Marko 9:47 - Somi He Ɔ

⁴⁷ Nɛ ke o hɛngmɛ ngɛ o nane kpatae ɔ, hia nɛ o sake ngɔ fɔ he; afani nɛ o kɛ hɛngmɛ kake sɛ Mawu matsɛ yemi ɔ mi pe nɛ o hɛɛ hɛngmɛ enyɔ nɛ a ma sake mo ngɔ fɔ gehena la a mi,

BAIBLO ALOO NGMAMI KLƆUKLƆU Ɔ

⁴⁷ Ke o hɛngmɛ kake haa nɛ o peeɔ yayami ɔ, hiaa nɛ o sake ngɔ fɔ he; afani nɛ o kɛ hɛngmɛ kake sɛ Mawu matsɛ yemi ɔ mi pe nɛ o hɛɛ hɛngmɛ enyɔ nɛ a ma sake mo ngɔ fɔ Abosiami a je la a mi.

Marko 9:47 ပူးပေါင်းရင်းမြစ်များ

Mateo 18:9

Nɛ ke o hɛngmɛ ngɛ o nane kpatae ɔ, hia nɛ o sake ngɔ fɔ he; afani nɛ o kɛ hɛngmɛ kake sɛ wami mi pe nɛ o ngɛ hɛngmɛ enyɔ nɛ a ma sake mo ngɔ fɔ gehena la a mi.”

Marko 9:43

Ke o nine ngɛ o nane kpatae ɔ, poo; afani nɛ o kɛ nine kake sɛ wami mi pe nɛ o kɛ nine enyɔ maa sɛ gehena (abosiami a je) ngɛ la nɛ gbo we ɔ mi, [

Mateo 5:22

Se i ngɛ nyɛ dee ke: nɔ tsuaa nɔ nɛ muklii mi fuɔ e nyɛmi (yaka a), a kɛ lɛ maa ba kojolɔ ɔ hɛ mi; nɛ nɔ tsuaa nɔ nɛ deɔ e nyɛmi ke: ‘Yaka nɔmlɔ’ ɔ, a kɛ lɛ maa ba gua ngua a hɛ mi; nɛ nɔ tsuaa nɔ nɛ tsɛɛ e nyɛmi ke kuasia nɛ he be senami ɔ, e maa ye abosiami a je la a mi yami fɔ?

Galatabi 4:15

Jehanɛ jije nyɛ bua jɔmi ɔ ngɛ? Ejakaa i ngɛ nyɛ he odase yee kaa, e maa hi jinɛ, nyɛ ko hia nyɛ hɛngmɛhi tete ha mi.

Luka 14:26

“Ke nɔ ko ma ye ngɔ nɛ e nyɛ́ e tsɛ kɛ e nyɛ kɛ e yo kɛ e bimɛ kɛ e nyɛmimɛ nyumuhi kɛ lɛ nitsɛ e klaa hu tete ɔ, e be nyɛe ye kaselɔ peemi.

Marko 9:46

he nɛ ‘a gɔgɔ ɔmɛ gbo we, nɛ a la a hu gbo we ngɛ’ ɔ.]

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.