Marko 7:5 - Somi He Ɔ

⁵ Lɔ ɔ he ɔ Farisifo ɔmɛ kɛ mlaa tsɔɔli ɔmɛ bi Yesu ke: “Mɛni he je nɛ o kaseli ɔmɛ yi nikɔtɔma amɛ a blema tsɔɔmi ɔmɛ anɔ nɛ a kɛ dɛ nɛ a fɔ we yeɔ ni ɔ?”

BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, Farisi bi ɔmɛ, kɛ mlaa tsɔɔli ɔmɛ bi Yesu ke, “Mɛni he je nɛ o kaseli ɔmɛ yi wa nɛmɛ ɔmɛ a blema tsɔɔmi ɔmɛ a nɔ, nɛ a ngɔɔ a dɛ nɛ sɛ mu kɛ yeɔ ní ɔ?”

Marko 7:5 ပူးပေါင်းရင်းမြစ်များ

2 Tesalonikabi 3:6

Se, mamimɛ, wa ngɛ nyɛ fae ngɛ wa Mawetsɛ Yesu Kristo biɛ mi kaa nyɛɛ kɛ nyɛmi tsuaa nyɛmi nɛ tsu we ni nɛ nyɛɛ we ngɛ nihi nɛ wa tu ngɔ wo nyɛ dɛ mi ɔ nya a ko bɔ.

Ni Tsumi 21:21

Se a ba sɛɛ o he sane ha mɛ kaa o tsɔɔ Yudafohi nɛ ngɛ majemajeli ɔmɛ a kpɛti ɔ ke a kua Mose, nɛ o deɔ ke a ko po a bimɛ, nɛ jeha nɛ ɔ hu a ko nyɛɛ a kusumi nɛ ɔmɛ a se.

Galatabi 1:14

nɛ i pã wa juahi fuu ngɛ Yudafohi a jami ɔ mi ngɛ ye wɛli a kpɛti, nɛ ye hɛ dɔ wawɛɛ ngɛ wa tsɛmɛ a blema sanehi nɛ a kɛ ha wɔ ɔmɛ a he.

Ni Tsumi 21:24

Ngɔɔ mɛ nɛ o kɛ mɛ tsuo ya tsukɔ nyɛ he, nɛ o wo nɔ́ nɛ a haa a ngɔ ha mɛ, konɛ a sɛ a yi nɛ ni ɔmɛ kulaa nɛ na kaa, nihi nɛ a ba sɛɛ ngɛ o he ɔ be mi, se mohu mo nitsɛ po o baa o je mi ngɛ Mlaa a nya, nɛ o yeɔ nɔ.

Mateo 15:2

“Mɛni he je nɛ o kaseli ɔmɛ tɔɔ nikɔtɔmɛ amɛ a kɔ ɔmɛ a nɔ ɔ? Ejakaa a fɔ we a dɛ loko a yeɔ ni.”

Romabi 4:12

nɛ jeha nɛ e pee ninɛmɛ nɛ a po mɛ ɔ a tsɛ hulɔ kɛ ha nihi nɛ a pui mɛ se mohu a ngɔ wa tsɛ Abraham nane ngɛ hemi kɛ yemi nɛ e ngɛ be mi nɛ e ji mɔmlɔtɔtsɛ lokoo ɔ.

2 Tesalonikabi 3:11

Ejakaa wa nuɔ kaa ni komɛ ngɛ nyɛ kpɛti nɛ peɔ hejɔ nɛ a tsu we ni se mohu a ngɔɔ a nya ngɔ woɔ nihi a sanehi a mi.

Marko 7:8

“Mawu kita a lɛɛ nyɛ je he, nɛ nimli a blema tsɔɔmi ɔmɛ a nɔ nyɛ yeɔ.”

Marko 7:9

Nɛ e de mɛ ke: “Nyɛ pee saminya kaa nyɛ kua Mawu kita a konɛ nyɛɛ ye nyɛ blema tsɔɔmi ɔ nɔ.

Marko 7:13

nɛ nyɛɛ kɛ nyɛ blema tsɔɔmi ɔmɛ nɛ nyɛ tsɔɔ ɔ gu Mawu munyu ɔ. Nɛ nihi nɛ ngɛ kaa enɛ ɔmɛ fuu nyɛ peɔ.”