Mateo 10:16 - Somi He Ɔ

¹⁶ “Oʼɛ, i ngɛ nyɛ hsɔe kaa jijɔhi ngɛ ogbeteehi a kpɛti; lɔ ɔ he ɔ nyɛ hɛ mi nɛ tɛ kaa sinɔhi, nɛ nyɛɛ pee kpoo kaa okpohi.

BAIBLO ALOO NGMAMI KLƆUKLƆU Ɔ

¹⁶ “Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Mateo 10:16 ပူးပေါင်းရင်းမြစ်များ

Luka 10:3

Nyɛɛ ya! oʼɛ, i ngɛ nyɛ tsɔe kaa to bihi ngɛ ogbeteehi a kpɛti.

Filipibi 2:15

konɛ nyɛ he ko hi piami, nɛ nyɛɛ pee he tsɔli, Mawu bimɛ nɛ a he be piami ko ngɛ yi nɔ kpɛkpɛɛ nɛ be e jebo nɔ nɛ ɔ mi, nihi a kpɛti nɛ nyɛ tsoo kaa kane ngɛ je nɛ ɔ mi,

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

Kolosebi 4:5

Nyɛɛ nyɛɛ ngɛ ni lemi nya, ngɛ nihi nɛ ngɛ se ɔmɛ a hɛ mi, nɛ nyɛ tsu nyɛ deka a he ni.

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

Ni Tsumi 20:29

Ejakaa i le kaa ke i je ɔ, ogbetee ni hali maa sɛ nyɛ kpɛti, nɛ a be tohi a kuu ɔ yi baae.

2 Korintobi 11:3

Se i ngɛ gbeye yee kaa alinɔ, kaa bɔ nɛ sinɔ ɔ kɛ e kutupɔ ɔ mlɔɔ Hawa a, ja nɔuu a ma puɛ nyɛ hu nyɛ juɛmi kɛ je klɔu peemi nɛ nyɛ je tsɔɔ Kristo ɔ mi.

1 Tesalonikabi 5:22

Nyɛɛ sa nyɛ he kɛ je nɔ́ fɛɛ nɔ́ nɛ hɛɛ yayami su ɔ he.

2 Korintobi 11:14

Enɛ ɔ be nyakpɛ tete; ejakaa Satan nitsɛ tsakee e he peɔ la bɔfo.

1 Tesalonikabi 2:10

Nyɛ nitsɛmɛ kɛ Mawu ji odase yeli kaa wa je mi nɛ wa ba ngɛ nyɛ nihi nɛ nyɛ he yeɔ ɔmɛ a kpɛti ɔ ngɛ klɔuu, e da, nɛ piami ko be he.

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

2 Korintobi 8:20

ejakaa wa ngɛ hlae nɛ waa tsi enɛ ɔ nya nɛ nɔ ko nɛ ko tu wa he munyu yaya ngɛ kikɛmɛ a nike ni agbo nɛ wa ngɛ sɔmɔe ngɛ he nɛ ɔ he.

Mateo 24:25

Oʼɛ, i de nyɛ ngɔ to.

Mateo 24:45

“Lɛɛ mɛnɔ ji tsɔlɔ anɔkualetsɛ kɛ ni lelɔ mɔ nɛ e nyɔmtsɛ ngɔ lɛ ngɔ to e webi ɔmɛ a nya konɛ e ha mɛ a nya mi ngma ngɛ be nɛ sa mi ɔ?

Mateo 25:2

Se a kpɛti ni enuɔ ɔ kuasiahi ʼi, nɛ ni enuɔ ɔ lɛɛ ni leli ji mɛ.

Mateo 25:4

Se ni leli ɔmɛ hɛɛ nu kɛ tɔ ngɔ piɛ a kane ɔmɛ a he.

Mateo 25:9

Se ni leli ɔmɛ he nɔ nɛ a de mɛ ke: ‘Eko ɔ e ba be waa kɛ nyɛ tsuo sue; se mohu nyɛɛ ya nihi nɛ juaa amɛ a ngɔ nɛ nyɛ ya he eko ngɔ ha nyɛ he.’