Marko 3:3 - Somi He Ɔ

³ Yesu de nɔ nɛ nine gbo ɔ ke: “Tee si nɛ o ba da kpɛti!”

BAIBLO ALOO NGMAMI KLƆUKLƆU Ɔ

³ Yesu de nɔ nɛ nine gbo ɔ ke, “Hɛɛ mo kɛ ba ye ngɔ!”

Marko 3:3 ပူးပေါင်းရင်းမြစ်များ

1 Petro 4:1

Akɛnɛ Kristo na amanehlu ha wɔ ngɛ he lo mi he je ɔ, nyɛ hu nyɛɛ kɛ jamɛ a juɛmi ɔ nɔuu nɛ mia kaa ta hwumi nihi, ejakaa nɔ nɛ na amanehlu ngɛ he lo mi ɔ, e jɔɔ yayami peemi,

Filipibi 1:14

Nyɛmimɛ nɛ ngɛ Nyɔmtsɛ ɔ mi ɔ a ti nihi fuu gu ye tsu mi womi ɔ nɔ na kã babauu pe kekle ɔ kɛ ngɛ Mawu munyu ɔ jajee nɛ a yi gbeye.

Galatabi 6:9

Nyɛ ko ha nɛ pɔ nɛ tɔ nyɛ kɛ kpakpa peemi, ejakaa ke wa nine mi wui nyu ɔ, wa ma kpa hulɔ ngɛ be nɛ sa mi.

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

Yohane 9:4

Wɔɔ lɛɛ, nɛ je na nɛ ɔ ɔ, ja wa tsu nɔ nɛ tsɔ wɔ ɔ ni tsumi ɔmɛ; je maa jɔ, benɛ nɔ ko be ni nyɛe ma tsu hu.

Luka 6:8

Se Yesu le a susumi ɔmɛ nɛ e de nyumu nɛ nine gbo ɔ ke: “Tee si ba da kpɛti!” Nɛ e te si ba da si.

Mateo 12:10

Nɛ oʼɛ, nyumu ko ngɛ lejɛ ɔ nɛ e nine kake gbo. Nɛ a bi lɛ ke: “Anɛ e da blɔ kaa a tsaa nɔ ngɛ Hejɔɔmi Ligbi ɔ nɔ lo?” A de enɛ ɔ benɛ pee nɛ e ya po e nya?

Marko 3:2

Ni komɛ ngɛ lejɛ ɔ nɛ ngɛ lɛ hwɔe kaa e ma tsa lɛ ngɛ Hejɔɔmi Ligbi ɔ nɔ lo, konɛ a ya po e nya.

Marko 3:4

Nɛ e bi ni ɔmɛ ke: “Anɛ e da kaa a peɔ kpakpa loo a peɔ yayami ngɛ Hejɔɔmi Ligbi ɔ nɔ, kaa a heɔ nɔmlɔ yi wami, aloo a gbee lɛ?” Se mɛɛ lɛɛ a pɛ̃ a nya mi.