Mateo 10:23 - Somi He Ɔ

²³ Se ke a ngɛ nyɛ yi mi wae ngɛ ma nɛ ɔ mi ɔ, nyɛɛ tu fo kɛ ya ekpa mi; se niinɛ, i ngɛ nyɛ dee ke: Nyɛ be Israel ma amɛ tsuo nya gbee loko Nɔmlɔ Bi ɔ maa ba.

BAIBLO ALOO NGMAMI KLƆUKLƆU Ɔ

²³ Ke a ngɛ nyɛ yi mi wae ngɛ ma ko mi ɔ, nyɛɛ tu fo kɛ ya ma kpa mi. Niinɛ, i ngɛ nyɛ dee ke nyɛ be nyɛ ní tsumi ɔ nya gbee ngɛ Israel ma amɛ tsuo a mi, loko Nɔmlɔ Bi ɔ maa ba.

Mateo 10:23 ပူးပေါင်းရင်းမြစ်များ

Mateo 16:28

Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Ni Tsumi 17:10

Nɛ amlɔ ɔ nyɛmimɛ ɔmɛ je Paulo kɛ Sila blɔ nyɔ mi kɛ ho Beroia ya. Nɛ benɛ a su lejɛ ɔ a ya sɛ Yudafo ɔmɛ a kpe he ɔ.

Ni Tsumi 8:1

Stefano gbemi ɔ ngɔ Saulo hu nya. Nɛ jamɛ a ligbi ɔ nɔ nɔuu ɔ, yi mi wami kpetekpleenyɛ te si wo asafo nɛ ngɛ Yerusalem ɔ, nɛ mɛ tsuo a gbɛ fia Yudea kɛ Samaria ni ɔmɛ a mi, ja bɔfo ɔmɛ kɛkɛ e piɛ.

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔkuhi a mi kɛ he wami ngua kɛ nyami.

Luka 21:27

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ hewami kɛ hɛ mi nyami babauu.

Luka 18:8

I ngɛ nyɛ dee ke, e ma fa a he oya. Se benɛ Nɔmlɔ Bi ɔ maa ba a, anɛ e ma ba na hemi kɛ yemi ngɛ zugba a nɔ lo?”

Yohane 7:1

Enɛ ɔ se ɔ, Yesu kpa si ngɛ Galilea, se e sume kaa e ya kpaa si ngɛ Yudea ejakaa Yudafo ɔmɛ ngɛ lɛ hlae nɛ a gbe.

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Mateo 24:30

Kɛkɛ ɔ, Nɔmlɔ Bi ɔ okadi ɔ maa je kpo ngɛ hiɔwe, nɛ lɔ ɔ lɛɛ zugba a nɔ wetso ɔmɛ tsuo maa wo ya, nɛ a maa na Nɔmlɔ Bi ɔ kaa we ma ngɛ hiɔwe bɔku ɔmɛ a nɔ kɛ he wami dɛ hɛ mi nyami babauu.

Ni Tsumi 17:14

Kɛkɛ nɛ amlɔ ɔ nyɛmimɛ ɔmɛ ya je Paulo blɔ nɛ e ya gu wo hɛ mi; se Sila kɛ Timoteo hi lejɛ ɔ.

Mateo 25:13

Lɔ ɔ he ɔ nyɛɛ huɔ, ejakaa nyɛ li jamɛ a ligbi ɔ loo ngmlɛfia a.”

Mateo 24:48

Se ke jamɛ a tsɔlɔ ɔ ji tsɔlɔ yayami ɔ, e ma de ngɛ e tsui mi ke: ‘Ye nyɔmtsɛ ɔ ngɛ e bami be ɔ tsɛe kɛ ngɛ toe;’

Mateo 24:27

Ejakaa bɔ nɛ slaba jee beleku ngaa kɛ yaa bonyoku ɔ ja nɔuu Nɔmlɔ Bi ɔ bami ɔ maa pee.

Mateo 23:34

Lɔ ɔ he ɔ, oʼɛ; imi i ngɛ gbali kɛ ni leli kɛ mlaa tsɔɔli tsɔe kɛ ba nyɛ ngɔ, nɛ nyɛ maa gbe a ti ni komɛ nɛ nyɛ maa sɛu ni komɛ, nɛ ni komɛ ɔ nyɛ maa fia mɛ kplibi ngɛ nyɛ kpe he ɔmɛ, nɛ nyɛ maa wa mɛ yi mi kɛ maa je ma mi kɛ maa ya ma mi.

Mateo 4:12

Benɛ Yesu nu kaa a nu Yohane ɔ, e pue nɔ kɛ ho Galilea ya;

Mateo 2:13

Nɛ benɛ a je se ɔ, oʼɛ, Nyɔmtsɛ ɔ Bɔfo je e he kpo tsɔɔ Yosef ngɛ nlami mi nɛ e ke: “Tee si, ngɔɔ bimwɔyo ɔ kɛ e nyɛ ɔ, nɛ o tu fo kɛ ya Mizraim, nɛ o hi lejɛ ɔ kɛ yaa su be nɛ ma de mo; se Herode ma hla bimwɔyo ɔ nɛ e gbe.”

Ni Tsumi 20:1

Se benɛ gidigidi peemi ɔ se po ɔ, Paulo tsɔ ya tsɛ kaseli ɔmɛ kɛ ba kpe, nɛ e tu munyu tsɔɔ mɛ nɛ e sɛ mɛ, nɛ e pue nɔ kɛ yaa Makedonia.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 23:36

Niinɛ, i ngɛ nyɛ dee ke: Enɛ ɔmɛ tsuo maa ba yi nɔ bi nɛ ɔmɛ a nɔ.”

Mateo 24:34

Niinɛ, i ngɛ nyɛ dee ke: Kikɛmɛ a yi nɔ nɛ ɔ be bee, ja ni nɛ ɔmɛ tsuo ba mi lolo.