Marko 4:15 - Somi He Ɔ

¹⁵ Be komɛ ɔ, munyu ɔ ya nɔɔ blɔ tue. Ni nɛ ɔmɛ nuɔ, se amlɔ nɔuu nɛ a nu ɔ, Satan baa ba saa munyu nɛ a du ngɛ a mi ɔ.

BAIBLO ALOO NGMAMI KLƆUKLƆU Ɔ

¹⁵ Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Marko 4:15 ပူးပေါင်းရင်းမြစ်များ

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

Mateo 13:19

Nɔ tsuaa nɔ nɛ nuɔ mɛtsɛ yemi ɔ he munyu ɔ nɛ e kɔ we se ɔ, nɔ yayami ɔ baa ba saa nɔ́ nɛ a du ngɛ e tsui ɔ mi ɔ. Nɔ nɛ ɔ ji nɔ́ nɛ a du ngɛ blɔ tue ɔ nɛ.

2 Korintobi 2:11

konɛ Satan nine nɛ ko su wa nɔ, ejakaa e juɛmi ɔmɛ ɔ a kɛ laa wɔ.

Luka 8:12

Nihi nɛ ya nɔ blɔ tue ɔ ji ninɛmɛ nɛ nuɔ munyu ɔ, kɛkɛ nɛ abosiami baa ba saa munyu ɔ ngɛ a tsui mi konɛ a ko he ye nɛ a he a yiwami.

Marko 4:4

Nɛ e ba mi kaa benɛ e ngɛ wu ɔmɛ fiae ɔ, ekomɛ ya pue blɔ tue, nɛ lohwe pɛlitsɛmɛ ba ba kukuɔ.

Ni Tsumi 5:3

Se Petro ke: “Anania, mɛni he je Satan hyi o tsui mi tɔ, nɛ o ye lakpa ngɔ tsɔɔ Mumi Klɔuklɔu ɔ, nɛ o kɛ zugba a yi ni ɔ fã ko to se?

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

Kpojemi 20:7

Jeha akpe ɔ se ɔ, a maa pɛne Satan kɛ maa je e tsu ɔ mi,

Hebribi 2:1

Lɔ ɔ he ɔ e sa kaa waa pɛtɛ nihi nɛ wa nu ɔmɛ a he wawɛɛ konɛ wa ko tsɔ kɛ je he.

2 Tesalonikabi 2:9

Dikalɔ ɔ maa be kɛ Satan ni tsumi nɛ mi wa ngɛ lakpa he wami kɛ okadihi kɛ nyakpɛ nihi tsuo mi,

Mateo 22:5

Se mɛɛ lɛɛ a bui po, nɛ a ngɔ a blɔhi, nɔ kake ho e ngmɔ mi ya, nɛ nɔ kpa hu ho e guɛyemi ya.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Mateo 4:10

Kɛkɛ nɛ Yesu de lɛ ke: “Jee ye nɔ, Satan! ejakaa a ngma ke: ‘Nyɔmtsɛ, o Mawu ɔ, o ja, nɛ lɛ kɛkɛ o sɔmɔ!’ ”

Hebribi 12:16

konɛ nɔ ko ko pee e he ajuama bɔlɔ, loo yaka nɔmlɔ kaa Esau nɛ jua e bi tete blɔ nya a kɛ he si kake niye ni ɔ.

Ni Tsumi 17:32

Se benɛ a nu ni gbogboehi a si temi he ɔ, ni komɛ ye e he fɛu, nɛ ni komɛ hu ke: “Wa maa kpale bu mo tue ekohu ngɛ enɛ ɔ he.”

Marko 4:14

Ni dulɔ ɔ duɔ Mawu munyu ɔ.

Marko 4:16

Ni komɛ hu ngɛ kaa wuhi nɛ ya nɔ tɛ sa zugba nɔ ɔ. Amlɔ nɔuu nɛ a nu munyu ɔ, a pɛtɛɛ he kɛ bua jɔmi.