Marko 2:2 - Somi He Ɔ

² Nihi fuu ba bua a he nya bɔ nɛ a nɛ́ blɔ ngɛ agbo ɔ nya tete. Benɛ Yesu ngɛ fiee kɛ ngɛ ni ɔmɛ tsɔɔe ɔ,

BAIBLO ALOO NGMAMI KLƆUKLƆU Ɔ

² Nihi babauu ba bua a he nya ngɛ lejɛ ɔ bɔ nɛ a nɛ́ blɔ ngɛ agbo ɔ nya tete. Benɛ Yesu ngɛ fiɛe ha mɛ ɔ,

Marko 2:2 ပူးပေါင်းရင်းမြစ်များ

Mateo 5:2

nɛ e bɔni mɛ ni tsɔɔmi ke:

Marko 1:14

Bene a nu Yohane wo tsu mi se ɔ, Yesu ba Galilea nɛ e ba fiɛ sane kpakpa a nɛ je Mawu ngɔ ɔ.

Marko 1:33

Ma a kulaa ba bua a he nya ngɛ agbo ɔ nya.

Marko 1:37

benɛ a ya na lɛ ɔ, a de lɛ ke: “Ni ɔmɛ tsuo ngɛ mo hlae.”

Marko 1:45

Se lɛɛ e pue nɔ kɛ ho nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fia bɔ nɛ Yesu nyɛ we nɛ e je paa kɛ sɛ ma ko mi hu; se e hi nga a nɔ he komɛ banee, nɛ nihi jee he tsuaa he baa engɔ.

Marko 2:1

Be bɔɔ ko se ɔ, Yesu kpale e se kɛ ba Kapernaum, nɛ a nu e he kaa e ngɛ we mi.

Marko 2:13

Yesu kpale e se ekohu kɛ ho Galilea Wo ɔ nya ya. Asafo ɔ tsuo ba e ngɔ, nɛ e bɔni mɛ ni tsɔɔmi.

Marko 6:34

Benɛ Yesu kple ɔ, e na asafo gidiglɛmɛ, nɛ e mi mi sa lɛ ngɛ a he, ejakaa a ngɛ kaa tohi nɛ be hyɛlɔ; nɛ e bɔni mɛ nihi fuu tsɔɔmi.

Luka 12:1

Jamɛ a be ɔ mi nɔuu ɔ, benɛ nihi akpe akpehi abɔ ba bua a he nyɛ nɛ nihi ngɛ nihi a nɔ nae ɔ, Yesu bɔni e kaseli ɔmɛ demi ke: “Kekleekle ɔ, nyɛ hɛ̃ nɛ hi nyɛ he nɔ ngɛ Farisifo ɔmɛ a ma sasɛ nɛ ji osato peemi ɔ he.

Luka 5:17

Jeha nɛ ɔ, ligbi ɔ eko nɔ nɛ Yesu ngɛ ni tsɔɔe ɔ, Farisifohi kɛ mlaa tsɔɔli nɛ je Galilea kɛ Yudea ma amɛ tsuo nɔ kɛ Yerusalem ba a hii si ngɛ lejɛ ɔ. Nɛ a je Nyɔmtsɛ ɔ hewami ɔ kpo tsɔɔ ngɛ lejɛ ɔ nɛ e kɛ tsa hiɔtsɛmɛ ɔmɛ.

Luka 8:1

Enɛ ɔ se ɔ, Yesu ya kpa mahi kɛ kɔpehi a mi nɛ e fiɛ Mawu matsɛ yemi ɔ he Sane Kpakpa a ngɔ tsɔɔ nihi; nɛ e kaseli nyɔngma kɛ enyɔ ɔmɛ piɛ e he,

Luka 8:11

Jeha nɛ ɔ abɛ ɔ sisi ji nɛ ɔ nɛ: “Wu ɔ ji Mawu munyu ɔ nɛ.

Ni Tsumi 11:19

Jeha nɛ ɔ nihi nɛ gbɛ fia ngɛ Stefano amanenlu ɔ mi ɔ po mi kɛ ya Foinike kɛ Kipro kɛ Antiokia lokoo, se a fiɛ we munyu ɔ ngɔ tsɔɔ we nɔ ko nɔ ko kaa ja Yudafo ɔmɛ kɛkɛ.

Ni Tsumi 14:25

Nɛ benɛ a fiɛ munyu ɔ ngɔ tsɔɔ ngɛ Perge ɔ, a ngɔ pue nɔ kɛ ba Atalia.

Ni Tsumi 16:6

Akɛnɛ Mumi Klɔuklɔu ɔ tsi mɛ blɔ ke a ko fiɛ munyu ɔ ngɔ tsɔɔ ngɛ Asia he je ɔ, a po mi ngɛ Frigia kɛ Galatia zugba a nɔ.

Ni Tsumi 8:25

Jeha nɛ ɔ benɛ a ye odase nɛ a tu Nyɔmtsɛ munyu ɔ ngɔ tsɔɔ mɛ nɛ a kpale a se kɛ ma Yerusalem ɔ, a fiɛ sane kpakpa a ngɔ tsɔɔ ngɛ Samariabi ɔmɛ a kɔpehi fuu a mi.

Romabi 10:8

Se mohu kɛ e deɔ kɛɛ? Mawu munyu ɔ na mo ngɛ o nya mi kɛ o tsui mi tsuo; (kɔlɔ ɔ nɔuu ji hemi kɛ yemi munyu nɛ wa fiɛɛ ɔ nɛ).

2 Timoteo 4:2

Fiɛ munyu ɔ, koo jɔɔ, deka ngɛ jio, deka be jio, ka hɛ mi, wo ga, bɔɔ kɔkɔ ngɛ tsui si tomi kɛ ni tsɔɔmi kulaa mi.