Marko 2:12 - Somi He Ɔ

¹² A ngɛ lɛ hyɛe nɔuu nɛ nyumu ɔ te si, e hlue e sa a, nɛ e je kpo. Mɛ tsuo a nya kpɛ a he, nɛ a je Mawu yi ke: “Wa nɛ́ enɛ ɔ eko gblee!”

BAIBLO ALOO NGMAMI KLƆUKLƆU Ɔ

¹² Ngɛ mɛ tsuo a hɛ mi ɔ, nyumu ɔ te si nɔuu; e ngɔ e sa a, nɛ e je kpo. Mɛ tsuo a nya kpɛ a he, nɛ a je Mawu yi ke, “Wa nɛ enɛ ɔ eko hyɛ!”

Marko 2:12 ပူးပေါင်းရင်းမြစ်များ

Mateo 9:33

Nɛ benɛ e hia mumi yayami ɔ, amuɛti ɔ tu munyu. Nɛ asafo ɔ he nya si mɛ nɛ a ke: “A nɛ́ kikɛmɛ a nɔ́ ko hyɛ ngɛ Israel!”

Mateo 9:8

Se benɛ asafo ɔ na a, a nya kpɛ a he, nɛ a wo Mawu hɛ mi nyami kaa e ngɔ kikɛmɛ a he blɔ ha nimli.

Luka 7:16

Nɛ gbeye nu mɛ tsuo, nɛ a wo Mawu hɛ mi nyami ke: “Gbalɔ kpetekpleenyɛ te si ngɛ wa kpɛti, nɛ Mawu ba slaa e ma a.”

Ni Tsumi 4:21

Se mɛɛ lɛɛ, benɛ a kpale wo a he gbeye ɔ, a ngmɛɛ a he, ejakaa a nɛ́ bɔ nɛ a maa pee nɛ a maa pii mɛ ngɛ ma a he, ejakaa nihi tsuo ngɛ Mawu hɛ mi nyami woe ngɛ nɔ́ nɛ a pee ɔ he;

Yohane 9:32

Kɛ je nɛ a bɔ je ɔ nɛ ɔ, a nui hyɛ kaa nɔ ko bli nɔ nɛ a fɔ lɛ hɛ yuyuilɔ hɛngmɛ gblee.

Yohane 7:31

Se asafo ɔmɛ a ti nihi fuu he e nɔ ye, nɛ a ke: “Benɛ Kristo maa ba a, anɛ e maa pee okadihi fuu pe nihi nɛ nɔ nɛ ɔ ngɛ pee nɛ ɔmɛ lo?”

Luka 17:15

Se a ti nɔ kake ɔ, benɛ e na kaa a tsa lɛ ɔ, e kpale e se kɛ ba nɛ e wo Mawu hɛ mi nyami kɛ gbi wawɛɛ.

Luka 13:13

Nɛ e kɛ e ninehi pue e nɔ, nɛ amlɔ ɔ nɔuu ɔ, e da tlɔmɔɔ, nɛ e wo Mawu hɛ mi nyami.

Luka 5:26

Nɛ mɛ tsuo a nya kpɛ a he, nɛ a wo Mawu hɛ mi nyami nɛ a ye gbeye wawɛɛ nɛ a ke: “Wa na nyakpɛ ni mwɔnɛ ɔ.”

Marko 1:27

Ni ɔmɛ tsuo pɛpɛɛpɛ nɛ ngɛ kpe he ɔ he nya si mɛ nɛ a bɔni a he bimi ke: “Mɛni ji nɛ ɔ? Oʼɛ tsɔɔmi he ko nɛ hewami ngɛ mi! Nɔmlɔ nɛ ɔ ngɛ he blɔ nɛ e kɛ keɔ mumi yayamihi a yi nɛ a buɔ lɛ tue!”

Mateo 15:31

Nɛ asafo ɔmɛ a nya kpɛ a he, benɛ a na kaa amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ a hule ɔmɛ ngɛ nyɛɛ, nɛ hɛ yuyuili ɔmɛ ngɛ nɔ hyɛe ɔ, nɛ a wo Israel Mawu ɔ hɛ mi nyami.

Mateo 12:23

Nɛ asafo ɔ tsuo nyɛ kpɛ a he nɛ a de ke: “Anɛ pi David bi ɔ ji nɛ ɔ?”

Marko 2:11

“I ngɛ mo dee ke: Tee si, wo o sa a nɛ o ya we mi!”