Marko 6:56 - Somi He Ɔ

⁵⁶ Nɛ he tsuaa he nɛ Yesu ya ngɛ kpe hehi loo mahi loo ngmɔ ɔmɛ a si ɔ, a kɛ hiɔtsɛmɛ ɔmɛ ba pueɔ blohu ɔmɛ a mi, nɛ a kpaa lɛ pɛɛ konɛ e ha a na e tade ɔ nya kɛkɛ he nɛ a ta. Nɛ nihi abɔ nɛ ta he ɔ he wa mɛ.

BAIBLO ALOO NGMAMI KLƆUKLƆU Ɔ

⁵⁶ He tsuaa he nɛ Yesu ya a, kɔpe mi jio, ma mi jio, ngmɔ si jio, a kɛ hiɔtsɛmɛ ba pueɔ ma nɔ, nɛ a kpaa lɛ pɛɛ konɛ e ha nɛ a ta e tade ɔ nya kɛkɛ he; nɛ nihi abɔ nɛ ta he ɔ na he wami.

Marko 6:56 ပူးပေါင်းရင်းမြစ်များ

Mateo 9:20

Nɛ oʼɛ, yo ko nɛ ngɛ muɔdɛmi hiɔ nue jeha nyɔngma kɛ enyɔ ɔ ba je e se je nɛ e ta e tade ɔ nya a he.

Luka 6:19

Nɛ asafo mluku ɔ tsuo ngɛ hlae nɛ a ta e he, ejakaa hewami ngɛ e mi jee kɛ ngɛ mɛ tsuo tsae.

Marko 3:10

E tsa nihi fuu he je ɔ nihi nɛ hiɔhi hɛɛ mɛ tsuo bu kɛ ba e ngɔ kone a ba ta e he.

Ni Tsumi 5:15

hluu tete po nɛ a woɔ hiɔtsɛmɛ kɛ baa blɔ ɔmɛ a he ba pueɔ sahi kɛ sa tsohi a nɔ, konɛ ke Petro bee ɔ, e nini kɛkɛ nɛ pue a ti ni kome a nɔ.

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Ni Tsumi 4:9

Ke a kɛ wɔ ngɛ munyu yee mwɔnɛ ligbi nɛ ɔ ngɛ kpakpa nɛ a pee kikɛmɛ a hiɔtsɛ nɛ ɔ he kaa mɛnɔ nɔ a gu kɛ tsa lɛ ɔ,

Luka 22:51

Nɛ Yesu he nɔ nɛ e ke: “Enɛ ɔ hiɛ.” Nɛ e ta e tue ɔ he nɛ e tsa lɛ.

Luka 8:44

ba je Yesu se je nɛ e ta e tade nya fiami ɔ he, nɛ amlɔ ɔ e muɔ dɛmi ɔ se po.

Mateo 14:36

nɛ a ba kpa lɛ pɛɛ wawɛɛ kaa e ha a na e tade ɔ nya a he kɛkɛ nɛ a ta: nɛ nihi abɔ nɛ ta he ɔ tsuo he wa mɛ kulaa.

Marko 6:55

nɛ a tu fo kɛ ya kpa lejɛ ɔ kpo ɔmɛ tsuo a nɔ, nɛ a bɔni hiɔtsɛmɛ womi ngɛ sahi a nɔ kɛ e ngɔ bami ngɛ he tsuaa he nɛ a nu kaa e ngɛ ɔ.