Marko 8:38 - Somi He Ɔ

³⁸ Nɔ tsuaa nɔ nɛ imi kɛ ye munyu ɔmɛ a he peɔ lɛ zo ngɛ yi nɔ bi gba puɛli kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e tsɛ nyami ɔ mi kɛ bɔfo klɔuklɔu ɔmɛ ɔ.

BAIBLO ALOO NGMAMI KLƆUKLƆU Ɔ

³⁸ Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Marko 8:38 ပူးပေါင်းရင်းမြစ်များ

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

1 Yohane 2:23

Nɔ tsuaa nɔ nɛ kuaa Bi ɔ, e kuaa Tsɛ ɔ hulɔ. Se nɔ nɛ heɔ Bi ɔ, e ngɛ Tsɛ ɔ hulɔ.

Yakobo 4:4

Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

Luka 9:26

Ejakaa nɔ tsuaa nɔ nɛ imi kɛ ye munyu ɔmɛ a he peɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitse e nyami ɔ kɛ e tsɛ nɔ ɔ kɛ bɔfo klɔuklɔu ɔmɛ a nɔ ɔ mi ɔ.

2 Timoteo 1:8

Lɔ ɔ he ɔ, zo ko pee mo ngɛ wa Nyɔmtsɛ ɔ he odase yemi ɔ he aloo ngɛ imi nɛ i ji e pa mi no ɔ he, se mohu o kɛ mi gbo dengme ngɛ sane kpakpa a he ngɛ Mawu he wami nya.

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Hebribi 11:26

E bu Kristo ahluabɔmi ɔ kaa ni babauu pe Mizraim juetli, ejakaa e ngɛ hiɔwo ɔ hyɛe.

Hebribi 11:16

Se jehanɛ, a ngɛ ma ko nɛ hi pe lɔ ɔ nɛ ji hiɔwe nɔ ɔ hlae. Lɔ ɔ he ɔ, e pee we Mawu zo kaa a ma tsɛ lɛ a Mawu, ejakaa e dla ma ngɔ to mɛ.

2 Timoteo 1:12

kɔlɔ ɔ nɔuu he nɛ i ngɛ nɛ ɔ nae nɔ nɛ. Se kɛ ɔ, e pee we mi zo, ejakaa i le nɔ nɛ i he ye ɔ, nɛ i ngɛ he wami ngɛ nɔ kaa e ma nyɛ nihi nɛ e to ha mi ɔmɛ a he maa bu kɛ ya si jamɛ a Ligbi ɔ nɔ.

Mateo 12:39

Se Yesu he nɔ nɛ e de mɛ ke: “Yi nɔ bi yayahi kɛ gba puɛli ngɛ okadi hlae; se a be mɛ okadi ko hae, kaa ja gbalɔ Yona okadi ɔ.

Yohane 1:51

Nɛ e de mɛ ke: “I ngɛ nyɛ dee anɔkuale mi ke: Kɛ je be nɛ ɔ nɔ ɔ, nyɛ maa na kaa hiɔwe nya bli nɛ Mawu bɔfo ɔmɛ ngɛ si kplee ngɛ Nɔmlɔ Bi ɔ nɔ.”

Mateo 25:31

“Se benɛ Nɔmlɔ Bi ɔ maa ba ngɛ e nyami ɔ mi, nɛ bɔfo ɔmɛ tsuo maa piɛ e he ɔ, lɛ be ɔ mi ɔ, e maa hi e nyami sɛ ɔ nɔ;

Mateo 24:30

Kɛkɛ ɔ, Nɔmlɔ Bi ɔ okadi ɔ maa je kpo ngɛ hiɔwe, nɛ lɔ ɔ lɛɛ zugba a nɔ wetso ɔmɛ tsuo maa wo ya, nɛ a maa na Nɔmlɔ Bi ɔ kaa we ma ngɛ hiɔwe bɔku ɔmɛ a nɔ kɛ he wami dɛ hɛ mi nyami babauu.

Luka 19:26

‘I ngɛ nyɛ dee ke, nɔ tsuaa nɔ nɛ ngɛ nɔ́ ko ɔ, lɛ nɔuu a ma ha; se nɔ nɛ be nɔ́ ko ɔ, nɔ́ nɛ e ngɛ ɔ tete a ma kpɔ ngɛ e dɛ.

Mateo 13:41

Nɔmlɔ Bi ɔ maa tsɔ e bɔfo ɔmɛ nɛ a ma bua nane kpatami nihi tsuo kɛ nihi nɛ tsuɔ mlaa kuami ni ɔmɛ a nya kɛ maa je e matsɛ yemi ɔ mi,

Hebribi 13:13

Lɔ ɔ he ɔ, jeha nɛ, nyɛ ha waa je kpo kɛ ya e ngɔ ngɛ sada a se nɛ wa ya tloo e ahlua bɔmi ɔ.

2 Timoteo 1:16

Nyɔmtsɛ ɔ nɛ na Onesiforo we ɔ mɔbɔ, ejakaa e baa kpitikpiti, ba haa mi tsui, nɛ zo pee we lɛ ngɛ ye tsu mi womi ɔ he;

Galatabi 6:14

Se imi lɛɛ e ya je ngɛ se lokoo kaa ma fia ngɔ fɔ nɔ́ ko nɔ kaa ja wa Nyɔmtsɛ Yesu Kristo sɛumi tso ɔ nɔ, kɔlɔ ɔ nɔuu nɔ a gu kɛ sɛu je ɔ ha mi, nɛ imi hu a sɛu mi ha je ɔ.

Ni Tsumi 5:41

Kɛkɛ nɛ a je gua ngua a hɛ mi kɛ ho kɛ bua jɔmi kaa e biɛ ɔ he ɔ, a bu mɛ nihi nɛ sa kaa a bɔ mɛ ahlua.

Yohane 12:34

Asafo ɔ he nɔ ke: “Wɔɔ lɛɛ wa nu ngɛ Mlaa a mi ke Kristo ɔ hii si kɛ yaa neneene; nɛ kɛ pee kɛɛ nɛ moo lɛɛ o deɔ ke: ‘Ja a wo Nɔmlɔ Bi ɔ nɔ ɔ?’ Mɛnɔ ji kikɛmɛ a Nɔmlɔ Bi nɛ ɔ?”

Yohane 5:27

Nɛ e ha lɛ he blɔ kaa e kojo hulɔ, ejakaa Nɔmlɔ Bi ji lɛ.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Marko 14:62

Nɛ Yesu ke: “Imi, nɛ nyɛ maa na Nɔmlɔ Bi ɔ kaa e hii si ngɛ Ope ɔ hiɛ ɔ nɔ nɛ e ma ngɛ hiɔwe bɔku ɔmɛ a mi.”

Mateo 16:4

Yi nɔ bimɛ yayamihi kɛ gba puɛli ngɛ okadi hlae, se a be mɛ okadi ko hae, ja gbalɔ Yona okadi ɔ.” Nɛ e si mɛ nɛ e pue nɔ kɛ ho.

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Mateo 16:28

Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Marko 8:37

Nɔ́ ko be nɛ nɔmlɔ ma ha kɛ kpɔ e wami.

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔkuhi a mi kɛ he wami ngua kɛ nyami.

Ni Tsumi 10:22

Nɛ a ke: “Asafoatsɛ Kornelio, nɛ ji nyumu dalɔ kɛ Mawu gbeye yelɔ nɛ Yudafohi a ma mluku ɔ kulaa tuɔ e he munyu kpakpa a, lɛ hiɔwe bɔfo klɔuklɔu ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya munyu tue.”

1 Tesalonikabi 2:19

Ejakaa mɛni ji wa hɛ kɛ nɔ fɔmi loo wa bua jɔmi loo wa fiami jlasi ngɛ wa Mawetsɛ Yesu Kristo hɛ mi ngɛ e bami be ɔ mi ɔ? Anɛ pi nyɛ nɔuu lo?

1 Tesalonikabi 3:13

benɛ pee nɛ e ha nyɛ tsui nɛ pi si ngɛ klɔuklɔu peemi mi nɛ piami ko ko hi nyɛ he, ngɛ Mawu kɛ wa Tsɛ ɔ hɛ mi, ngɛ wa Nyɔmtsɛ Yesu Kristo kɛ e ni klɔuklɔu ɔmɛ kulaa a bami be ɔ mi.

1 Yohane 2:28

Nɛ jehanɛ, bimɛ tsɔwi, nyɛɛ hi e mi, konɛ e puemi ɔ mi ɔ, wa na kã nɛ zo ko gbe wɔ ngɛ e hɛ mi ngɛ e bami ɔ mi.

Kpojemi 14:10

lɛ hu e maa nu Mawu cmi mi fumi da nɛ a tsa we mi nɛ ngɛ e mi mi fumi kplu ɔ mi ɔ eko, nɛ a ma pii lɛ ngɛ la gligliigli ɔ mi ngɛ hiɔwe bɔfo klɔuklɔu ɔmɛ a hɛ mi kɛ Tobi ɔ hɛ mi.