Marko 4:6 - Somi He Ɔ

⁶ Se benɛ pu je ɔ, e sa mɛ, nɛ akɛnɛ a sipoku ɔmɛ yɛ́ zu mi fuu tsɔ he je ɔ a ngla.

BAIBLO ALOO NGMAMI KLƆUKLƆU Ɔ

⁶ Se benɛ pu je ɔ, e sã mɛ nɛ a ngla, ejakaa a be sipoku nɛ ya zu mi bɔ nɛ sa.

Marko 4:6 ပူးပေါင်းရင်းမြစ်များ

Yakobo 1:11

Ejakaa pu tee si nɛ e tsoo nɛ e gbliɔ nga a, nɛ e mɔmɔ ɔmɛ wɔleɔ pueɔ si nɛ e fɛu ɔ puɛɔ. Ja nɔuu niatsɛ hu hɛ mi ma kpata ngɛ e blɔ ɔmɛ a nɔ.

Kpojemi 7:16

Hwɔ be mɛ yee hu, nɛ kuma hu be mɛ tɔe hu, nɛ jeha nɛ hu, pu loo latsa ko be a he sae hu;

Yuda 1:12

Ni nɛ ɔmɛ ji nihi nɛ woɔ nyɛ suɔmi niye ni ɔ he mu, ejakaa a kɛ nyɛ yeɔ ni nɛ zo pee we mɛ; a lɛɛ mɛ nitsɛmɛ a he. A ngɛ kaa bɔku nɛ nyu be mi nɛ kɔɔhiɔ kpakaa kɛ bɔleɔ si, tsohi nɛ a yi ba amɛ wɔle nɛ a wui yiblii; a gbo si enyɔ nɛ a hia mɛ kɛ a sipokuhi.

2 Tesalonikabi 2:10

kɛ nihi nɛ dɛ blɔ kulaa nɛ a kɛ mlɔɔ nihi nɛ laa amɛ, ejakaa a pɛtɛ we anɔkuale suɔmi ɔ he konɛ a kɛ he a yi wami.

Kolosebi 2:7

nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Mateo 13:6

se benɛ pu te si ɔ, a sã, nɛ akɛnɛ a be poku ko he je ɔ a ngla.

Marko 4:5

Ekomɛ ya pue tɛ sahi a nɔ he nɛ zu fuu be. A puɛ oya, ejakaa zu ɔ mi kuɔ we.

Marko 4:7

Wu ɔmɛ ekomɛ ya pue miohi a kpɛti, nɛ mio ɔmɛ puɛ, nɛ nɛ a ngɛ wae ɔ, a gbe tso ɔmɛ nɛ a wui yibilii.