Marko 5:43 - Somi He Ɔ

⁴³ Se Yesu wo mɛ si veveeve ke a ko ha nɔ ko nɛ le enɔ; nɛ e fã ke a ha jokuɛ ɔ nɔ ko nɛ e ye.

BAIBLO ALOO NGMAMI KLƆUKLƆU Ɔ

⁴³ Se Yesu wo mɛ si veveeve ke a ko ha nɔ ko nɔ ko nɛ le nɔ nɛ ba a. Kɛkɛ nɛ e fa ke a ha lɛ nɔ́ ko nɛ e ye.

Marko 5:43 ပူးပေါင်းရင်းမြစ်များ

Mateo 8:4

Nɛ Yesu de lɛ ke: “Hyɛ nɛ o ko de nɔ ko; se mohu yaa nɛ o kɛ o he ya tsɔɔ osɔfo ɔ, nɛ o ha ke ni nɛ Mose to ɔ kɛ ye odase.”

Marko 7:36

Nɛ Yesu wo mɛ si veveeve ke a ko de nɔ ko; se si abɔ nɛ e ngɛ mɛ si woe ɔ, si abɔ nɛ a ngɛ jajee ji kɔlɔ ɔ nɛ.

Marko 1:43

Keke nɛ Yesu wo lɛ blɔ oya nɛ e bɔ lɛ kɔkɔ ke:

Mateo 9:30

nɛ a hɛngmɛ ɔmɛ bli. Nɛ Yesu bɔ mɛ kɔkɔ ke: “Nyɛɛ hyɛ nɛ nɔ ko ko le enɛ ɔ!”

Yohane 5:41

“I hla we nimli a hɛ mi nyami.

Luka 8:56

E fɔli ɔmɛ a nya kpɛ a he; se Yesu wo mɛ si veveeve ke a ko sɛɛ nɔ́ nɛ a pee ɔ ngɔ ha nɔ ko.

Luka 5:14

Nɛ Yesu bɔ lɛ kɔkɔ ke: “Ko de nɔ ko, se mohu yaa nɛ o kɛ o he ya tsɔɔ osɔfo ɔ nɛ o sa bɔ ngɛ o he tsɔmi ɔ he kaa bɔ nɛ Mose wo kita a, konɛ e pee odase ngɔ ha ni ɔmɛ.’

Marko 3:12

Nɛ Yesu bɔɔ mɛ kɔkɔ ke a ko je lɛ si.

Mateo 17:9

Nɛ benɛ a ngɛ yoku ɔ kplee ɔ Yesu wo mɛ si veveeve ke: “Nyɛ ko sɛɛ ni nami nɛ ɔ ha nɔ ko, ja Nɔmlɔ Bi ɔ te si kɛ je gbeje lolo.”

Ni Tsumi 10:41

tsa pi ma mluku ɔ tsuo, se mohu odase yeli nɛ Mawu hla ngɔ to momo ɔ, nɛ ji wɔ nihi nɛ waa kɛ lɛ ye ni nɛ waa kɛ lɛ nu, benɛ e te si kɛ je gbeje ɔ se ɔ.

Luka 24:30

Nɛ e ba mi kaa benɛ e kɛ mɛ hii si ngɛ niyeni ɔ he ɔ, e kɛ̃ abolo nɛ e gbaa nɔ, nɛ e kuɔ mi nɛ e ngɔ ha mɛ;

Marko 5:42

Nɛ amlɔ ɔ, jokuɛ ɔ te si nɛ e bɔni si slami; (e ye jeha nyɔngma kɛ enyɔ.) Nɛ ni ɔmɛ a nya kpɛ a he nitsɛnitsɛ.

Marko 9:9

Nɛ benɛ a ngɛ yoku ɔ kplee ɔ, Yesu wo mɛ si veveeve ke: “Nyɛ ko sɛɛ nihi nɛ nyɛ na a ngɔ ha nɔ ko, ja Nɔmlɔ Bi ɔ te si kɛ je gbeje lolo.”