Marko 16:16 - Somi He Ɔ

¹⁶ Nɔ nɛ heɔ yeɔ nɛ a baptisi lɛ ɔ, a ma he e yi wami, se nɔ nɛ he we yi ɔ, a maa bu lɛ fɔ.

BAIBLO ALOO NGMAMI KLƆUKLƆU Ɔ

¹⁶ Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Marko 16:16 ပူးပေါင်းရင်းမြစ်များ

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Marko 1:15

E ke: “Be ɔ su; Mawu matsɛ yemi ɔ na nyɛ haa! Nyɛɛ kpale kɛ je nyɛ he yayami ɔmɛ a he nɛ nyɛ he sane kpakpa a ye.”

Luka 8:12

Nihi nɛ ya nɔ blɔ tue ɔ ji ninɛmɛ nɛ nuɔ munyu ɔ, kɛkɛ nɛ abosiami baa ba saa munyu ɔ ngɛ a tsui mi konɛ a ko he ye nɛ a he a yiwami.

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 6:29

Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.”

Yohane 6:35

Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Yohane 8:24

Lɔ ɔ he nɛ i de nyɛ ke nyɛ ma gbo ngɛ nyɛ he yayami ɔmɛ a mi ɔ nɛ; ejakaa ke nyɛ he we yi kaa imi nɛ ɔ ji lɛ ɔ, nyɛ ma gbo ngɛ nyɛ he yayami ɔmɛ a mi.”

Ni Tsumi 10:43

Lɛ e he odase gbali ɔmɛ kulaa yeɔ, kaa nɔ tsuaa nɔ nɛ heɔ e nɔ yeɔ ɔ ma na e he yayami pami ngɛ e biɛ ɔ he.”

Ni Tsumi 13:39

nɔ nɛ ɔ mi ɔ, nɔ tsuaa nɔ nɛ heɔ yeɔ ɔ, a woɔ lɛ nguɔ.

Ni Tsumi 13:46

Nɛ Paulo kɛ Barnaba tu munyu kɛ kã ke: “Nyɛ kekle e sa kaa a jajeɔ Mawu munyu ɔ ngɔ tsɔɔ, se akɛnɛ nyɛ kua munyu ɔ nɛ nyɛ bui nyɛ he kaa nyɛ sa neneene wami ɔ he je ɔ, oʼɛ, wa dɔ wa yi kɛ yaa majeli ɔmɛ a ngɔ.

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Ni Tsumi 2:41

Kɛkɛ nɛ nihi nɛhe e munyu ɔ ye ngɛ tsui mi jɔmi nya a, a baptisi mɛ, nɛ jamɛ a ligbi ɔ nɔuu ɔ, a ngɔ klaahi maa pee akpe etɛ ngɔ piɛ a he.

Ni Tsumi 22:16

Nɛ jeha nɛ ɔ mɛ he je o ngɛ tslee toe? Tee si nɛ o ha a baptisi mo nɛ a fɔ o he yayami ɔmɛ ngɔ pue he nɛ o tsɛ Nyɔmtsɛ ɔ biɛ.’

Romabi 3:6

Dɛbi! Ejakaa ke ja a, kɛ maa pee kɛɛ nɛ Mawu maa kojo je ɔ?

Romabi 4:24

se mohu wɔ nihi nɛ a maa bu ngɔ ha a hu wa he, wɔ ninɛmɛ nɛ wa heɔ nɔ nɛ tle wa Nyɔmtsɛ Yesu si kɛ je gbeje ɔ nɔ yeɔ ɔ.

2 Tesalonikabi 1:8

nɔ nɛ kɛ la nɛ ngɛ tsoe maa gbla nihi nɛ li Mawu kɛ nihi nɛ bui wa Mawetsɛ Yesu Kristo sane kpakpa a tue ɔmɛ a tue.

2 Tesalonikabi 2:12

konɛ a kojo nihi kulaa nɛ he we anɔkuale ɔ yi, se a naa nihi nɛ dɛ blɔ ɔmɛ mohu a he tsui ɔ.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

1 Petro 3:21

Enɛ ji baptisimi nyu ɔ he okadi nɛ a kɛ heɔ wa yi wami, nɔ́ nɛ pi he womi nɔ mu jemi, se mohu e ji he nile kpakpa somi nɛ e kɛ Mawu soɔ, kɛ guu Yesu Kristo si temi ɔ nɔ,

Kpojemi 20:15

Nɛ ke nɔ ko ngɛ nɛ a nɛ́ kaa a ngma e biɛ ngɛ wami womi ɔ mi ɔ, a sakee lɛ ngɔ fɔɔ la taku ɔ mi.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”