Marko 6:12 - Somi He Ɔ

¹² Nɛ lɔ ɔ he ɔ a pue nɔ kɛ ho, nɛ a ya fiɛ tsɔɔ ni ɔmɛ ke a kpale kɛ je a he yayami ɔmɛ a he.

BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, a pue nɔ kɛ ho, nɛ a ya fiɛ tsɔɔ ni ɔmɛ ke a tsake a tsui.

Marko 6:12 ပူးပေါင်းရင်းမြစ်များ

Mateo 4:17

Kɛ je jamɛ a ligbi ɔ, Yesu bɔni fiɛmi nɛ e ke: “Nyɛɛ kpale kɛ je nyɛ blɔ yaya amɛ a nɔ. Nyɛ tsake nyɛ tsui, se hiɔwe matsɛ yemi ɔ su si haa.”

Ni Tsumi 20:21

nɛ i ye tsui tsakemi kɛ Mawu hami kɛ wa Nyɔmtsɛ Yesu Kristo nɔ hemi kɛ yemi ɔ he odase ngɔ tsɔɔ Yudafohi kɛ Helabihi kulaa.

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Luka 13:3

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata ja kɛ̃.

Luka 11:32

Ninivebi ɔmɛ kɛ kikɛmɛ a yi nɔ bi nɛ ɔmɛ maa te si ngɛ kojomi ɔ mi nɛ a maa bu mɛ fɔ, ejakaa a tsake a tsui ngɛ Yona fiɛmi ɔ nya; nɛ oʼɛ, nɔ́ nɛ pe Yona fiɛmi ɔ ngɛ hiɛ ɔ!”

Mateo 3:8

Ke nyɛ tsake nyɛ tsui ɔ lɛɛ nyɛɛ wo yiblii nɛ sa tsui tsakemi mɔ!

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

Ni Tsumi 26:20

se mohu i jaje ngɔ tsɔɔni hi nɛ ngɛ Damasko ɔ kekle, kɛ nihi nɛ ngɛ Yerusalem kɛ Yudea zugba a nɔ kulaa, kɛ majeli ɔmɛ hulɔ, ke a tsake a tsui nɛ a kpale kɛ ba Mawu ngɔ nɛ a tsu nihi nɛ sa tsui tsakemi.

Ni Tsumi 3:19

Lɔ ɔ he ɔ, nyɛ tsake nyɛ tsui nɛ nyɛɛ kpale nyɛ se, kone a gbe nyɛ he yayami ɔmɛ,

Luka 24:47

nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

Luka 15:10

Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”

Luka 15:7

I ngɛ nyɛ dee ke, ja nɔuu buajɔmi maa ba hiɔwe ngɛ yayami peelɔ kake nɛ tsakee e tsui ɔ he pe dali nyingmi nɛɛ kɛ nɛɛ nɛ tsui tsakemi he hia we mɛ ɔ.”

Luka 13:5

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata jã kɛ.”

Marko 1:15

E ke: “Be ɔ su; Mawu matsɛ yemi ɔ na nyɛ haa! Nyɛɛ kpale kɛ je nyɛ he yayami ɔmɛ a he nɛ nyɛ he sane kpakpa a ye.”

Mateo 11:20

Kɛkɛ nɛ e bɔni mahi, hehi nɛ e tsu e he wami ni tsumihi babauu titli ngɛ ɔ a hɛ mi kami akɛnɛ a tsakee we a tsui ɔ, nɛ e ke:

Mateo 9:13

Nyɛɛ ya nɛ nyɛ ya kase enɛ ɔ sisi: ‘Mɔbɔ nami i ngɛ hlae, se pi bɔ sami!’ Ejakaa i bɛ dali a tsemi, se mohu yayami peeli nɛ a tsake a tsui.”

Luka 9:6

Nɛ kaseli ɔmɛ pue nɔ kɛ ho nɛ a ya kpa ma amɛ a mi ya fiɛ Sane Kpakpa a nɛ a tsa nihi ngɛ he tsuaa he.

Marko 1:3

Nɔ ko ngɛ ngmlaa kpae boboobo ngɛ nga a nɔ ke: ‘Nyɛ dla Nyɔmtsɛ ɔ blɔ ɔ. Nyɛ ha e blɔ ɔ nɛ da tlɔmɔɔ.’ ”

Mateo 11:1

Nɛ e ba mi kaa, benɛ Yesu to e kaseli nyɔngma kɛ enyɔ ɔ blɔ nya ta a, e je lejɛ ɔ nɛ e ya tsɔɔ ni nɛ e fiɛ ngɛ a ma amɛ a mi.