Marko 4:39 - Somi He Ɔ

³⁹ Yesu te si nɛ e nga kɔɔhiɔ ɔ yi, nɛ e de wo ɔ ke: “Ma o nya nɛ o pee kɔ dii!” Kɔɔhiɔ ɔ jɔɔ fiami nɛ wo ɔ gbo miaa.

BAIBLO ALOO NGMAMI KLƆUKLƆU Ɔ

³⁹ Yesu te si, nɛ e nga kɔɔhiɔ ɔ yi, nɛ e de wo ɔ ke, “Ngmɛɛ dii!” Kɔɔhiɔ ɔ jɔɔ fiami, nɛ wo ɔ ngmɛ dii.

Marko 4:39 ပူးပေါင်းရင်းမြစ်များ

Marko 9:25

Se benɛ Yesu na kaa asafo ɔ wo fo kɛ ma e ngɔ ɔ, e ke mumi ɔ yi nɛ e de lɛ ke: “Mo amuɛti kɛ tuekpoku mumi, i ngɛ mo fae ke: Jee e mi nɛ o ko sɛ e mi hu!”

Luka 4:39

Yesu hɛ lɛ su hiɔtsɛ ɔ he nɛ e nga asla a yi, nɛ asla a po ngɛ e nɔ, nɛ amlɔ ɔ e te si nɛ e sɔmɔ mɛ.

Mateo 8:26

Nɛ e de mɛ ke: “Mɛni he je nyɛ ngɛ gbeye yee kikɛ, nyɛ nɛ nyɛ hemi kɛ yemi pi?” Kɛkɛ nɛ e te se nɛ e ke kɔɔhiɔ ɔ kɛ wo ɔ yi nɛ a ngmɛ dii.

Marko 4:38

Nɛ Yesu ngɛ lɛ ɔ se je: e tsɔ sɔne nɛ e hwuɔ mahɛ. Nɛ kaseli ɔmɛ tsɛ̃ɛ lɛ nɛ a de lɛ ke: “Tsɔɔlɔ, nɛ wa hɛ mi ngɛ kpatae nɛ ɔ, pi o he sane ko lo?”

Luka 4:35

Kɛkɛ nɛ Yesu nga e yi nɛ e ke: “Ma o nya nɛ o je e mi!” Mumi yayami ɔ sake lɛ ngɔ fɔ si ngɛ a hɛ mi, nɛ e je e mi, nɛ e yi lɛ awi ko,

Luka 8:24

Nɛ kaseli ɔmɛ ba Yesu ngɔ ba tsɛ̃ɛ lɛ nɛ a ke: “Nyɔmtsɛ, Nyɔmtsɛ, wa yi tã tã.” Se nɛ e hɛ tsɛ ɔ, e nga kɔɔhiɔ kɛ wo nɛ gli ɔ yi, nɛ a he jɔ, nɛ a ngmɛ.