Marko 4:16 - Somi He Ɔ

¹⁶ Ni komɛ hu ngɛ kaa wuhi nɛ ya nɔ tɛ sa zugba nɔ ɔ. Amlɔ nɔuu nɛ a nu munyu ɔ, a pɛtɛɛ he kɛ bua jɔmi.

BAIBLO ALOO NGMAMI KLƆUKLƆU Ɔ

¹⁶ Ni komɛ hu ngɛ kaa wu nɛ ya nɔ tɛ sa zugba mi. Ke a nu munyu ɔ, a heɔ lɛ nɔuu kɛ bua jɔmi.

Marko 4:16 ပူးပေါင်းရင်းမြစ်များ

Luka 8:13

Nihi nɛ ya nɔ tɛ sa nɔ ɔ ji nihi nɛ benɛ a nu ɔ, a heɔ munyu ɔ kɛ buajɔmi, se akɛnɛ a be sipoku he je ɔ a heɔ yeɔ be kpiti kɛkɛ, nɛ ka be mi ɔ a kuaa a hemi kɛ yemi ɔ.

Marko 6:20

ejakaa Herode ngɛ Yohane gbeye yee akɛnɛ e le kaa dalɔ kɛ nɔ klɔuklɔu ji lɛ ɔ, nɛ e ngɔ lɛ ngɔ to sɔkee. E suɔ kaa e bu lɛ tue, se be tsuaa be nɛ e maa bu lɛ tue ɔ, e haoɔ lɛ.

Yohane 5:35

Yohane ji kane nɛ ngɛ tsoe nɛ ngɛ kpee ɔ nɛ, se nyɛɛ lɛɛ, nyɛ suɔ kaa nyɛ bua nɛ jɔ be kpiti kɛkɛ ngɛ e la a mi.

Ni Tsumi 8:13

Kɛkɛ nɛ Simon nitse hu he ye, nɛ a baptisi lɛ, nɛ e kɛ Filipo bɔni nyɛɛmi, nɛ benɛ e na okadihi kɛ he wami ni tsumi nguahi nɛ a pee ɔ, e nya kpɛ e he.

Ni Tsumi 26:28

Agripa de Paulo ke: “Piɛ bɔɔ nɛ o ko ha ye yi mi plɛ nɛ i pee Kristofono.”

Mateo 13:5

Nɛ ekomɛ hu ya pue tɛ sahi a nɔ he nɛ a nɛ́ zu fuu ngɛ; nɛ amlɔ ɔ, akɛnɛ a nɛ́ zu nɛ mi kuɔ he je ɔ, a puɛ mla,

Marko 4:15

Be komɛ ɔ, munyu ɔ ya nɔɔ blɔ tue. Ni nɛ ɔmɛ nuɔ, se amlɔ nɔuu nɛ a nu ɔ, Satan baa ba saa munyu nɛ a du ngɛ a mi ɔ.

Marko 4:17

Se e nui si ngɛ a mi, lɔ ɔ he ɔ a se kɛ we; lɔ ɔ he ɔ ke amanehlu loo yi wami te si ngɛ munyu ɔ he ɔ, amlɔ nɔuu nɛ a ngmɛɛ he.