Mateo 10:32 - Somi He Ɔ

³² “Lɔ ɔ he ɔ, nɔ tsuaa nɔ nɛ gbaa mi woɔ ye ta ngɛ nimli a hɛ mi ɔ, imi hu ma gba mi ma mo e ta ngɛ Tsaatsɛ nɛ ngɛ hiɔwe ɔ hɛ mi.

BAIBLO ALOO NGMAMI KLƆUKLƆU Ɔ

³² “Lɔ ɔ he ɔ, nɔ tsuaa nɔ nɛ maa wo ye ta ngɛ nimli a hɛ mi ɔ, imi hu ma wo e ta ngɛ Tsaatsɛ nɛ ngɛ hiɔwe ɔ hɛ mi.

Mateo 10:32 ပူးပေါင်းရင်းမြစ်များ

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

1 Yohane 4:15

Nɔ tsuaa nɔ nɛ jajeɔ paa kaa Yesu ji Mawu Bi ɔ, Mawu hii e mi, nɛ lɛ hu e hii Mawu mi.

2 Timoteo 1:8

Lɔ ɔ he ɔ, zo ko pee mo ngɛ wa Nyɔmtsɛ ɔ he odase yemi ɔ he aloo ngɛ imi nɛ i ji e pa mi no ɔ he, se mohu o kɛ mi gbo dengme ngɛ sane kpakpa a he ngɛ Mawu he wami nya.

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

Yohane 9:22

E fɔli ɔmɛ de enɛ ɔ ejakaa a ngɛ Yudafo ɔmɛ gbeye yee. Se Yudafo ɔmɛ so ngɔ to kaa, ke nɔ ko gba mi de ke, lɛ ji Kristo ɔ, a maa fie lɛ kɛ maa je kpe he ɔ.

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Luka 15:10

Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”