Marko 5:42 - Somi He Ɔ

⁴² Nɛ amlɔ ɔ, jokuɛ ɔ te si nɛ e bɔni si slami; (e ye jeha nyɔngma kɛ enyɔ.) Nɛ ni ɔmɛ a nya kpɛ a he nitsɛnitsɛ.

BAIBLO ALOO NGMAMI KLƆUKLƆU Ɔ

⁴² Amlɔ ɔ, jokuɛ yo ɔ te si nɛ e bɔni nyɛɛmi. (E ye jeha nyɔngma kɛ enyɔ.) Ni ɔmɛ a nya kpɛ a he nitsɛnitsɛ ngɛ nɔ nɛ ba nɛ ɔ he.

Marko 5:42 ပူးပေါင်းရင်းမြစ်များ

Marko 7:37

Nɛ a nya kpɛ a he nitsɛ nitsɛ nɛ a de ke: “E pee nihi kulaa saminya! E ha tuekpokuli nuɔ nɔ, nɛ amuɛtihi hu tuɔ munyu.”

Marko 6:51

Nɛ e ba a ngɔ ngɛ lɛ ɔ mi, nɛ kɔɔhiɔ ɔ jɔɔ fiami. Nɛ a nya kpɛ a he nitsɛnitsɛ, nɛ a hɛ mi pee mɛ yaa.

Marko 4:41

A ye gbeye nitsɛ, nɛ a de a he ke: “Mɛnɔ po ji nɛ ɔ, nɛ kɔɔhiɔ kɛ wo tete buɔ lɛ tue nɛ ɔ!

Marko 1:27

Ni ɔmɛ tsuo pɛpɛɛpɛ nɛ ngɛ kpe he ɔ he nya si mɛ nɛ a bɔni a he bimi ke: “Mɛni ji nɛ ɔ? Oʼɛ tsɔɔmi he ko nɛ hewami ngɛ mi! Nɔmlɔ nɛ ɔ ngɛ he blɔ nɛ e kɛ keɔ mumi yayamihi a yi nɛ a buɔ lɛ tue!”

Marko 5:41

E nu e nine si nɛ e de lɛ ke: “Talita kuum!” E sisi ji; “Jokuɛyo, i ngɛ mo dee ke: Tee si!”

Marko 5:43

Se Yesu wo mɛ si veveeve ke a ko ha nɔ ko nɛ le enɔ; nɛ e fã ke a ha jokuɛ ɔ nɔ ko nɛ e ye.