Marko 6:2 - Somi He Ɔ

² Nɛ benɛ e su Hejɔɔmi Ligbi ɔ, e bɔni ni tsɔɔmi ngɛ kpe he ɔ; nɛ nihi fuu nɛ nu ɔ he nya si mɛ nɛ a bi ke: “Jije nɔ nɛ ɔ ya na ni nɛ ɔmɛ kɛ je? Mɛni ni lemi a kɛ ha lɛ, nɛ mɛni blɔ nɔ e guu kɛ tsuɔ kikɛmɛ a nyakpɛ ni tsumi nɛ ɔmɛ?

BAIBLO ALOO NGMAMI KLƆUKLƆU Ɔ

² Hejɔɔmi ligbi ɔ, e ya tsɔɔ ní ngɛ kpe he ɔ. Nihi fuu nɛ bu lɛ tue ɔ, a he mi po, nɛ a bi ke, “Jije nɔmlɔ nɛ ɔ ya ná nile nɛ ɔ ngɛ? Mɛni nile a kɛ ha lɛ nɛ ɔ? Mɛni blɔ nɔ e guɔ kɛ tsuɔ kikɛmɛ a nyakpɛ ní nɛ ɔmɛ?

Marko 6:2 ပူးပေါင်းရင်းမြစ်များ

Yohane 6:42

nɛ a ke: “Anɛ pi Yosef bi Yesu ɔ nɛ wa le e tsɛ kɛ e nyɛ ɔ ji nɛ ɔ lo? Kɛ pee kɛɛ mɔ nɛ e deɔ ke: ‘I je hiɔwe’ ɔ?”

Yohane 7:15

Nɛ Yudafo ɔmɛ a nyɛ kpɛ a he nɛ a de ke: “Kɛ nɔ nɛ ɔ nɛ kase we ni ɔ pee kɛɛ nɛ e le womihi a mi nihi nɛ ɔ?”

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Mateo 7:28

Nɛ e ba mi kaa benɛ Yesu gbe munyu nɛ ɔmɛ a nya a, ni ɔmɛ a he nya si mɛ ngɛ e ni tsɔɔmi ɔ he;

Luka 4:15

E tsɔɔ ni ngɛ a kpe he ɔmɛ, nɛ ni ɔmɛ tsuo je e yi.

Marko 1:39

Lɔ ɔ he ɔ, a ya kpa Galilea tsuo, nɛ e fiɛ ngɛ a kpe he ɔmɛ nɛ e hia mumi yayamihi hulɔ.

Marko 10:1

Kɛkɛ nɛ Yesu si lejɛ ɔ nɛ e pue nɔ kɛ ho Yudea ni ɔmɛ a mi kɛ Yordan se blɔ ya. Nihi fuu ba ba bua a he nya ekohu ngɛ e he, nɛ e tsɔɔ mɛ ni ekohu kaa bɔ nɛ e pɔɔ peemi ɔ.

Luka 2:47

Nɛ nihi tsuo nɛ ngɛ lɛ tue bue ɔ nya kpɛ a he ngɛ e ni lemi kɛ e heto nɛ e ngɛ hae ɔmɛ a he.