Mateo 10:20 - Somi He Ɔ

²⁰ Ejakaa pi nyɛ ji ninɛmɛ nɛ ngɛ munyu ɔ tue ɔ, se mohu nyɛ tsɛ ɔ mumi ɔ lɛ ngɛ munyu tue ngɛ nyɛ mi.

BAIBLO ALOO NGMAMI KLƆUKLƆU Ɔ

²⁰ Ejakaa pi nyɛ nitsɛmɛ nɛ nyɛ maa tu munyu ɔ, se mohu nyɛ Tsɛ ɔ Mumi ɔ nɛ maa tu munyu kɛ gu nyɛ nɔ.

Mateo 10:20 ပူးပေါင်းရင်းမြစ်များ

Ni Tsumi 6:10

Se a nyɛ we ni lemi kɛ mumi nɛ e kɛ ngɛ munyu ɔ tue ɔ nya nɛ a da.

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

Luka 12:12

Ejakaa nɔ́ nɛ sa kaa nyɛ de ɔ. Mumi Klɔuklɔu ɔ maa tsɔɔ nyɛ ngɛ lɛ ngmlɛfia a nɔ nɔuu.”

2 Petro 1:21

Ejakaa gbami ko bɛ́ ngɛ nɔmlɔ suɔmi nya hyɛ, se mohu Mumi Klɔuklɔu ɔ lɛ kpleɔ Mawu nimli klɔuklɔu ɔmɛ a nɔ nɛ a tuɔ munyu.

Ni Tsumi 4:8

Kɛkɛ nɛ Petro nɛ Mumi Klɔuklɔu ɔ hyi lɛ tɔtɔɔtɔ ɔ, de mɛ ke: “Nyɛ ma mi ganɔ ɔmɛ kɛ Israel nikɔtɔmahi!

Ni Tsumi 2:4

Nɛ Mumi Klɔuklɔu ba hyi mɛ tsuo kulaa tɔtɔɔtɔ, nɛ a bɔni gbi slɔɔto slɔɔtohi tumi, kaa bɔ nɛ Mumi ɔ ngɔ wo a nya a.

2 Korintobi 13:3

akɛnɛ nyɛ ngɛ okadi ko hlae nɛ nyɛ kɛ na kaa Kristo lɛ ngɛ munyu tue ngɛ ye mi, nɔ nɛ gbɔle we ngɛ nyɛ mi, se mohu e he waa ngɛ nyɛ mi ɔ;

1 Petro 1:12

Nɛ Mawu je tsɔɔ gbali ɔmɛ ke, tsa pi mɛ nitsɛmɛ a he ʼi, se nyɛ mohu nyɛ he nɛ a sɔmɔ ngɛ kikɛmɛ a ni nɛ ɔmɛ a he, nihi nɛ jehanɛ nihi nɛ jaje sane kpakpa a tsɔɔ nyɛ ngɛ Mumi Klɔuklɔu nɛ a tsɔ kɛ je hiɔwe ɔ jaje tsɔɔ nyɛ ɔ. Ni nɛ ɔmɛ ji nihi nɛ hiɔwe bɔfohi tete hɛ jaa ngɛ he kaa a ko na mi.

Ni Tsumi 28:25

Nɛ akɛnɛ a nya ya pee we kake he je ɔ, a je benɛ Paulo tu nyagbe munyu kake nɛ ɔ: “Niinɛ nɛ Mumi Klɔuklɔu de ngɛ gbalɔ Yesaia nya tsɔɔ wa tsɛmɛ ɔmɛ ke:

Ni Tsumi 13:9

Nɛ Saulo, nɔ nɛ a tsɛɛ lɛ Paulo hulɔ, nɛ Mumi Klɔuklɔu hyi lɛ tɔtɔɔtɔ ɔ, hyɛ lɛ too,

Luka 11:13

Lɛɛ ke nyɛ nɛ nyɛ ji nimli yayamihi ɔ, nyɛ le bɔ nɛ nyɛ peɔ nɛ nyɛɛ kɛ nike ni kpakpahi kee nyɛ bimɛ ɔ, nyɛmɛ nɔuu nɛ nyɛ tsɛ nɛ ngɛ hiɔwe ɔ be Mumi Klɔuklɔu ɔ ngɔe ha nihi nɛ biɔ lɛ ɔ?”

Marko 12:36

Ejakaa David nitsɛ de ngɛ Mumi Klɔuklɔu ɔ nya ke: ‘Nyɔmtsɛ ɔ de ye Nyɔmtsɛ ɔ ke: Hii ye hiɛ ɔ nɔ, Kɛ yaa su be nɛ ma ngɔ o henyɛli ɔmɛ ngɔ pee o nane si sɛ.’

Mateo 6:32

(Ejakaa ni nɛ ɔmɛ tsuo a se majemajeli a bimɛ ɔmɛ dii.) Nyɛ tsɛ nɛ ngɛ hiɔwe ɔ le kaa ni nɛ ɔmɛ tsuo a he ngɛ nyɛ hiae.

1 Tesalonikabi 2:13

Enɛ ɔ he je nɛ wɔ hu wa naa Mawu si nɛ wa jɔɔ we ɔ nɛ, ejakaa benɛ nyɛ nine su Mawu munyu nɛ nyɛ nu ngɛ wa nya a nɔ ɔ, nyɛ pɛtɛ he kaa Mawu munyu, kaa bɔ nɛ e ngɛ hu niinɛ ɔ, se pi kaa nimli a munyu ko ʼi; se mohu e ji Mawu munyu nɛ tsuɔ he wami nihi ngɛ nyɛ nɛ nyɛ heɔ yeɔ ɔmɛ a kpɛti.