4:2

Ejakaa nyɛ le kita nɛ wa wo nyɛ ngɛ Mawetsɛ Yesu biɛ mi ɔ.

Ni Tsumi 10:42

Nɛ e wo wɔ kita ke waa fiɛ ngɔ tsɔɔ ma a nɛ waa ye odase kaa lɛ ji nɔ nɛ Mawu je ngɔ to nɛ e kojo hɛ kali kɛ ni gbogboehi ɔ nɛ.

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya a. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ kɛ wo e kaseli nɛ e hla amɛ kita.

Yohane 15:14

Ke nyɛ pee nihi nɛ i ngɛ nyɛ he kita woe nɛ ɔ, lɛɛ ye huɛmɛ ji nyɛ.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Mateo 28:20

nɛ nyɛɛ tsɔɔ mɛ nɛ a ye nihi tsuo kulaa nɛ i de nyɛ ɔ nɔ. Nɛ oʼɛ, i kɛ nyɛ ngɛ daa kɛ yaa su je mi nyagbe.”

Mateo 7:28

Nɛ e ba mi kaa benɛ Yesu gbe munyu nɛ ɔmɛ a nya a, ni ɔmɛ a he nya si mɛ ngɛ e ni tsɔɔmi ɔ he;

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

1 Timoteo 6:14

kaa o ye kita a nɔ, nɛ kpa ko loo piami ko ko hi he kɛ yaa su wa Mawetsɛ Yesu Kristo bami ɔ mi.

Marko 6:12

Nɛ lɔ ɔ he ɔ a pue nɔ kɛ ho, nɛ a ya fiɛ tsɔɔ ni ɔmɛ ke a kpale kɛ je a he yayami ɔmɛ a he.

Luka 23:5

Se a kã nɔ pe kekle ɔ, nɛ a ke: “E ngɛ ma a mi hliihlii woe kɛ e ni tsɔɔmi ngɛ Yudea tsuo, nɛ e bɔni kɛ je Galilea kɛ ba su hiɛ ɔ.”