Marko 14:61 - Somi He Ɔ

⁶¹ Se e kpɛ we e kuɔ si nɛ e ha we heto. Osɔfo nɔkɔtɔma a kpale bi lɛ ekohu ke: “Mo ji Kristo, nɔ nɛ a gbaa a bi ɔ lo?”

BAIBLO ALOO NGMAMI KLƆUKLƆU Ɔ

⁶¹ Se Yesu kpɛ we e kuɔ si, hluu nɛ e maa pã e nya mi po. Osɔfo nɔkɔtɔma pe kulaa a kpale bi lɛ ekohu ke, “Mo ji Kristo ɔ? Mo ji Mawu Bi ɔ nɛ a gbaa?”

Marko 14:61 ပူးပေါင်းရင်းမြစ်များ

Marko 15:2

Nɛ Pilato bi lɛ ke: “Mo ji Yudafo ɔmɛ a matsɛ ɔ lo?” Nɛ e he nɔ nɛ e de lɛ ke: “Ja o de ɔ nɛ.”

Yohane 19:7

Yudafo ɔmɛ he nɔ ke: “Wɔɔ lɛɛ wa ngɛ Mlaa, nɛ wa Mlaa a nya a, e sa gbenɔ, ejakaa e pee e he Mawu bi.”

1 Petro 2:23

nɔ nɛ benɛ a ngɛ lɛ jɛe ɔ, e jɛ we nɔ ko tui nane mi, benɛ e ngɛ amanehlu nae ɔ, e gbiɛ́ nɔ ko, se mohu e tu e sane ngɔ wo nɔ nɛ kojoɔ dami nya a dɛ mi.

Yohane 10:36

nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo?

Yohane 1:34

Nɛ i na, nɛ i ye he odase kaa lɛ ji Mawu Bi ɔ nɛ.”

Mateo 16:16

Petro he nɔ ke: “Mo ji Kristo ɔ, Mawu hɛ kalɔ ɔ, bi ɔ.”

Mateo 8:29

Nɛ oʼɛ, a kpa ngmlaa ke: “Mɛni sane waa kɛ mo ngɛ mo Yesu, Mawu bi ɔ? Anɛ o ba wɔ dengme womi loko be ɔ nɛ su lo?”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

1 Timoteo 6:15

Nɔ nɛ hewami nɔyelɔ kake nɛ da gbaa, matsɛmɛ a matsɛ, kɛ nyɔmtsɛmɛ a nyɔmtsɛ ɔ maa je kpo ngɛ lɛ nitsɛ e be mi ɔ;

1 Timoteo 1:11

ngɛ Mawu nɛ a gbaa lɛ ɔ nyami sane kpakpa nɛ a tu ngɔ wo ye dɛ mi ɔ nya.

Ni Tsumi 8:32

Se ngmami ɔ he nɛ e ngɛ kanee ɔ ji nɛ ɔ nɛ: “A kpaka lɛ kɛ ho kaa jijɔ nɛ a yaa gbe lɛ, Nɛ bɔ nɛ jijɔ bi peɔ kpoo ngɛ e he bwɔmi salɔ hɛ mi ɔ, Ja nɔuu e kpɛ we e kuɔ si.

Yohane 19:9

nɛ e sɛ kojomi he ɔ ekohu, nɛ e bi Yesu ke: “Jije o je?” Se Yesu pui e nya mi.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Yohane 10:24

Kɛkɛ nɛ Yudafo ɔmɛ ba bua wo e he, nɛ a de lɛ ke: “Kɛ yaa su mɛni be o ma ha wa yi mi maa jɔɔ wɔ kɔsikɔsi peemi ngɛ o he? Ke mo ji Kristo ɔ de wɔ paa.”

Marko 14:60

Nɛ osɔfo nɔkɔtɔma a te si dasi ngɛ a kpɛti, nɛ e bi Yesu ke: “O be heto hae lo? Mɛni odase ni nɛ ɔmɛ ngɛ yee kɛ ngɛ mo sie nɛ ɔ?”