Marko 6:6 - Somi He Ɔ

⁶ E hɛ mi pee lɛ yaa ngɛ hemi nɛ a he we yi ɔ he.

BAIBLO ALOO NGMAMI KLƆUKLƆU Ɔ

⁶ Ni ɔmɛ he we lɛ yi, nɛ enɛ ɔ pee lɛ nyakpɛ.

Marko 6:6 ပူးပေါင်းရင်းမြစ်များ

Mateo 9:35

Nɛ Yesu kpa ma amɛ kɛ kɔpe ɔmɛ tsuo a nɔ nɛ e tsɔɔ ni ngɛ a kpe he ɔmɛ nɛ e fiɛɔ matsɛ yemi ɔ he sane kpakpa a, nɛ e tsaa hiɔ tsuaa hiɔ kɛ dengme tsuaa dengme.

Mateo 8:10

Se benɛ Yesu nu enɛ ɔ ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke: “Niinɛ, i ngɛ nyɛ dee ke: Israel mi tete i nɛ hemi kɛ yemi nɛ kle kaa enɛ ɔ lolo!

Luka 13:22

Nɛ Yesu ya kpa mahi kɛ kɔpehi a mi tsɔɔ ni, nɛ e po mi kɛ yaa Yerusalem.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Yohane 9:30

Nyumu ɔ he nɔ nɛ e de mɛ ke: “Ei, enɛ ɔ ji nɔ́ nɛ ngɛ nyakpɛ ɔ nɛ, kaa nyɛ li he nɛ e je, nɛ kɛ̃ ɔ e bli ye hɛngmɛ!

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Luka 4:44

Lɔ ɔ he ɔ, e tsa e fiɛmi ɔ nɔ ngɛ Yudea kpe he ɔmɛ.

Luka 4:31

Nɛ Yesu ba Kapernaum, ma ko nɛ ngɛ Galilea a mi nɛ e tsɔɔ mɛ ni ngɛ Hejɔɔmi Ligbi ɔmɛ a nɔ.

Marko 1:39

Lɔ ɔ he ɔ, a ya kpa Galilea tsuo, nɛ e fiɛ ngɛ a kpe he ɔmɛ nɛ e hia mumi yayamihi hulɔ.

Marko 10:1

Kɛkɛ nɛ Yesu si lejɛ ɔ nɛ e pue nɔ kɛ ho Yudea ni ɔmɛ a mi kɛ Yordan se blɔ ya. Nihi fuu ba ba bua a he nya ekohu ngɛ e he, nɛ e tsɔɔ mɛ ni ekohu kaa bɔ nɛ e pɔɔ peemi ɔ.