Marko 9:25 - Somi He Ɔ

²⁵ Se benɛ Yesu na kaa asafo ɔ wo fo kɛ ma e ngɔ ɔ, e ke mumi ɔ yi nɛ e de lɛ ke: “Mo amuɛti kɛ tuekpoku mumi, i ngɛ mo fae ke: Jee e mi nɛ o ko sɛ e mi hu!”

BAIBLO ALOO NGMAMI KLƆUKLƆU Ɔ

²⁵ Benɛ Yesu na kaa nihi babauu sa fo kɛ ma e ngɔ ɔ, e ke mumi ɔ yi nɛ e de lɛ ke, “Mo amuɛti kɛ tue kpoku mumi, i ngɛ mo fae ke, jee e mi, nɛ o ko sɛ e mi hu!”

Marko 9:25 ပူးပေါင်းရင်းမြစ်များ

Ni Tsumi 16:18

Nɛ e pee ja ligbihi fuu. Se e dɔ Paulo wawɛɛ, nɛ e plɛ e he nɛ e de mumi ɔ ke: “I ngɛ mo fae ngɛ Yesu Kristo biɛ mi kaa o je e mi.” Nɛ e je kpo ngɛ jamɛ a ngmlɛfia a nɔ nɔuu.

Luka 9:42

Se benɛ jokuɛ ɔ ma a, mumi yayami ɔ po lɛ fɔ̃ si nɛ e ha e hua. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Marko 9:15

Amlɔ nɛ asafo ɔ tsuo na Yesu ɔ, e pee mɛ nyakpɛ, nɛ a sa fo kɛ ba e ngɔ ba fɔ lɛ.

Mateo 17:18

Nɛ Yesu nga e yi, nɛ mumi yayami ɔ je e mi kɛ je kpo, nɛ jokuɛ ɔ he wa lɛ ngɛ jamɛ a ngmlɛfia a nɔ nɔuu.

Yuda 1:9

Se bɔfo nɔkɔtɔma Mikael tete po, pee we enɛ. E kɛ abosiami pɛ nɛ e kɛ lɛ sa nya ngɛ Mose flu ɔ he. Mikael gbiɛ́ abosiami kɛ musu bɔmi munyu ko, se mohu e ke: “Nyɔmtsɛ ɔ nɛ kã o hɛ mi!”

Luka 11:14

Nɛ Yesu ngɛ mumi yayami ko nɛ ji amuɛti hiae, nɛ e ba mi kaa benɛ mumi yayami ɔ je kpo ɔ amuɛti ɔ tu munyu, nɛ ni ɔmɛ a nya kpɛ a he.

Luka 8:29

Ejakaa Yesu nga mumi yayami ɔ yi ke e je nyumu ɔ mi. E nuu lɛ kpitikpiti, nɛ a woɔ lɛ kɔsɔkɔsɔhi nɛ a kaa lɛ pã kɛ tsiɔ e nya, se etsɔɔ nihi nɛ a kɛ woɔ lɛ ɔmɛ a mi, nɛ mumi yayami ɔ kpakaa lɛ kɛ yaa nga a mi.

Luka 4:41

Mumi yayamihi hu je nihi fuu a mi nɛ a kpa ngmlaa ke: “Mo ji Mawu bi ɔ nɛ!” Nɛ e nga a yi nɛ e ngmɛ́ mɛ blɔ nɛ a de ke a le kaa lɛ ji Kristo ɔ.

Luka 4:35

Kɛkɛ nɛ Yesu nga e yi nɛ e ke: “Ma o nya nɛ o je e mi!” Mumi yayami ɔ sake lɛ ngɔ fɔ si ngɛ a hɛ mi, nɛ e je e mi, nɛ e yi lɛ awi ko,

Mateo 12:22

Kɛkɛ nɛ a kɛ nɔ ko nɛ mumi yayami ngɛ e mi nɛ ji hɛ yuyuilɔ kɛ amuɛti tsuo ɔ ba e ngɔ; nɛ e tsa lɛ, nɛ hɛ yuyuilɔ nɛ ji amuɛti hulɔ ɔ tu munyu nɛ e hyɛ nɔ.

Marko 9:24

Nɛ amlɔ ɔ jokuɛ ɔ tsɛ ɔ ke kɛ e hɛ mi vo nyu, nɛ e de ke: “I heɔ yeɔ; piɛ ye hemi kɛ yemi nɛ pi ɔ he!”

Marko 9:26

Nɛ mumi ɔ kpa ngmlaa nɛ e ha jokuɛ ɔ hua gɛgɛnii, nɛ e je e mi; nɛ jokuɛ ɔ plɛ kaa nɔ gbogboe bɔ nɛ nihi fuu de ke e gbo.